Buruzagi erlijiosoak, Stephen Hawkingen aurka
Rowan Williams Canterburyko artzapezpikuak eta beste hainbat buruzagi erlijiosok gogor kritikatu dute Stephen Hawking fisikari britainiarra, hilabete honetan publikatuko duen liburu batean unibertsoa ez zuela Jainkoak sortu ondorioztatu baitu.
"Jainkoan sinistea zera da, existitzen diren gauza guztiak izaki bizi eta adimendun baten ahalmenaren menpe daudela sinistea", adierazi du The Times egunkariak gaur publikatutako elkarrizketa batean.
"Fisikak, berak bakarrik, ez du argituko zergatik existitzen edo zergatik ez den existitzen gauza bat", gaineratu du.
Jonathan Sacks errabino nagusia iritzi berekoa da: "Zientziak azaltzea du helburu, eta erlijioak, aldiz, interpretazea. Biblia-ri bost axola dio nola sortu zen unibertsoak".
"Zientziak gauzak desegin egiten ditu, nola funtzionatzen duten ikusteko. Erlijioak batu egiten ditu, zer esan nahi duten jakiteko. Bi helburu ezberdin dira, eta burmuineko hemisferio ezberdinetan daude", adierazi du.
Ibrahim Mogra Britainia Handiko Batzorde Islamikoaren presidenteak ere Hawkingen aurka egin du: "Unibertsoa begiratzean, sortzaile batek sorrera eman ziola dirudi, zantzu guztien arabera".
Dena dela, Hawkingen alde agertu direnak ere egon badaude, Richard Dawkins biologo ateoa, kasu. "Darwinismoak biologiatik egotzi zuen Jainkoa, baina fisikan zalantza bazegoen oraindik. Orain, baina, Hawkingek azkena eman dio", esan du The God Delusion liburuaren idazleak.
Hawkingen hurrengo liburu berria, The Grand Design, hilaren 9an merkaturatuko dute, hau da, Aita Santua Erresuma Batura joan baino astebete lehenago.
Zure interesekoa izan daiteke
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Hantabirusak kaltetutako ontzia Cabo Verden ebakuatzea proposatu du Espainiako Osasun Ministerioak, Kanariar Uharteetan eskalarik ez egiteko
Ministerioak jakinarazi du kasu sintomatikoak Cabo Verden ebakuatzen saiatuko direla.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.