Ertzaintzaren lan eskaintzaren lehen probak atzerapenarekin abiatu dira, espero baino jende gehiago aurkeztu baita
Aurreikusitakoa baino ordu eta laurden geroago hasi dira azterketak, leku eta proba gehiago prestatu behar izan dituztelako (hautagaien % 70 aurkeztu ohi da; gaurkoan % 85etik gora izan dira bertaratutakoak). Segurtasun Sailak ohar bidez azaldu duenez, sindikatuei gertatutakoaren berri eman zaie. Legebiltzarrean agerraldia eskatu du Sailak azalpenak emateko.
09:45ean, ordubete eta laurdeneko atzerapenarekin, abiatu dira gaur BECen (Barakaldo) Ertzaintzaren 35. promozioaren Lan Eskaintza Publikoaren (LEP) lehenengo hautaprobak. 3.188 pertsona, izena emandakoen % 85etik gora, aurkeztu dira probetara, eta horrek eragin du atzerapena, ez baitzegoen denentzako nahikoa leku eta azterketa.
Segurtasun Sailak ohar bidez azaldu duenez, aurreko deialdietan inskribatutako pertsonen % 70 aurkeztu izan da batez beste, inoiz % 76 ere bai. Gaur, baina, izena emanda zuten pertsonen % 86 bertaratu dira, aurreikusitakoa baino % 16 gehiago. Igoera horri aurre egiteko, Polizia eta Larrialdietako Euskal Akademiak leku eta azterketa gehiago prestatu behar izan ditu, eta hautagai guztiek egin ahal izan dute azterketa. Segurtasun Sailaren arabera, azterketen babes katea bermatuta egon da denbora guztian.
Segurtasun Sailak gertatutakoaren informazio guztia helarazi die Ertzaintzako sindikatuei eta agerraldia eskatu du Eusko Legebiltzarrean gertatutakoa azaltzeko. Gainera, Bingen Zupiriak zuzentzen duen Sailak barkamena eskatu die azterketara aurkeztu diren hautagaiei eta egoera konpondu bitartean izan duten "pazientzia eta jarrera ona" eskertu die.
Gaurko azterketak test psikotekniko eta nortasun proba dira. Horiek gaindituta, proba fisikoak eta elkarrizketa pertsonala egingo dituzte hautagaiek. Hori horrela, agenteek irailean hasiko lukete prestakuntza Arkautin, eta 2027ko udaberrian hasiko lukete Ertzaintzako zerbitzua, praktiketan.
Lan eskaintza honek Ertzaintzaren oinarrizko eskalako 150 agente plaza ditu, baina plaza kopurua handitu daiteke (473ra).
Hautagaien profila
Segurtasun Sailak emandako datuen arabera, hautagaien gehiengoa gizonezkoa da (% 63), bizkaitarra (% 62,2) eta 18-30 urtekoa (% 74,1 ). Emakumezkoak hautagaien %37 dira, eta lurraldeka, Bizkaiaren ostetik, Gipuzkoak (% 19,5) eta Arabak ( %12,4) biltzen dituzte hautagai gehien. Gainerakoak EAEtik kanpo bizi dira edo Frantziako Estatuan.
Aipatzekoa da hautagaien ia laurden bat 31 eta 38 urte bitartean dituztela.
Zure interesekoa izan daiteke
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".
Miren Arzalluzek "oso positibotzat" jo du Euskadin zerga turistikoa ezartzea
Miren Arzalluz Bilboko Guggenheim museoko zuzendari nagusiaren arabera, bisitarien eta egoiliarren arteko "bizikidetza" sustatzeko baliagarria izango da. Radio Euskadin egindako elkarrizketan esan duenez, "zerga turistikoa ez da zerbait berria", XIX. mendean indarrean baitzegoen Biarritzen.
Mercedes-Benzek bere ekoizpena etengo du bihar, Leonardo ekaitzak eragindako hornidura faltagatik
Enpresak azaldu duenez, Gibraltarko itsasartean itsas trafikoa geldiarazten ari dira denboralearen ondorioz. Horregatik, larunbat goizeko txandan jarduera etetea erabaki du.
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.