700 funtzionariori aurre erretiroa hartzea ahalbidetuko dien Eusko Jaurlaritzaren plana, azken txanpan
EAEko administrazio orokorreko plantilla gaztetzeko eta berritzeko planaren arabera, 63 urtetik gorako 700 funtzionariok baino gehiagok erretiro aurreratua hartu ahal izango dute. Trukean, lanaldi murrizketak, egun libreak eta antzinatasunagatik opor gehigarriak izango dituzte. CCOOk eta UGTk babesa helarazi diote, baina oraingoz ez dute akordiorik sinatu.
Eusko Jaurlaritza EAEko administrazio orokorreko plantilla gaztetzeko eta belaunaldi aldaketa bermatzeko planari azken ukituak ematen ari da. Horren arabera, 63 urtetik gora dituzten administrazio orokorreko 700 funtzionario baino gehiagok erretiro aurreratua hartu ahal izango dute. Gobernantza, Administrazio eta Autogobernu Saila sindikatuekin negoziatzen ari da —orain arte CCOO eta UGT sindikatuek agertu diote babesa planari— eta akordioa sinatzen denean hasiko dituzte plana martxan hartzeko tramiteak.
Administrazio Orokorreko Mahai Sektorialaren atzoko bileran funtzionarioen erretiro aurreratuaz hitz egin zuten, besteak beste, Jaurlaritzak gaur zabaldu duen informazioaren arabera,.
Erretiroa aurreratzea erabaki duten langile publikoek lanaldi murrizketak, egun libreak eta antzinatasunagatik opor gehigarriak izango dituzte, jakintzaren transmisioa errazteko. CCOOk eta UGTk babesa helarazi diote, baina oraingoz ez dute akordiorik sinatu.
Jaurlaritzaren arabera, "plan hau benetako aukera" da erretiro aurreratua hartu nahi dutenentzat eta "giltzarria" izango da lantaldea gaztetzeko eta administrazioaren modernizazioa eta belaunaldien arteko erreleboa bermatzeko.
CCOOk eta UGTk plana babestu dute
CCOOk eta UGTk administrazio orokorra gaztetzeko plana babesten dutela adierazi dute, LABek proposamena aztertzeko denbora gehiago eskatu du eta ELA desmarkatu egin da.
Ohar batean CCOO sindikatuak azaldu duenez, lantaldea gaztetzeko eta ezagutzaren transferentzia bermatzeko "lehen pausoa" da.
Eusko Jaurlaritzak LAB sindikatua ere akordiora batzea espero du, ahalik eta adostasun handiena lortzeko.
Zure interesekoa izan daiteke
Autonomia-erkidegoek Ministerioaren aurka egin dute: "Gatazkaren konponbidea Estatuan dago"
Hamasei autonomia erkidegok, horien artean Euskadik eta Nafarroak, agiri bateratu bat sinatu dute, Osasun Ministerioari eskatzeko medikuekin berriro hitz egin dezala eta bere gain har dezala Estatutu Marko berriaren inguruan sortutako gatazka konpontzeko erantzukizuna.
Alberto Martinezek 16 erkidegok dokumentu bateratua sinatu dutela jakinarazi du, osasun-arloko tirabiren erdian
Eusko Jaurlaritzako Osasun sailburuak azaldu duenez, 16 autonomia erkidegok dokumentu komun bat sinatu dute, eta Lurraldearteko Osasun Bileran lehen puntu gisa jorratuko da. Osasun Ministerioari egindako kritikak azpimarratu ditu, profesionalekin eta autonomia erkidegoekin akordiorik lortu ez izana egotzita, eta azpimarratu du ministroa "inor barik" geratu dela gatazkaren kudeaketan.
Monica Garcia: "Espainiako Gobernuak bere esku zegoena egin du eta orain erkidegoek dute osasun arloko gatazka onbideratzeko giltza"
Monica Garcia Osasun ministroak adierazi duenez, Espainiako Gobernuak bete egin du jada estatutu markoaren erreforman zuen egiteko zatia, eta ziurtatu du orain autonomia erkidegoei dagokiela medikuen lan-baldintzak hobetzeko erantzukizuna beren gain hartzea. Garciak azpimarratu du autonomiek dutela "gatazkaren giltza", eskumena baitute guardien ordainsariak eta lanaldiak arautzeko eta profesionalekin elkarrizketa mahaiak antolatzeko.
Albiste izango dira: Lurraldearteko Osasun bilera, Araba eta Gipuzkoako zerga turistikoa eta Euskal Museoaren irekiera
Orain-ek gaur landuko dituen albiste nagusien laburpena.
Bilera erabakigarria erkidegoek eta Osasun Ministerioak, medikuen lan-gatazka bideratzeko
Erkidegoetako osasun arduradunek batzarra egin zuten atzo, denen artean adostutako dokumentu bat helarazteko Osasun ministroari, euren ezinegona azalduz. Alberto Martinez eta Fernando Domingez EAEko eta Nafarroako Osasun sailburu-kontseilariak bileran izango direla baieztatu dute.
Osasun publikoko gatazkaren gakoak: Estatutu Markoaren erreforma eta medikuen aldarrikapenak
Urtebete pasa daramate medikuek protestan, euren lanbidearen berezitasunak aintzat hartuko dituen estatutu propioa aldarrikatuz. Uste dute Espainiako Gobernuko Ministroen Kontseiluak onartu berri duen Estatutu Markoaren erreformak ez dituela aintzat hartzen medikuen eskakizunak. Lan-baldintza hobeak nahi dituzte.
Medikuen grebari amaiera emateko "giltza" erkidegoek dutela egin du Garciak
Osasun ministroak gogorarazi du 2000. urtetik erkidegoen esku daudela Osasun Sistemaren baitako hainbat eskumen, horien artean, kudeaketarekin, langileen planifikazioarekin, giza baliabideekin eta lan-baldintzen hobekuntzekin lotutakoak.
Sutea izan da CAFen, Miira lantegiko pintura-kabinan
CAF enpresan sutea piztu da astearte goizaldean, Miirako pintura‑kabinan. LABek jakinarazi duenez, sutearen inguruko nabeetako langileak atera dituzte, eta ez da zauriturik izan. LAB sindikatuak enpresari arduraz jokatzeko eta prebentzio sistemak berrikusteko eskatu dio.
Akordioa Papresan: langileen % 80 subrogatzea eta soldatak izoztea adostu dute
Langileen ordezkariek eta Grupo CL taldeak lortu duten akordioari esker, Errenteriako paper-fabrikaren salerosketa gauzatu ahal izango da. Subrogatuko diren langileen kopurua hasierako proposamenekoa (% 72) baino handiagoa izango da, eta, trukean, bi urtez soldatak izoztea eta lanaldia luzatzea onartu da.