Gutxieneko Soldata propioaren aldeko grebaren aurrean, "egunsentira arte" negoziatzearen alde dago Eusko Ganbera, baina "mehatxurik gabe"
ELA, LAB, Steilas, ESK, Hiru eta Etxaldek martxoaren 17rako Hegoaldean greba orokorra deitu ostean, Gregorio Rojo Arabako, Bilboko eta Gipuzkoako ganberen arteko aliantzaren presidenteak sindikatuekin hitz egitearen alde egin du.
Gregorio Rojo Eusko Ganberako presidenteak Hego Euskal Herrian LGS propioa lortzeko deitutako greba orokorraren aurrean adierazi duenez, "egunsentira arte negoziatzearen aldekoa" da, baina negoziaketa "ezin da mehatxuka egin".
Araba, Bizkai eta Gipuzkoako ganberen arteko aliantza ordezkatzen duen entitatearen buruak 2026rako aurreikuspenak aurkeztu ditu gaur Bilbon, eta, ekitaldi horren baitan, kazetarien galderei erantzunez, ELA, LAB, Steilas, ESK, Hiru eta Etxaldek martxoaren 17rako deitu duten greba orokorrari erreferentzia egin dio Rojok.
"Ziurgabetasunak markatutako testuinguru erabakigarri" batean gaudela esan du, eta "une garrantzitsua" dela hau "Euskadiko, Espainiako eta Europako egoera orokorra behetik gora eta goitik behera negoziatzeko".
Arabako Merkataritza Ganberaren ordezkari ere badenak uste du "herrialdeko egitura ekonomiko berari eusten saiatu" beharra dagoela; izan ere, "bikaina" da bere iritziz, Euskadik industria oso indartsua duelako eta horrek soldata-bolumen handia ematen duelako. "Estatuko (batez besteko) soldatarik altuena dugu industriari esker, baina, bistan denez, industria mantentzea eta berria ekartzea ere pentsatu behar dugu, eta erakargarriak izan behar dugu", gaineratu du.
Rojok adierazi du gizarte eta harreman arloan ere erakargarriak izan beharra dagoela, elkarri entzun behar zaiola, eta langileentzako "baldintzarik onenak" izaten saiatu beharra dagoela. "Enpresa bat denok dakigu zer den, kapitala da, zuzendaritza-taldea da eta bertako langileak dira, eta, jakina, produktua", adierazi du.
Hori dela eta, sindikatuek Lanbidearteko Gutxieneko Soldata propioa nahi badute, "hitz egin" behar dela adierazi du. "Negoziatu egin behar dugu, baina ez mehatxatuz, baizik eta daukagun benetako egoerari buruz hausnartuz", azaldu du.
Jose Ignacio Zudairek, Bilboko Ganberako presidenteak, ordezkatuko du Rojo karguan 2026ko urtarrilaren 1etik aurrera, eta errelebo hori ere irudikatu dute gaurko ekitaldian.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.