EAEko familien gastua % 7 hazi da, garraioan eta osasunean izandako hazkundearen ondorioz gehienbat
EUSTATen arabera, 2025ean EAEko familiek, batez beste, 38.800 euro gastatu zituzten, eta kopuru horretan etxebizitzak hartu zien gastuaren herena baino gehiago (% 34,5).
Etxebizitzak, Bilbon. Argazkia: Europa Press.
EAEko familiek batez beste 38.835 euro gastatu zituzten 2025ean, aurreko urtean baino % 6,9 gehiago, Eustat Euskal Estatistika Erakundeak ondu eta asteazken honetan argitaratutako familia-gastuaren inkestaren arabera.
Etxebizitzak (ura, elektrizitatea, gasa eta beste erregai batzuk barne) guztizkoaren % 34,5 hartu zuen 2025ean (13.410 euro familia bakoitzeko), elikadurara eta alkoholik gabeko edarietara bideratu zuten gastuaren % 15; hotel, kafetegi eta jatetxetara gastuaren % 11,5, eta garraiora, % 10,8.
Hain zuzen ere, garraioak izan du hazkunderik handiena: EAEko etxe bakoitzak 4.196 euro gastatu zituen garraioan 2025ean, aurreko urtean baino % 29,1 gehiago. Gainera, etxe bakoitzak 1.521 euro bideratu zituen osasunera (% 18,4 gehiago) eta 654 euro hezkuntzara (% 15,2 gehiago).
Gutxien igo den taldeen artean honako hauek daude: infomazioa eta komunikazioak (+% 1,1), aisia eta ikuskizunak ( % 1,9) eta etxebizitza, gasturik handieneko taldea izan arren, gastu orokorrean duen pisua 1,3 puntu jaitsi baitzen.
Lurraldeka, Gipuzkoako familiek izan zuten gasturik handiena: 40.917 euro eta % 11,3ko hazkundea; Bizkaian, 38.480 eurokoa (+% 4,8), eta Araban, 35.970 eurokoa (+% 5,7).
Zifra horiekin, pertsonako batez besteko gastua % 7,3 igo zen (16.642 euro), eta Espainiako batezbestekoa, berriz, 14.066 eurokoa izan zen (% 3,2 hazi zen).
Termino absolutuetan, EAEko etxeetako kontsumoko guztizko gastua 2025ean 37.010 milioi eurora iritsi zen, hau da, 2024an baino % 7,9 gehiago.
Zure interesekoa izan daiteke
Pello Igeregi, ELA: "Absentismoa Euskal Herrian % 0koa da; ez dago absentismorik"
Enpresek ezartzen dituzten lan baldintzek, prebentzio faltak eta osasun publikoaren ahultzeak langileen osasun egoera nabarmen okertu dutela salatu du ELA sindikatuak. Hego Euskal Herrian "absentismoa ehuneko zerokoa" dela esan du Pello Igeregi ELAren Lan Osasuneko arduradunak, eta langileak kriminalizatzea leporatu die Alderdi Popularrari eta Confebaski.
Prezioen indizea % 0,8 igo da EAEn eta % 0,4 Nafarroan ekainean
Kontsumo Prezioen Indizearen (KPI) urtearteko tasa % 3,2koa da EAEn (hirugarren hilabetez jarraian), eta % 2,7koa Foru Erkidegoan, Espainiako Institutuak asteazken honetan argitaratutako datuen arabera.
ELAk eta LABek elikadura-merkataritzako grebak jarraipen zabala duela nabarmendu dute
Sindikatuek salatu dutenez, patronalak eta kate handiek probintzia-hitzarmen propioak edukiz hustu nahi dituzte eta estatu-esparru prekarioagoa inposatu.
Hamar enpresak Tubos Reunidosi buruzko informazioa eskatu dute, konkurtso-administratzaileak jakinarazi duenez
Konkurtso-administratzaileak jakinarazi die Trapagarango lantegiak "azarora arte ekoizpena nahiko ziurtatuta" duela.
Ontzi nautiko elektriko eta deskarbonizatuak sortzeko industria-sektorea izango du Euskadik
Proiektuak 71 lanpostu sortuko ditu zuzenean, eta 120 inguru zeharka. Dena ondo bidean, hiru urteren buruan oso-osorik Euskal Autonomia Erkidegoan diseinatu eta fabrikatutako ontzi elektrikoen belaunaldi berri bat merkaturatuko da nazioartean.
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.