Hego Euskal Herriko 112 udalerri, Estatuko 250 aberatsenen artean
EAE da sailkapenaren buruan, herritar bakoitzak, batez beste, 20.000 eurotik gorako errenta du eta; Hego Euskal Herriko ehun udalerri baino gehiago Espainiako aberatsenen artean daude.
Hego Euskal Herria da Espainiako Estatuan batez besteko errenta pertsonal altuena duen lurraldea. 2024ko datuekin Familien Errentaren Banaketaren Atlasean Espainiako Estatistika Institutuak (INE) egindako azken eguneratzearen arabera, Euskal Autonomia Erkidegoko eta Nafarroako batez besteko errenta pertsonala 19.500 eurokoa izan zen iaz. Hala ere, aldea handia da bi erkidegoen artean: EAEn 20.279 eurokoa izan zen, eta, Nafarroan, 16.841 eurokoa. Alabaina, bi kasuetan, Estatuko 15.998 euroko batezbestekoaren gainetik daude.
% 40 inguruko hazkundea, zortzi urtean
Azken urteotan etengabe egin du gora errenta pertsonalak Hego Euskal Herrian. 2016tik 2024ra, % 40 inguruko hazkundea izan dute bi erkidegoek ( % 40 EAEn eta % 37,5 Nafarroan), eta urteroko batez besteko igoera % 5ekoa izan da. Erritmo hori Espainiako Estatuko batezbestekoarena (% 42,4) baino apalagoa izan da, baina abiapuntuan errenta altuagoa zenez, Hego Euskal Herria zerrendako buruan dago hala ere.
Hazkunde handiena 2022tik 2024ra izan zen; tarte horretan, urteko batez besteko errenta % 8,1 igo zen EAEn, eta % 4, Nafarroan. Azken lurralde horretan, garai oparoena 2016-2019 hirurtekoa izan zen, % 4,6ko hazkundea izan zuenean.
Autonomia-erkidegoen artean, EAE da liderra, Madril (18.856 euro), Balear Uharteak (18.854 euro) eta Katalunia (17.477 euro) atzean utzita. Gainera, 20.000 euroko muga gainditzen duen erkidego bakarra da.
Euskal Autonomia Erkidegoaren barruan, Gipuzkoak du errenta pertsonalik handiena (19.616 euro, 2023ko datuen arabera). Ondoren Bizkaia (18.738 euro) eta Araba (17.806 euro) doaz; azken hori Nafarroaren aurretik kokatzen da (16.423 euro).
Eskualdeka, Plentzia-Mungia da Hego Euskal Herrian errenta altuena duena (20.697 euro), eta Nafarroako Erribera, berriz, azken postuan dago (14.183 euro).
112 euskal udalerri, Espainiako Estatuko aberatsenen artean
2023ko datuei begira udalerri mailako azterketak agerian utzi du Hego Euskal Herriak duen indar ekonomikoa. Izan ere, Espainiako Estatuko errenta altuena duten 250 udalerrietatik, 112 gure ingurukoak dira, hau da, guztizkoaren ia erdia (% 45).
Guztira, bederatzi euskal udalerri Estatuko 25 aberatsenen artean kokatzen dira: Bizkaian, Laukiz (25.434 euro), Getxo, Maruri-Jatabe, Loiu eta Barrika; Araban, Arratzua-Ubarrundia (22.503 euro) eta Zigoitia; Gipuzkoan, Donostia (22.330 euro); eta Nafarroan, Itza (21.014 euro).
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".