20.000 enplegu baino gehiago sortzea aurreikusten du Eusko Jaurlaritzak onartutako 2025-2027 Enplegu Planak
Hiru urterako planak Eusko Jaurlaritzaren, foro aldundien eta toki erakundeen arteko koordinazioa indartu nahi du, baita gizarte eta Ekonomia eragileekiko lankidetza ere.
Gizon bat, kalean, lanean. Artxiboko argazkia: EFE
Eusko Jaurlaritzak 2025-2027 Hirurteko Enplegu Plana onartu du gaurko Gobernu Bileran, Euskadiko enplegu politika publikoen plangintza operatiborako tresna nagusia, alegia. Planak Eusko Jaurlaritzaren, foru aldundien eta toki erakundeen arteko koordinazioa indartu nahi du, baita gizarte eta Ekonomia eragileekiko lankidetza ere.
Gobernuak jakinarazi duenez, egitasmoak 2030 Enpleguaren Euskal Estrategiaren ildo estrategikoak zehazten ditu, eta Enpleguari buruzko 15/2023 Legean ezarritakoa betetzen du, ikuspegi integrala, erakundeartekoa eta pertsonak ardatz hartuta.
Lan merkatuaren eraldaketa sakonen testuinguruari —biztanleria aktiboa zahartzea, belaunaldien arteko erreleboa, digitalizazioa, trantsizio energetikoa eta lanbide gaitasunak aldatzea, besteak beste— erantzuten dio 2025-2027 Hirurteko Planak, Eusko Jaurlaritzaren arabera.
Kalitatezko enplegua
Gaur onartutako dokumentua sei ardatz estrategikoren inguruan egituratzen da: kalitatezko enplegua eta lan baldintza duinak; gaitasunak, talentua eta ekoizpen sarearekin lotutako trantsizioak; inklusioa, berdintasuna eta gizarte kohesioa; enplegu arin eta eraginkorrari laguntzeko ekosistema; lurraldea, berrikuntza publikoa eta datuetan oinarritutako erabakiak hartzea; eta enpresa eta enplegu pribatua, hazkundearen, sustraitzearen eta kalitatezko enpleguaren palanka gisa.
Halaber, arreta bereziz landu dira kolektibo hauen gainekoak: gazteak, 45 urtetik gorakoak, desgaitasuna dutenak, emakumeak eta zaurgarritasun egoeran daudenak.
Zure interesekoa izan daiteke
Esportazioek behera egin dute Hego Euskal Herrian, energiaren jaitsierak eta automobilgintzaren eraginak bultzatuta
Euskadik % 5,9 murriztu ditu kanpo-merkataritzako salmentak otsailean, eta Nafarroak % 7,7 urteko metatuan; merkataritza-saldoak, ordea, positiboan jarraitzen du bi lurraldeetan.
Eusko Jaurlaritzak 50 milioi gehiago bideratuko ditu garapen teknologikoaren bidez industria-sarea eraldatzeko programara
Ekialde Hurbileko gatazkari aurre egiteko neurri-sortako Hazitek programetara bideratutako kopurua 169 milioi eurokoa izango da aurrerantzean.
Babestutako alokairuko etxebizitza eskuratzeko gehienezko diru-sarrera 46.463 euroraino igoko da
Eusko Jaurlaritzak etxebizitzaren arloko "ezkutu soziala" onartuko du bihar, Premiazko Neurriei buruzko Dekretuarekin. Besteak beste, jabeek jasoko duten kanona 700 eurokoa izango da, eta gune tentsionatuetan handiagoa izango da.
LABek neurriak eskatuko ditu etxebizitza, zerbitzu publiko, pentsio eta soldata arloetan "bizimodu duina" bermatzeko
26 manifestazio deitu ditu Maiatzaren Lehenerako, eta Pradales "Urkulluren kopia antisozialagoa eta autoritarioagoa" bihurtu dela salatu du.
Talgok 756 milioi euroko kontratua sinatu du, Suedian tren flota bat ekoizteko
Kontratu honekin, Talgoren eskaera zorroak 6.500 milioi eurora iritsi da, inoizko gehien.
Gaurdanik, Donostiako Ospitaleko eta Txagorritxuko medikuek ez dute aparteko ordurik egingo arratsaldeko txandan
Bestalde, Zumarragako Ospitaleak apirilaren 27tik aurrera egingo du bat protestarekin; eta Bizkaiko ospitaleek, maiatzetik hasita. Indarrean duten grebak "furiturik eman ez duela" ikusita erabaki dute neurri hori hartzea.
Petrolioa % 5 baino gehiago igo da, 95 dolarreraino, eta Europako burtsetan beherakada izatea aurreikusi da
Estatu Batuen eta Iranen arteko gatazka gaiztotu egin da berriro astelehen honetako lehen orduetan eta eragina izan du horrek petrolioaren prezioan. Ormuzko itsasartean tentsioa areagotu da, AEBk Omango golkoan tona askoko Irango zamaontzi bat jo baitu. Washingtonek Irango portuen gainean ezarritako blokeoa gainditu nahian zihoan ontzia.
Zumarragako Ospitaleko medikuek ez dute arratsaldetan aparteko ordurik egingo apirilaren 27tik aurrera
"Presio-neurri" berri bat da, Medicos Unidos por sus Derechos (MUD) erakundeak sustatua, eta medikuek hilero egiten duten grebari gehitzen zaio, esparru-estatutu bat lortzeko eta, aldi berean, autonomia-erkidegoek jada ezar ditzaketen hobekuntzak egiteko helburuarekin.
Inbertsioak eskatu dituzte Bilbon eta Gasteizen, osasun publikoa desegin ez dadin
Osasun publikoaren aldeko 68 erakundek manifestazioak egin dituzte Bilbon eta Gasteizen, EH Bildu, Podemos eta Sumar alderdien eta hainbat sindikaturen babesarekin. Protesta horietan, Alberto Martinez Osasun sailburuaren dimisioa ere eskatu dute.