Berriro ekin diote Kordobako bi umeen bilaketari aitonaren etxean

Polizia Nazionalak berriro ekin dio asteazken goizean Ruth (sei urte) eta Jose (bi urte) adingabeen bilaketari. Duela 11 egun, bi umeak Kordobako parke batean desagertu omen ziren. Adingabeen aita astearte honetan atxilotu zuten hilketa eta salaketa faltsua ustezko delituak egotzita.

Egungo bilaketa lanetan georadar bat erabiliko dute. Astearte honetako lanetan, berriz, Poliziako txakurrak erabili zituzten. Atzoko miaketa, gainera, goizeko lehen orduetan hasi eta 21:00ak aldera amaitu zen.

Bitartean, astearte honetan atxilotu zuten adingabeen aita bilaketa lanetan izan da. Kordobako Cruz Conde parkean semeekin zebilela, hauek galdu zituen bertsioari eusten dio aitak oraindik ere.

Aiton-amonen etxea azken astean birritan miatu dute. Astearte honetan Polizia Nazionaleko furgoi batzuk etxebizitzara sartu eta bertatik irtetzen ikusi izan dira. Agenteek lursail honen segurtasun perimetroa zabaldu dute. Gainera, komunikabide andana bertan bildu dira informazioen berri jasotzeko.

Aurreko astean atxilotua birritan joan zen Kordobako Campo Madre de Dios kaleko polizia-etxera deklaratzera, salatzaile eta lekuko gisa, berak salatu baitzuen ustezko desagertzea.