Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Nafarroako Gobernuak erkidegoko abelburu guztiei —120.000 inguru— dermatosi nodularraren aurkako txertoa jarri nahi die, prebentzio-neurri bezala. Horretarako, Espainiako Gobernuari eskatu dio Europar Batasunari baimena eska diezaiola txertaketa abian jartzeko. Halaber, gaitza nola zabaltzen ari den ikusita, Euskal Autonomia Erkidegoko, Aragoiko eta Kataluniako abelburuak ere txertatzeko eskaera egin du.
Jose Mari Aierdi Landa Garapeneko eta Ingurumeneko kontseilariak eta Ignacio Gil Nekazaritza eta Abeltzaintza zuzendariak agerraldia egin dute goizean, gaiaren inguruko azalpenak emateko. Esan dutenez, "erabaki horren arrazoia prebentzioa indartzea da, hilabete honetan bi foku agertu baitira Frantzian, kontrolatu gabeko animalien mugimenduek eragindakoak, eta horietako bat Nafarroatik 30 kilometrora dago".
Kontseilariaren arabera, Katalunian "fokua kontrolatzea" lortu dute, prebentzio-neurrien bidez, baina Frantzian bestelakoa da agertokia: "Egoera ez dago kontrolpean, eta Nafarroara hurbiltzen ari dira fokuak". Hori dela eta, Erkidegoan egun dauden abelburu guztiak txertatzeko baimena nahi du Foru Gobernuak, "segurtasuna bermatzeko".
Gaur bildu da Espainiako Nekazaritza, Arrantza eta Elikadura Ministerioa erkidegoetako ordezkariekin, eta bilera horretan eskatu du Nafarroak txertaketarako baimena bideratzea. Bruselak du azken hitza.
Goizeko prentsaurrekoan, Aierdik jakinarazi du hainbat bilera egin dituztela sektoreko ordezkariekin, "biosegurtasun neurriak" lehenbailehen hartzeko. Azken egunotan, Frantziatik ekarritako abelburuak jaso dituzte Nafarroako bost ustiategitan, baina, oraingoz, ez da dermatosi kasurik atzeman.
Zure interesekoa izan daiteke
Pirinioetako abeltzainek hartzak mugatzeko eskatu dute, abeltzaintza estentsiboarekin "bateragarriak" izan arte
Ezkarotz eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan izango dituen ondorioen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.
Medikuen Greba Batzordeak baieztatu egin du greba mugagabea abiatuko dutela irailean
Medikuen Sindikatuak azaldu duenez, erabakia "hartuta" du jada Greba Batzordeak, eta, orain, "hasiera data" zehaztea falta da.