Epaileak Kukutza gaztetxea eraisteko baimena eman du
Bilboko Auzitegiak Kukutza gaztetxea eraisteko agindua eman du, epaitegiko iturriek jakitera eman dutenez. Errekalde auzoan dagoen eraikina iragan asteazkenean hustu zuen Ertzaintzak eta hainbat istilu gertatu ostean, Epaitegiak bertan behera utzi zuen eraisteko agindua bizilagunen helegitea aintzat hartuta, baina orain berriro eman du eraikina botatzeko baimena.
Atzo Errekaldeberriz elkarteak aurkeztutako helegitea aztertu zuen Auzitegiak eta alde guztiekin (elkartea, Udala eta Cabisa SA eraikinaren jabea) bildu ondoren, gaur ebazpena eman du. Epaileak atzera bota du epaiketa bat egiteko eskaria. Bizilagunen elkarteko abokatuak epaiketa bat irekitzea eskatu zuen, eraisteko aginduak Bilboko Hiri Ordenamenduaren Plan Orokorra urratzen zuelakoan.
Bizilagunek 15 eguneko epea dute errekurtsoa jartzeko. Jose Angel Esnaola haien interesak babesten dituen abokatuak adierazi duenez, "ebazpena Kukutza gaztetxea eraitsi ondoren iritsiko litzateke, hemendik bi edo hiru urtera".
Mantendu egin behar da
Industri Ondare eta Herri Laneko Euskal Elkartearen arabera, berriz, Kukutza gaztetxearen eraikina udal-plangintzak babestea aurrikusten dituen eraikinen artean jasota dago.
Horrez gain, deitoratu egin du "gaur gaurkoz, bi aldeen arteko konponbiderik" aurkitu ez izana eta eraispena bertan behera geratzea eskatu du, eraikinerako bestelako proiektu bat egin arte.
Azkuna: "Epaileak jabetza pribatuaren aldeko txostena babestu du"
Iñaki Azkuna Bilboko alkateak esan duenez, epaileak Errekaldeko (Bilbo) Kukutza gaztetxea eraisteko baimena ematearekin "jabetza pribatuaren interesen alde" egin eta "Udalaren txostena babestu" du.
Alkatearen arabera, "gai honetan legez kanpoko jabetzari dagokion arazo bat dago eta Udalak jabetza pribatua babestu behar du, bihar gure etxean sartzen badira, dirudienez, erabat normala" izango delako.
Gaztetxea jendez hustea
Ertzaintza Kukutza Gaztetxean sartu zen asteazkenean jendez husteko, eraikina botatzeko agindua jarraituz. Ertzaintzaren eta Udaltzaingoaren agenteak 05:30ak aldera joan ziren Errekalde auzora eta bizilagunen eta Kukutzaren aldekoen erresistetziaren aurrean, kargatu eta gomazko bolak jaurti zituzten. Gaztetxearen bozeramaileen hitzetan hamaika zauritu izan ziren ekintza polizialaren ondorioz. Gainera, gaztetxea erabat hustuta zegoenean, Bilboko Auzitegiak bertan behera utzi zuen eraikina botatzeko agindua.
Zure interesekoa izan daiteke
Sokamuturra berriro egiteak zatiketa eragin du Eibarren
Eibarren, bigantxak kalera aterako dituzte datorren astean, azken urteetan desagertua zen sokamuturrari berriro helduz. Udalerrian eztabaida erabatekoa da, aldekoen eta kontrakoen artean, eta zatiketa eragin du. Zatiketa horren erantzule egiten dute oposizioko alderdiek alkatea bera.
Sei adingabe artatu dituzte bero-kolpeen ondorioz, AP-68an, Kuartango parean, autobusak matxura izan ondoren
Arazo mekanikoa 13:10 aldera jazo da, ibilgailua Zaragozarantz zihoala, trenbidearen bazterbidean geldirik geratu denean matxura baten ondorioz. Autobusean 60 pertsona inguru zihoazen, gehienak 15 urte inguruko nerabeak.
GIB diagnostiko berantiarren kopurua % 60ra igo da Euskadin
Osasun Sailak uste du HIESaren eta STIen inguruko estigmak diagnostikoa atzeratzen duela eta kutsatzeko arriskua handitzen duela. Osakidetzarekin batera, "Parktikatu sex-carea" kanpaina abiarazi du.
1.778 ikaslek eskatu dute USaPeko euskara azterketa berrikustea
Behin betiko emaitzak datorren astelehenean argitaratuko dira. EHUko errektoreak zehaztu duenez, "ez dute baloraziorik egingo probaren emaitzari buruz"; izan ere, kalifikazioak, une honetan, "behin-behinekoak dira eta berrikuspen prozesuan daude".
Noiz jakingo ditugu USaPeko notak?
Datorren astelehenean, ekainaren 22an, unibertsitatera sartzeko probetako behin betiko notak argitaratuko dira, baina ikasleek azken aukera bat izango dute: azterketak ikustea.
500 babesgune klimatiko daude Euskadin, beroaldiei aurre egiteko
Ihobe sozietate publikoak bultzatutako ekimenari esker, 11 udalerritako eremu publikoak egokitzen dira —hala nola liburutegiak eta parkeak— itzalguneak eta gune freskoak eskaintzeko. Milioi bat pertsonari baino gehiagori egiten die mesede, eta asmoa pertsona zaurgarrienak babestea da.
San Mamesen eta garraio publikoan aldaketak egiteko eskatu zion FIFAk Bilbori
Udalak berretsi egin du 2030ean jokatzekoa den Munduko Txapelketako egoitza izan nahi duela, baina "ez edozein preziotan".
Txirrindulari bat hil da Forondan, auto batekin istripua izanda
Ezbeharra 08:50ak jo barik zeudela gertatu da, A-4306 errepideko biribilgune batetik gertu.
Osakidetzak 17 pertsona txertatuko ditu berriro Bilbon eta Lasarten, hotz-katearen akats baten ondorioz
Osasun Sailak onartu egin du EH Bilduk salatutako hotz-katearen akatsa, eta berriro txertatuko ditu kaltetuak: bost Lasarten eta hamabi Arangoitin. Rebeka Uberak gertatutakoa "ulergaitza" dela esan du, eta gogora ekarri du orain gutxi iraungitako txertoekin Osakidetzan izandako polemika.
Eibarko Udalak ezohiko osoko bilkura egingo du arratsaldean sokamuturren etorkizunaz eztabaidatzeko
Bilkura 19:00etan egingo da, eta bozketa ez da loteslea izango. Bien bitartean, ordu erdi lehenago, 18:30ean, elkarretaratzeak egingo dituzte Udaletxe kanpoan sokamuturraren aldekoek eta aurkakoek.