Topoaren Donostiako lurpeko hiru geltoki berriak 2026ko bigarren seihilekoan jarriko dira martxan
Lurpeko hiru geltokietatik bitan obra zibilak amaitu dituzte (Eason eta Bentaberrin), eta Erdialdea-Kontxa geltokira sartzeko bi kanoiak "oso aurreratuta" daude, Eusko Jaurlaritzak jakinarazi duenez.
Topoa Donostia erdigunera iristeko lanak aurrera doaz, eta erritmo onean gainera. Eusko Jaurlaritzak astelehen honetan jakinarazi duenez, lurpean jarriko diren hiru geltoki berriak (Bentaberri, Erdialdea-Kontxa eta Amara-Easo) 2026ko bigarren seihilekoan jarriko dira martxan.
Euskal Trenbide Sarea (ETS) barne arkitekturako lanak egiten ari da etorkizuneko Erdialdea-Kontxa geltokian, Donostiaren bihotzean.
Behin zuloaren hormigoizko estaldura-lanak amaituta, nasen tarte bat eta trenbideko lauza eraikitzen hasi dira, eta hortik zirkulatuko dute trenek, aurreikuspenen arabera, datorren urteko bigarren seihilekotik aurrera.
Susana Garcia Chueca Mugikortasun Jasangarrirako sailburua, Jon Insausti Donostiako alkatea, Miguel Angel Paez Azpiegitura eta Mugikortasun Jasangarrirako sailburuordea eta Antonio Lopez ETSren zuzendari nagusia lanak bertatik bertara ikusten izan dira astelehen honetan.
Halaber, trenbidea muntatzeko behar diren euskarriak jarri direla ikusi dute Erdialdea eta Easo geltokien arteko tunelean —Lugaritz eta Mirakontxa arteko lehen tartekoak jarrita daude honezkero, Erdialdea geltokiarekin lotzeko azken tartea izan ezik—. Urte hasieran atondoak egiten hastea dago aurreikusita.
Topoaren lanak ikusteko bisita. Argazkia: EFE
Erdialdea-Kontxa geltokira sartzeko bi kanoiak "oso aurreratuta" daude. Xabier Zubirin eskailera mekanikoak muntatzen hasiko dira urte hasierarako. Loiola kalera sartzeko kanoiak, berriz, eskailera mekanikoak ditu jarrita, eta altzairuzko estaldura beiraztatua egikaritze-fasearen % 66an dago.
Lugaritz-Mirakontxa tarteari dagokionez, obra zibila amaituta dago, eta instalazio batzuk, hala nola igogailuak eta eskailera mekanikoak, muntatuta daude. Trenbidea ere jarrita dago, eta, gaur-gaurkoz, argiztapen-sistemak eta suteen aurkako babesekoak egiten ari dira tunel osoan eta Bentaberriko geltokian.
Bestalde, azken hilabeteetan gainazalean ere egin dituzte "aurrerapenak", besteak beste, Easo eta San Bartolome kaleetan eta Xabier Zubiri plazan hainbat urbanizazio lan egin ostean.
2026ko bigarren seihilekoan lurpean jarriko diren hiru geltoki berriak (Bentaberri, Erdialdea-Kontxa eta Amara-Easo) zerbitzuan jartzeak “iraultza ekarriko du Donostiako eta Gipuzkoako mugikortasunean, eta herritarrek gozatzeko espazio publiko berriak eta etxebizitzak sortzeko aukera emango duen lurzorua libre uzteko aukera, hala nola Amarako trenbideen zabalgunea”, adierazi du Garcia Chuecak.
Zure interesekoa izan daiteke
India, aukera ugariko herrialdea euskal makina-erremintarentzat
Nazioarteko testuingurua benetan zaila den honetan, makina-erremintaren sektoreak aire freskoa bilatzen du geldirik dagoen Europatik eta aurkari bihurtu den Txinatik urrun. Estatu Batuetako merkatua birika nagusia izanik, sektoreak bi gune nagusi ditu helburu: India eta Mercosur.
