Zubietako erraustegiko langileek mobilizazioak iragarri dituzte hitzarmen berri baten alde
Salatu dutenez, "langileen osasuna babestuko duen hitzarmena" negozitzeko hainbat saiakera egin dituzte, bana "enpresaren ezezkoa besterik ez" dute jaso.
Zubietako (Gipuzkoa) erraustegiko langileek mobilizazioak iragarri dituzte, haien "lan-baldintza bereziak eta zehatzak" arautu eta jasoko dituen lan-hitzarmen berri baten alde. Martxoan lanuzteak egingo dituzte, eta ez dute baztertzen egun osoko greba bat deitzea apirilean.
LABek zabaldutako oharrak dioenez, sei urte igaro dira Zubietako erraustegiko CMG1 planta martxan jarri eta Gipuzkoako Foru Aldundiak EkobaL enpresari kudeaketa esleitu zionetik. Ordutik, hainbat saiakera egin dituzte Gipuzkoako Kale Garbiketako hitzarmena —hitzarmen hori dute erraustegiko langileek— euren baldintzetara egokitzeko . "Tamalez, enpresaren ezezkoa eta mespretxua besterik ez dugu jaso".
Salatu dute erraustegiko langileak "arautu gabeko txandak" dituztela, "arrisku eta toxikotasun handia daukan ingurune batean" lan egiten dutela eta "babestu eta ordaindu gabeko baldintzak" dituztela.
Orain hilabete hasi ziren langileak hitzarmen berri baten alde borrokan, eta "errudun" Ekobal enpresa jotzen badute ere, "azken arduraduna" Gipuzkoako Foru Aldundia dela azpimarratu dute. Hori dela eta, Gipuzkoako Hondakinen Kontsortzioa eta Ekondain erakundeei ere helarazi dizkiete euren aldarrikapenak.
Azkenik, Ekobal enpresak “bilera baterako” egindako gonbitea "onartzen eta eskertzen" duten arren, ohartarazi dute "borroka areagotzeko" asmoa dutela. Martxoan ostegunero lanuzteak iragarri dituzte, eta "enpresaren aurrerapausorik" ezean, apirilerako greba deituko dute.
Zure interesekoa izan daiteke
Tubos Reunidoseko langileak greba mugagabearen etorkizuna erabakitzeko batzarra egiten ari dira
Tentsio handia da Amurrioko lantegian, azken mugimendu sindikalen eta hartzekodunen konkurtsoaren osteko eszenatoki-aldaketaren ondoren.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Bertan behera gelditu dira jada ekitaldi asko eta gora-beherak espero dira gaur kontzertu, antzerki eta kongresuetan.
Ekainaren 1era arte irekiko dute Tubos Reunidoseko konkurtso-administratzaile izateko hautagaitzak aurkezteko epea
Gasteizko epaitegi batek Tubos Reunidos taldeko zazpi sozietate hartzekodunen borondatezko konkurtsoan deklaratu zituen joan den asteartean, eta PKF-Attest Concursal izendatu zuen horien konkurtso-administratzaile.
LAB Tubos Reunidosen greba bertan behera uzteko aukeraren alde agertu da, eta ESK-k luzatzearen alde egin du
Bi sindikatuek, ELArekin batera, batzarra deitu dute ostiralerako, lanuztearekin jarraitu ala ez erabakitzeko.
CAFen Beasaingo eta Irungo lantegietan enpresaren azken eskaintza ontzat eman dute
Hiru urteko iraupena izango du akordioak, eta, besteak beste, soldata igoera eta zenbait kolektibotan lan-orduak murriztea adostu dute. Enpresak konpromisoa hartu du gutxienez 190 langile kontratatzeko Beasainen, eta beste 40, Irunen.
Argiaren eta gasaren BEZaren murrizketa bertan behera geratuko da ekainaren 1ean, eta % 21era itzuliko da, prezioek behera egin baitute
Erregaien (gasolinak, gasolioak eta bioerregaiak, eta profesionalentzako gasolio itzulketa partziala) eta hidrokarburoen gaineko zergaren tasa murriztuak ekainaren 30era arte egongo dira indarrean, apirilean produktu horietarako inflazioa Gobernuak ezarritako % 15eko atalasetik gora baitago.
Urtearteko KPIa % 3,2raino apaldu da EAEn eta % 3raino Nafarroan, apirilean
Espainiako Estatuan, urtebeteko inflazioa bi hamarren murriztu da, % 3,2raino.
Hithiumek bertako langileak, hornitzaileak eta zentro teknologikoak erabiltzeko konpromisoa duela nabarmendu du Irujo kontseilariak
Nafarroan bateria lantegia eraikitzeko negoziazioak aurrera doazela azpimarratu du Mikel Irujo Industria kontseilariak, "poliki baina sendo". Nafarroako Gobernuak bezala, Hithiumek ere enpresa bertako ekosisteman txertatzeko helburua eta konpromisoa dutela azaldu du.
Santurtziko udaltzainek "zorroztasun greba" egingo dute, lan-baldintzak hobetzea eskatzeko
Langileek salatu dute antolakuntzan "ez-betetzeak" izan direla, baita gainerako udal langileekin alderatuta gutxiago irabazten dutela, eta ekitaldi jendetsuetan langileak falta direla. ErNEren arabera, agenteak araudi guztia zorrotz aplikatzen hasi dira, eta errefortzuak eta aparteko orduak egiteari utzi diote.
CEBEKen ustez, lan-gatazkak "gizartearen aurrerabidearen aurkakoak dira"
CEBEK Bizkaiko patronalaren presidenteak, Guillermo Bucesek, lan-gatazkak "gizartearen aurrerabidearen kontrako" jo ditu, eta sindikatu guztiei dei egin die enpresaburuekin eser daitezen haien arteko harreman-eredua aldatzeko.