Zer gertatuko da pentsioekin, Kongresuak igoera baztertu ondoren?
PPk, Voxek eta Juntsek babes sozialerako neurriak jasotzen zituen dekretuaren aurka bozkatu dute. Izan ere, horretan pentsioen igoera eta beste neurri batzuk jasotzen ziren.
Espainiako Kongresuak atzera bota du pentsioen igoera jasotzen zuen dekretua. Hala, Gobernuak beste lege-dekretu bat aurkeztu beharko du hori bermatzeko, eta horrek PPren edo Juntsen babesa beharko luke.
Bi alderdi horiek azpimarratu dute prest daudela horri babesa emateko, betiere dekretu berriak pentsioen igoera puntu bakar gisa jasotzen badu eta omnibus dekretu baten parte ez bada. Izan ere, horrelako dekretuek arlo askotako neurriak bideratzen dituzte lege-pakete bakar batean, gaur Kongresuko osoko bilkurak errefusatutakoa kasu.
PPk eta Juntsek errefusatu egin dute pentsioen balioa handitzea dekretu baten barruan bozkatzea, beste neurri batzuekin batera, uste baitute Gobernuak "pentsiodunak erabiltzen dituela" alderdiek onartuko ez lituzketen beste neurri horiek ere bideratzea lortzeko, hala nola familia kalteberentzako etxegabetzeen luzamendua.
Gobernuak dekretu berri bat onar dezake orain, eta Kongresura eraman, duela urtebete egin zuen bezala, urtarrilaren 22an, 2025erako pentsioak igoko zituen testua bertan behera geratu ostean.
Gobernuak Juntsekin ituna egin ondoren aurkeztu zuen bigarren dekretuak pentsioen igoerarekin batera beste gai batzuk ere jasotzen zituen arren, babes sozialerako neurriak kasu, PPk aldeko botoa eman zuen aurrekoarekin alderatuta zuzenketa bat zela iritzita.
Beraz, Gobernuak nahi badu pentsiodunek otsaileko nominetan (urtarrilekoak ordainduta daude) ordainsari horren igoera jasotzea, dekretu berri bat onartu beharko du lehenbailehen.
Hala ere, hurrengo nominan ondorioak izateko igoera onartzen ez bada, aurrerago atzeraeraginezko izaerarekin onartzeko aukera dauka, eta, beraz, erretiratuek igoera jaso jasoko dute, baina berandu kobratuko lukete.
Pentsioak urtero igo behar dira KPIaren arabera, Toledoko Itunean erabaki bezala. Normalean, igoera hori aurrekontuen proiektuan sartzen da, baina urte honetarako kontu berrien faltan zeudenez gero, Gobernuak igoera errege lege-dekretu batean onartu zuen.
2026rako igoera % 2,7koa da, hau da, % 7koa gutxieneko pentsioen kasuan, eta % 11,4koa kotizazio gabeko pentsioen eta bizitzeko gutxieneko diru-sarreraren kasuan.
Zure interesekoa izan daiteke
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.