Denboraldiko lehen antxoa euskal portuetara iristen hasi da
Sasoiko lehen antxoak euskal portuetara iritsi dira, kostera hasi eta hurrengo egunean. 20 tona sartu dira, esaterako, Getariako portuan. Orain ikusi behar zenbatean saltzen duten kiloa arraindegietan, eta uste bezain gozo ote dagoen.
EAEn 1.100 langabe gutxiago izan dira otsailean, baina Nafarroan langabeziak zertxobait egin du gora
Hego Euskal Herrian 137.000 langabe inguru daude.
Petrolioaren prezioak % 3 inguru egin du gora, eta burtsetan jaitsierak izango dira, Iranen aurkako erasoen ondorioz
Petrolio gordinaren prezioarekin batera, gas naturalarena ere igotzen ari da; izan ere, Herbehereetako TTF merkatuan, Europako erreferentzietako bat, hilabeteko epean entregatzeko gasaren prezioa % 22 gehiago igo da, 53,14 dolarreraino.
EAEko enpresek 1.130 milioi euro esportatu zituzten Ekialde Erdikora 2025ean, guztizkoaren % 3,8
Guztira 42 euskal enpresak 63 ezarpen dituzte Ekialde Erdikoko hainbat herrialdetan.
Jantokien greban ikasleek janaria kanpotik eramatea errespetatzeko eskatu du Pedrosak, ikastetxeak baimentzen badu
Ikastetxe publikoetako jantokietako beharginek lan-baldintzak hobetzea eskatzeko joan den astean egindako hiru greba egunen ondoren, martxoaren 10, 11 eta 12rako deitutakoan aurreko egoera ez dadin errepikatu galdegin du Hezkuntza sailburuak, izan ere, zenbait ikastetxetan etxetik eramandako janaria kendu zitzaien ikasleei. Pedrosak sindikatuei eta enpresei eskatu die "mahaitik ez altxatzeko" akordio batera iritsi arte, horretarako "oinarri ona" dutelako.
Pradalesek Ekialde Hurbileko egoera "baretu" dadila eskatu du, eta euskal enpresei dagokienez "beharrezkoak diren neurriak" agindu ditu
Makina-Erremintaren Nazioarteko Azokaren irekiera-ekitaldian, Barakaldoko BECen, lehendakariak aurreratu duenez, Eusko Jaurlaritza Ekialde Hurbileko gatazkak izan ditzakeen "ondorioak" aztertzen ari da dagoeneko, eta "gerra" bat hasteko "benetako arriskua" dagoela ohartarazi du.
Abian da MWCren hogeigarren ekitaldia Bartzelonan, fokua espazioan eta begirada 6G teknologian jarrita
Mobile World Congress kongresuak, konektibitateari lotutako teknologiari buruzko munduko hitzordu nagusiak, 2.900 erakusketari baino gehiago bilduko ditu. Bartzelonako Gran Via de Firako azoka-barrutian martxoaren 5era arte 100.000 bisitari baino gehiago biltzea espero da eta lurraldean 585 milioi euroko eragin ekonomikoa sortzea aurreikusten du, aurreko ekitaldian baino % 4,3 gehiago.
Makina-Erremintaren Nazioarteko Azokak digitalizazio, automatizazio eta robotika proiektu handizaleak erakutsiko ditu BECen
Martxoaren 2tik 6ra, bost egunez, 1.503 erakusketari eta 3.350 produktutik gora egongo dira bertan. Gainera, nazioarteari egingo diote azpimarra aurtengo edizioan, 70 herrialdetatik iritsitako bisitariak bilduko baititu.
Makina-Erremintaren Nazioarteko Azoka, euskal industriaren sendotasuna erakusteko topagunea
Euskal industriaren sendotasuna erakusteko eta merkatu berriak topatzeko aukera izango dute Makina-Erremintaren Nazioarteko Azokan parte hartzen duten enpresek. 34 herrialdetako 3.350 produktu eta zerbitzu berritzaile aurkeztuko dituzte, gehienak makinak.