Eusko Legebiltzarrak Tubos Reunidosen etorkizuna bultzatzea eta Aiaraldean enplegua defendatzea adostu du
EAJk, PSEk eta EH Bilduk industria-proiektu serio bat eta inplikatutako eragile guztien parte-hartzea eskatzen duen zuzenketa bateratua onartu dute.
Eusko Legebiltzarrak EAJ, PSE eta EH Bildu batu ditu Tubos Reunidosen enpleguaren defentsaren eta etorkizunaren inguruan, Amurrion eta Trapagaranen 301 langileri eragingo liekeen lan erregulazio espediente bat aurkeztu duen enpresaren inguruan. Hiru taldeek zuzenketa bateratu bat onartu dute eta Eusko Jaurlaritzari eskatu diote enpresaren jarraipena babesteko proiektu industrial serio, sendo eta bideragarri baten alde eta Aiaraldean ahalik eta lanpostu gehien mantentzeko lan egiteko.
Legebiltzarraren ekimenak, gainera, erakunde publikoen, enpresen, sindikatuen eta hartzekodunen parte-hartzea eskatzen du, eta Aiaraldea eskualdeko plan estrategikoa bultzatzen jarraitzea 2030era arte. Halaber, Eusko Jaurlaritzari eskatzen dio euskal industria siderurgikoa defenda dezala Europar Batasunean, eta industria elektro-intentsiboaren kostuak murrizteko neurriak bultza ditzala.
Eztabaidan, Ander Goikoetxeak (EH Bildu) azpimarratu du Aiaraldeak aberastasunaren % 20 galdu duela azken urteotan, eta lehentasun politikoa lanpostuak babestea dela defendatu du. Jorge Juezek (PSE) berretsi du konponbidea sektore guztien eskutik iritsi behar dela, eta Markel Olanok (EAJ) batasuna eskatu du Tubos Reunidosen bideragarritasuna bermatzeko.
PPk eta Voxek zuzenketaren aurka bozkatu dute, eta Suma abstenitu egin da, neurri zehatzen falta azpimarratuz eta enpresari enplegu-erregulazioko espedientea kentzeko eskatzen ez zaiola kritikatuz. Txerra Molinuevo Amurrioko alkateak (EAJ) Legebiltzarraren babesa balioan jarri du eta bazkide industrial inbertitzaile bat bilatze eskatu du, muga-zergak eta kostu energetikoak jaistea eta enpresaren etorkizuna bermatzeko alderdikeriak alde batera uztea eskatu du.
Zure interesekoa izan daiteke
Sidenorrek Azkoitiko laminazio trena itxi eta 36 langile Kantabriara lekualdatuko ditu
Siderurgia taldeak Gipuzkoako eta Kantabriako laminazio trenen ekoizpena bateratzea erabaki du, eta, ondorioz, Azkoitian lan egiten duten 250 langileetatik 36 Reinosako lantegira lekualdatuko dituzte.
Erregaiak % 1,26 garestitu dira Irango gatazkagatik, zazpi asteko igoerari eutsita
Garestitze horrek joera-aldaketa berretsi du, azken hilabeteetan gasolina eta diesela % 3,5 eta % 5 baino gehiago merkatu zirelako, hurrenez hurren. Hala ere, depositua betetzeak duela urtebete baino gutxiago kostatzen du.
Eskola jantokietako enpresek % 20ko soldata igoera eskaini dute bost urtetan eta greba bertan behera uztea eskatu dute
Begiraleak martxoaren 10, 11 eta 12an geldituko dira, negoziazioan "aurrerapausorik eman ez delako", sindikatuen arabera. Enpresek ziurtatu dute dagoeneko onartu dituztela kolektiboaren aldarrikapen nagusiak.
Tubos Reunidosek konpainia "birdimentsionatzea ezinbestekoa" dela azpimarratu du
Enpresak bere eskaintzari eutsi dio asteazken honetako bileran: 59 urtetik aurrerako aurre-erretiroak eta sustatutako bajen eskaintzan, urteko 38 egunekin.
Zer eragin izango du Ekialde Hurbileko egoerak argindar-fakturan?
Baliteke gasa argia baino gehiago garestitzea, eta kontratu motaren araberakoa izango da. Tarifa finkoa duten etxeek ez omen dute berehalako aldaketarik nabarituko. Araututako tarifa dutenek, berriz, arrisku handiagoa izango lukete.
Konpondu da txartel bidez ordaintzeko izan diren arazoak
Intzidentziak lehen ordutik izan du eragina, eta arazoak sortu dira establezimenduetan zein erabiltzaileen artean. Arazoa konpondu da jadanik.
India, aukera ugariko herrialdea euskal makina-erremintarako
Nazioarteko testuingurua benetan zaila den honetan, makina-erremintaren sektoreak aire freskoa bilatzen du geldirik dagoen Europatik eta aurkari bihurtu den Txinatik urrun. Estatu Batuetako merkatua birika nagusia izanik, sektoreak bi gune nagusi ditu helburu: India eta Mercosur.
Denboraldiko lehen antxoa euskal portuetara iristen hasi da
Sasoiko lehen antxoak euskal portuetara iritsi dira, kostera hasi eta hurrengo egunean. 20 tona sartu dira, esaterako, Getariako portuan. Orain ikusi behar zenbatean saltzen duten kiloa arraindegietan, eta uste bezain gozo ote dagoen.
EAEn 1.100 langabe gutxiago izan dira otsailean, baina Nafarroan langabeziak zertxobait egin du gora
Hego Euskal Herrian 137.000 langabe inguru daude.