Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
09:45ean hasi dira gaur BECen (Barakaldo) Ertzaintzaren 35. promoziorako Lan Eskaintza Publikoaren (LEP) lehenengo hautaprobak, ordubete eta laurdeneko atzerapenarekin. 3.188 pertsona aurkeztu dira probetara, izena eman dutenen % 85etik gora, eta horrek eragin du atzerapena, ez baitzegoen denentzako nahikoa leku eta azterketa.
Segurtasun Sailak ohar bidez azaldu duenez, aurreko deialdietan, batez beste, izena eman duten hautagaien % 70 aurkeztu izan dira, inoiz % 76 ere bai. Gaur, baina, izena emanda zutenen % 86 bertaratu dira, aurreikusitakoa baino % 16 gehiago. Horri aurre egiteko, Polizia eta Larrialdietako Euskal Akademiak leku eta azterketa gehiago prestatu behar izan ditu, eta hautagai guztiek egin ahal izan dute azterketa. Segurtasun Sailaren arabera, azterketak babesteko katea bermatuta egon da denbora guztian.
Segurtasun Sailak gertatutakoaren informazio guztia eman die Ertzaintzako sindikatuei, eta agerraldia eskatu du Eusko Legebiltzarrean, gertatutakoa azaltzeko. Gainera, Bingen Zupiriak zuzentzen duen sailak barkamena eskatu die proba egitera joan diren hautagaiei, eta egoera konpondu bitartean izan duten "pazientzia eta jarrera ona" eskertu die.
Ernek antolakuntzan izandako akatsaz kexatu da
Azterketan izandako "akats larriaz" kexatu da Erne sindikatua. Esan duenez, "beharrezkoa da azterketak erakundeak berak exijitzen duen eta Ertzaintzan sartu nahi dutenek erakutsi duten konpromisoaren maila berekoak izatea, hautaketa prozesu egokiekin".
Esanek antolakuntza falta kritikatu du
Esan Ertzaintzaren sindikatuak "antolakuntza eta planifikazio falta larria" egon dela salatu du. Horren ustez, gertatutakoa "onartezina" da.
"EAJren lardaskeria" izan da, PPren esanetan
PPren legebiltzarkide Ainhoa Domaicak iritzi dio "EAJren lardaskeria" izan dela gaur gertatutakoa, eta galdetu du ea nola kudeatu duten azterketen zaintza fotokopiak egiten ari ziren bitartean.
Euspelek gertatutakoa salatuko du datorren asteartean
Euspel sindikatuak elkarretaratzea egingo du datorren asteartean Erandioko (Bizkaia) ertzain-etxearen aurrean, azterketan gertatutakoa eta Ertzaintzan dagoen enplegu plan "negargarria" salatzeko.
Test psikoteknikoa eta elkarrizketa
Gaurkoan test psikoteknikoa eta nortasun proba egin behar izan dituzte. Horiek gaindituz gero, proba fisikoak eta elkarrizketa pertsonala egingo dituzte. Horrela, proba gainditzen dutenek irailean hasiko dute prestakuntza Arkautin, eta 2027ko udaberrian hasiko dira Ertzaintzan zerbitzua ematen, praktiketan.
Lan eskaintza honek Ertzaintzaren oinarrizko eskalako 150 agente plaza ditu, baina plaza kopurua 473ra handitu daiteke.
Hautagaien profila
Segurtasun Sailak eman dituen datuen arabera, gizonezkoak (% 63) eta 18 eta 30 urte bitartekoak (% 74,1) dira hautagai gehienak. Bizkaian bizi dira hamarretik sei (% 62,2), eta Gipuzkoan (% 19,5) eta Araban (% 12,4) bizi direnak dira sailkapen horretan hurrengoak. Gainerakoak EAEtik kanpo bizi dira.
Bestalde, lautik batek 31 eta 38 urte bitartean ditu.
Zure interesekoa izan daiteke
Iñigo Ucin izango da Ayesa Digitalen presidente ez exekutibo berria
Erantzukizun hori hartuko du Ibermatica zena Euskadira itzultzen denean hasiko den etapa berrian. Ibermatica astearte honetan sartuko da ofizialki Ayesa Digitalen.
Gizon bat hil da Durruma Donemiliagan izandako lan-istripu batean
Istripua ostiralean gertatu zen, 18:30 aldera, belar bola batek azpian harrapatu zuenean langilea.
Tubos Reunidosek 118,1 milioi galdu ditu 2025ean
Azken urtean, finantza-zor garbia 234,3 milioi eurotik 263,2 milioi eurora igo da, besteak beste, FASEE maileguaren interes kapitalizatuen eraginaren ondorioz.
KPIa % 3,3ra igo da martxoan, erregaien prezioen igoeraren ondorioz
Urte arteko KPIaren puntu bateko igoera hau 2022ko ekainaz geroztik izandako handiena da; inflazioa % 8,7tik % 10,2ra igo zen urte hartan.
"Gatazka piztu da berriro" Ertzaintzan, Euspelen arabera
Sindikatua hirugarren indarra izatetik lehen indarra izatera igaro da, 1.732 boto bildu eta 20 ordezkari eskuratuta. "Euspel ez da aldatuko lehen indarra izateagatik", esan du Joseba Saralegi Euspeleko ordezkariak.
Euspelek irabazi ditu Ertzaintzaren hauteskunde sindikalak, eta 20 delegatu izango ditu
Esan bigarren indar gisa kokatu da, horrek ere 20 delegatu lortu baititu. ErNE, azken bi hamarkadetan EAEko polizia autonomikoan gehiengoa izan duen sindikatua, berriz, hirugarren postuan geratu da.
Greba Batzordeak eta Osasun Ministerioak elkarrizketei ekin diete berriro, bi asteko grebaren ostean
Alderdi guztien elkarrizketarako borondatea eskatu dute, Estatutu Markoa lortzeko.
Bilboko Aireportuko ‘handling’ zerbitzuko langileek greba egingo dute astelehenetik aurrera
Maletak eramateaz eta aireportuetako beste zerbitzuez arduratzen den Groundfroce enpresako langileek lanuzteak egingo dituzte astelehen, asteazken eta ostiralean, hitzarmen kolektibo berriaren negoziazioaren barruko desadostasunak direla eta.
52 urteko gizon bat hil da Valtierran, lan-istripuz
Ezbeharra hondakinak kudeatzeko enpresa batean gertatu da, Nafarroako udalerriko abeltzaintza-industrialdean. Lehen ikerketen arabera, kargatzeko pala batek jo du langilea.
Tubos Reunidosek hitzarturiko kaleratzeekin bat egin dezaten eskaini die finko bihurtutako 42 langileei, aldi baterako langileen baldintzekin
Lan Ikuskaritzak, asteazkenean batzordearekin eta enpresarekin egindako bilera batean, Tubos Reunidosek lege iruzurrez egindako 42-47 behin-behineko kontratu atzeman zituen. Hori dela eta, enpresak finko egin behar izan ditu langileak. Sindikatuek azaldu zutenez, enpresak martxoaren 31ra arte luzatu zituen kontratazio horiek.