Gaurtik aurrera eskatu ahal izango dute Euskadiko familiek seme-alabengatiko 200 euroko dirulaguntza
Seme-alabak 4 urte izan arte luzatuko da laguntza hori, eta lehen aldiz tutoretza- eta harrera-familiei zabalduko zaie. Guraso bakarreko familien kasuan, gainera, seme-alabak 4 eta 7 urte izan bitartean, hilero 100 euroko laguntza jaso ahal izango dute.
Jaioberri bat. Argazkia: EITB Media
Gaurtik aurrera eskatu ahal izango dituzte Euskal Autonomia Erkidegoko familiek seme-alabengatik Jaurlaritzak ematen dituen 200 euroko laguntzak, estaldura lau urte izan arte luzatzea onartu ostean. Neurria ostegun honetan sartuko da indarrean, Euskal Herriko Agintaritzaren Aldizkarian (EHAA) atzo argitaratu ondoren. Laguntzak ez dira ofizioz berrituko; beraz, kasu guztietan nahitaezkoa izango da eskaera berria aurkeztea.
Eskaerak modu telematikoan egin ahal izango dira, eta atzeraeraginezko ondorioak izango dituzte aurtengo urtarrilaren 1etik aurrera. Horri esker, hiru eta lau urte bitarteko adingabeak dituzten familiek ere laguntza jaso ahal izango dute.
Berrikuntza nagusia da adin-muga luzatuko dela. Orain arte, laguntza haurrak hiru urte bete arte jasotzen zen; neurri berriarekin, ordea, familiek urtebetez luzatu ahal izango dute laguntza hori, zehazki, adingabeak lau urte bete arte.
Bestalde, dekretu berriak guraso bakarreko familiei ere zabaldu die familia ugariek jasotzen duten 100 euroko laguntza osagarria. Aurrerantzean, prestazioa haurrak lau urte betetzen dituenetik zazpi urte izan arte kobratuko da. Lehen, haurrak zazpi urte bete arte jasotzen zen, baina urtebete luzatuko da, 200 euroko laguntza unibertsalaren amaierarekin kateatu dadin.
Ildo horretan, Nerea Melgosa Ongizate, Gazteria eta Erronka Demografikoko sailburuak zehaztu du adin-tarte horietan seme-alabak ardurapean dituzten alargunak ere sartuta daudela eta ekarpen ekonomiko hori eskatu ahal izango dutela.
4 urtera arteko seme-alabengatiko laguntzei buruz jakin beharrekoa: Berriro eskatu behar al dira? Zer baldintza eskatzen dira?
Beste berrikuntza batzuk
Gainera, tutoretza- eta harrera-familiei zabalduko zaie laguntza, eta horri esker, Ongizate, Gazteria eta Erronka Demografiko Sailak aurreikusten du laguntzak Euskadiko 52.000 familiarengana iritsiko direla; hau da, etxekoen 12.000 unitate gehiago sartuko dira sisteman.
Laguntza sare hori posible egiteko, Eusko Jaurlaritzak 85,8 milioi euroko inbertsioa egingo du hurrengo lau urteetan, eta horietatik 33,8 milioi euro 2026ko ekitaldi honetan bertan bideratuko dira.
Laguntza-eskaerak www.euskadi.eus webgune ofizialean tramitatu ahal izango dira. Gainera, Jaurlaritzak 945 01 80 00 telefono-zenbakia eta umeak@euskadi.eus posta elektronikoa jarri ditu herritarren eskura, eta hainbat zentrotan paperezko gida informatiboak banatu ditu, zalantzak argitzeko.
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".