Miraik, Jainagaren konpainiak, estaldura elektrolitikoak egiten dituen Reco enpresa bizkaitarra erosi du
Barakaldon kokatuta dago, eta taldeak 40 urte baino gehiagoko esperientzia du. Egun, 60 langilek egiten dute lan eta iaz 14 milioi euroko irabaziak izan zituen.
Jose Antonio Jainaga, Sidenor eta Talgoko presidentea. Artxiboko argazkia: Europa Press
Sidenorreko eta Talgoko presidente Jose Antonio Jainagaren inbertsio-sozietateak, Mirai Investmentsek, Reco enpresa bizkaitarra erosi du. Zehazki, estaldura kimiko eta elektrolitikoetan eta ekipo elektrikoen sektorerako metalen tratamenduan espezializatuta dago Reco.
Gauzak horrela, Reco enpresa Innometal konpainian sartu da. Metalaren eraldaketa eta akabera arloko dibisioa da, eta honako hauen jabetzakoa da: Mirai, Euskal Finantza Institutua (IVF), Vital Fundazioa eta Irene Carmen Lequericaren family office delakoa.
Reco Barakaldon kokatuta dago, eta taldeak 40 urte baino gehiagoko esperientzia du. Egun, 60 langilek egiten dute lan eta iaz 14 milioi euroko irabaziak izan zituen.
Enpresa honek 5.000 metro karratu baino gehiagoko instalazioak ditu, eta hainbat tratamendu eskaintzen ditu, besteak beste, eztainuztatzea, zilarreztatzea, kobreztatzea, nikeleztatzea, kromatzea eta zinkeztatzea. Horri esker, hainbat industria-beharretara egokitu daiteke, hala nola ekipo elektrikoen, automobilgintzaren eta industriaren sektoreetara.
Bere produktuek industria-eskaeraren alderdi guztiak betetzen dituzte, eta horrek, bere ekoizpen-lerro oso automatizatu eta digitalizatuekin batera, Reco "bezeroari bere osagaien garapen- eta ekoizpen-ziklo osoan laguntzeko gai den bazkide" bihurtzen duela nabarmendu du Mirai konpainiak.
Enpresa horren arabera, Reco taldean sartzeak "irismen handiagoko industria-zerbitzuen eskaintza eraikitzeko urrats estrategikoa dakar".
Zure interesekoa izan daiteke
Eusko Jaurlaritzak Benta Berriko 510 etxebizitza erosi dizkio Blackstone funtsaren filial bati, horien babes publikoari eusteko
Langile bat hil da, Bilboko Portuan dagoen enpresa batean lanean ari zela
Tubos Reunidosek TRSA matrizea likidatzeko fasea abiatu du
Volkswagenek soldatak 2030era arte izozteko asmoa du
Euskal sektore aeroespazialaren garrantzia eta Euskadik Airbusen hornitzaile gisa duen "rol geroz eta garrantzitsuagoa" azpimarratu ditu Pradalesek
Denis Itxasok etxebizitza hutsak alokatzeko neurri berriak defendatu ditu
Batez besteko errenta % 7,2 handitu zen Euskadin 2024an, 28.170 euroraino
LABeko koordinatzaile orokorrak azaroaren 11ko greba orokorrean parte hartzeko deia egin du, herritarren eskaerak bideratzeko
Tubos Reunidos erosteko bost eskaintza onenek plantilla murriztea eta lan-baldintzak aldatzea proposatu dute
