Bizkaiko Ogasunak 1.317 euro itzuliko ditu errenta aitorpenean, batez beste
Foru Ogasunak aurreratu du herritarren alde aterako dela errenta aitorpena, eta jakitera eman du zergadunen % 70i dirua itzuliko zaiela.
Jendea, kalean. Argazkia: EITB
Bizkaiko Foru Ogasunak aurreikusi du zergadunen aldekoa izango dela aurtengo errentaren kanpaina. 634,9 milioi euro itzuliko dira, 444,9 milioi jaso ostean, eta horrek 190,1 milioiko saldo garbi positiboa utziko du herritarren esku.
Itxaso Berrojalbiz Ogasun diputatuak azaldu duenez, aurreikusi dute 683.000 aitorpen inguru aurkeztuko direla, aurreko urteen antzera.
Datu garrantzitsuenetako bat da aitorpenen % 70 baino gehiago zergadunen aldekoak direla, 1.317 euroko batezbestekoarekin. Datu horrek zerga-kenkarien eragina islatzen duela uste du Aldundiak.
Gainera, Bizkaiko Ogasunak ia 800.000 zirriborro egin ditu, eta horietatik % 74 prest daude zuzenean onartzeko; gainerakoetan, berriz, zergadunek berrikusi edo datu gehigarriak eman beharko dituzte.
Kenkari fiskalek funtsezkoak izan dira aurten ere. Guztira, zergadunek 777,5 milioi euro murriztuko dute beren karga fiskala, onura sozialei esker. Seme-alabak edukitzea (163,5 milioi), ezgaitasuna zein mendekotasuna (105 milioi) eta 65 urtetik gorakoak (82 milioi) izatea dira kenkari nagusiak.
Etxebizitzak jarraitzen du izaten beste ardatz nagusietako bat. Ohiko etxebizitzan inbertitzeagatik 225 milioi itzuliko dira, eta alokairuagatik 71 milioi, 260.000 pertsona baino gehiagoren alde.
Berritasunen artean, kontziliaziora eta berdintasunera bideratutako kenkari berriak nabarmentzen dira. 1.500 euroko laguntza gehitu da seme-alaba txikiak zaindu ondoren lanera itzultzen diren emakumeentzat, bai eta ekintzaileentzako pizgarriak eta kenkariak familia zaintzagatik.
Kanpainak, halaber, gazteei ematen zaien laguntza indartu du, onura fiskalak 35 urtera arte zabalduz.
Azkenik, Errentarekin batera, Ogasunak Ondarearen eta Fortuna Handien gaineko Zergaren 9.500 aitorpen egitea aurreikusten du, 100 milioitik gorako diru-bilketarekin.
Zure interesekoa izan daiteke
Miraik, Jainagaren konpainiak, estaldura elektrolitikoak egiten dituen Reco enpresa bizkaitarra erosi du
Barakaldon kokatuta dago, eta taldeak 40 urte baino gehiagoko esperientzia du. Egun, 60 langilek egiten dute lan eta iaz 14 milioi euroko irabaziak izan zituen.
Dependentziarako laguntzak finantzatzeko akordioa lortzeko Kontzertu Ekonomikoaren garrantzia azpimarratu du D'Anjouk
Noel d'Anjou Eusko Jaurlaritzako Ogasun eta Finantza sailburuak Euskadi Irratian adierazi duenez, Euskadiren kasuan dependentziarako laguntzen % 50 Estatuak finantziatuko ditu, Kontzertu Ekonomikoaren baitan lortutako akordioari esker. Prozesua "zaila eta oso teknikoa" izan dela adierazi du, baina azkenean lortu egin dela nabarmendu du. Menpekotasunaren konpetentzia Foru Aldundiena dela gogorarazi du, eta, horrez gain, iragarri du urrian Herri-Dirubideen Euskal Kontseiluak egingo duen bileran erabakiko dutela nola banatu Madrildik etorriko den finantzazioa.
Balenciaga Shipyardek aro berri bati ekin dio bere lehen ontziaren gila jarrita, eta itxieraren mehatxua atzean utzi du
Inaugurazio ekitaldia gaur goizean izan da, Zumaiako Balenciaga Shipyarden portuko instalazioetan bertan. Mikel Jauregi Industria, Trantsizio Energetiko eta Jasangarritasun sailburua "hilabete askotako hotzaren eta hodeitzar beltzen" ondoren, ontziola zumaiarrak "etorkizun oparoa" duela eta pozik agertu da.
Euskadik 407 milioi euro izango ditu mendekotasun sistema finantzatzeko 2027an, duela hiru urte halako bi
Akordio berriari esker Estatuak gastuen % 50 finantzatuko dituela, eta ekarpen hori "babestu" egingo dela etorkizuneko lege aldaketen aurrean.
Urtean 250 milioi euro gehiago emango dizkio Espainiako Gobernuak EAEri, mendekotasun arreta finantzatzeko
Kontzertu Ekonomikoaren gaineko Batzorde Mistoak, aho batez, onartu egin du EAEko Autonomiaren Aldeko eta Mendekotasunari Arreta Eskaintzeko Sistemaren finantzaketa osagarriari buruzko akordioa. Horren arabera, Araban, Bizkaian eta Gipuzkoan erakunde publikoek mendekotasun sistemara bideratutako gastuen % 50 Estatuak ordainduko ditu datorren urteko urtarrilaren 1etik aurrera.
Pello Igeregi, ELA: "Absentismoa Euskal Herrian % 0koa da; ez dago absentismorik"
Enpresek ezartzen dituzten lan baldintzek, prebentzio faltak eta osasun publikoaren ahultzeak langileen osasun egoera nabarmen okertu dutela salatu du ELA sindikatuak. Hego Euskal Herrian "absentismoa ehuneko zerokoa" dela esan du Pello Igeregi ELAren Lan Osasuneko arduradunak, eta langileak kriminalizatzea leporatu die Alderdi Popularrari eta Confebaski.
EAEko familien gastua % 7 hazi da, garraioan eta osasunean izandako hazkundearen ondorioz gehienbat
EUSTATen arabera, 2025ean EAEko familiek, batez beste, 38.800 euro gastatu zituzten, eta kopuru horretan etxebizitzak hartu zien gastuaren herena baino gehiago (% 34,5).
Prezioen indizea % 0,8 igo da EAEn eta % 0,4 Nafarroan ekainean
Kontsumo Prezioen Indizearen (KPI) urtearteko tasa % 3,2koa da EAEn (hirugarren hilabetez jarraian), eta % 2,7koa Foru Erkidegoan, Espainiako Institutuak asteazken honetan argitaratutako datuen arabera.
ELAk eta LABek elikadura-merkataritzako grebak jarraipen zabala duela nabarmendu dute
Sindikatuek salatu dutenez, patronalak eta kate handiek probintzia-hitzarmen propioak edukiz hustu nahi dituzte eta estatu-esparru prekarioagoa inposatu.
Hamar enpresak Tubos Reunidosi buruzko informazioa eskatu dute, konkurtso-administratzaileak jakinarazi duenez
Konkurtso-administratzaileak jakinarazi die Trapagarango lantegiak "azarora arte ekoizpena nahiko ziurtatuta" duela.