Halloween jaian zauritutako adingabea hil da
Madrigo Madrid Arena aretoan izandako Halloweeneko jai jendetsuan zapalketa baten ondorioz zauritutako adingabea hil da gaur Doce de Octubre Ospitalean, 08:50ean, osasun zentro honetako iturriek jakitera eman dutenez.
17 urteko gaztea oso larri zegoen, ostegunean ospitaleratu zutenetik. Beste zauritua Jimenez Diaz Fundazioan dago ospitaleratuta, oso larri ere.
Bi gazteek zauri handiak jaso zituzten zapalketaren ondorioz. Minutu batzuk egon ziren arnas egin ezinik eta Samurreko medikuek neskatoak berpizten lortu zuten.
Adingabeko neskaren heriotzarekin lau dira Madrid Arenako festako zapalketaren ondorioz hildakoak.
Bitartean, Polizia gertatutakoa ikertzen ari da: Steve Aoki musika elektronikoko izarraren festan bengalak ote zeuden, baimendutakoa baino lagun gehiago ote zeuden edo adingabekoak sartu ote ziren.
Halaber, Ana Botella Madrielko alkateak oposizioak eskatu duen ikerketa batzordea onartu du, hobetu beharreko gauzen eztabaida bat irekitzeko.
Botellak eta Madrileko alkateordeak dagoeneko esan dute festa antolatu zuen Diviertt enpresak baimendutako lagunen kopurua gainditu badu, Madrileko Udalak akusazio gisa parte hartuko duela.
Halloweeneko festa
Azaroaren 1eko goizaldean gertatu zen tragedia, Madrid Arenan egindako Halloween festan. Dirudienez, bengala bat eta hainbat petardo jaurti zituzten eta jendea beldurtu egin zen, tiroak zirelakoan. Jendea pilatu egin zen eta zenbait pertsona harrapatuta geratu ziren.
Gertatutakoaren abisua 4:05ean jaso zuten Larrialdi Zerbitzuek. Abisuan esan ietenez, 18 eta 25 urte bitarteko zenbait gazte bihotz-birikien geldialdi traumatikoa pairatzen ari ziren, antza denez, jende pilaketa baten ondorioz.
Iturrien arabera, bi neska festaren egoitzako botika-kutxan bertan hil ziren 30 minutuz suspertzen saiatu ondoren. Hirugarrena Ospitale Klinikora iristerakoan hil zen.
50 osasun-langile
Lehenengo osasun langileak bi minututan iritsi ziren, eta, ondoren, bost UVI mugikor, lau anbulantzia eta laguntzeko hainbat ibilgailu heldu ziren. Guztira, Samurreko 50 osasun langile aritu ziren gazteak artatzen.
Madrilek ez du festa handietarako Udaleko instalaziorik alokatuko
Ildo honetan, Ana Botella Madrileko alkateak esan duenez, Madrileko Udalak ez du "inoiz gehiago" udal-instalaziorik ezta Udaletxeko eraikinik ere alokatuko festa handiak egiteko.
Ez zegoen jende gehiegi
Madrid Espacios y Congresos Madrid Arenako enpresa jabearen arabera, "ez zen irteeretan arazorik izan", gainera, antolatzaileek helarazi zietenez, ez zen baimendutako jende kopurua gainditu.
Komunikatu baten bidez, Madrid Arenan gertatutakoa deitoratu eta gauzak argi utzi nahi izan dituzte: "zabaltzen ari diren informazioak ikusita, gertatutakoak Madrid Arenaren azpiegiturekin, baldintzekin eta segurtasunarekin zerikusirik izan ez duela azpimarratu nahi dugu".
10.000 pertsonarentzako lekua
Madril Arenak 10.000 pertsonarentzako lekua du. "Diviertt" enpresak Halloween gaueko festa ospatzen zuen bertan, "Thriller Music Park" izenarekin. Sarrerak 25 euroan saldu zituzten. Antolatzaileen hitzetan, festak "giro beltza eta dibertigarria" izango zuen, "ikus-entzuteko efektuei esker".
Diviertt enpresaren arabera, 10.600 sarreretatik 9.650 saldu zituzten.
Jorge Morales Diviertt S. L. enpresako bozeramaile eta abokatuak berretsi du inor ez zela sarrerarik gabe sartu,"sartzeko hiru kontrol zeudelako eta gainera, sarrerak egiazkoak edo faltsuak ziren ziurtatu ahal zitekeelako".
Gainera, ukatu egin du sarreren birsalmenta egon zenik edota fotokopiak erabili zirenik festara sartu ahal izateko.
Zure interesekoa izan daiteke
Rigloseko suteak hobera egin du eta dena prest dago ebakuatutako bizilagunak euren etxeetara bueltatzeko
Sutearen zatirik handiena, 17.500 hektarea baino gehiago erre dituena, egonkortuta dago, sektore batzuen faltan.
49 urteko motor-gidari bat larri zauritu da Arrietan izandako istripu batean
Ezbeharra 17:00 inguruan gertatu da, NA-1720 errepidean Arrietan parean (Artzibar). Nafarroako Gobernuak ohar batean azaldu duenez, aurrez aurre talka egin dute autoak eta zauritutako gizona zihoan motorrak.
Sabino Ormazabal ekintzaile eta bakezale nekaezina zendu da, 72 urte zituela
Kazetaritza, antimilitarismoa, ekologismoa, giza-eskubideak eta desobedientzia zibila izan ditu ardatz donostiarrak bere bizitza osoan zehar. Gizarte-mugimenduetan murgilduta beti, Eusko Legebiltzarrak izendatutako polizia-gehiegikeriaren eta giza eskubideen urraketen biktimen aldeko batzordean parte hartu zuen 2013tik.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Espainiako Gobernuak aldi baterako 1.500 harrera-plaza gaitu ditu Ceutan, migrazio-presioaren aurrean
Elma Saizek iragarri du harrera-sistema arintzeko lau gune berehala zabalduko direla, eta erakundeen arteko lankidetza nabarmendu du.
Bilboko konpartsek kuotak ezarri dituzte euskarazko musikarentzat txosnetan, % 27 baino ez dela egiaztatu ondoren
Konpartsek kanpaina bat aurkeztu dute jaietan euskararen erabilera indartzeko, eta txosnetan euskarazko musikaren proportzioa handitzeaz gain, beste aldaketa batzuk ere egin dituzte erabilera areagotzeko.
Zuia egoera larrian dago ur faltagatik, eta zisterna-kamioiak eskatu dizkio Aldundiari
Udalak igerilekuak betetzea, baratzeak eta lorategiak ureztatzea eta ibilgailuak garbitzea debekatu du, Baias ibaiaren ur-emaria jaisten ari delako.
Tessy Ebosele euskal atleta biral egin da sareetan "iruzkin krudelak" salatu ostean
Tessy Ebosele atleta arabarra, birala egin da Europako Atletismo Txapelketan parte hartu ondoren egindako adierazpenengatik. Gasteizen bizi den luzera-jauzilariak gogor kritikatu du atletek sare sozialetan jasotzen dituzten iruzkin negatiboak, eta esan du halako mezuek sekulako eragina dutela lehiatzerako orduan. Malkoak begietan, argi baino argiago hitz egin du.
Llantenoko sutea itzaltzeko lanean jarraitzen dute, garrak kontrolpean hartu ondoren
Laudioko, Langraizko eta Espejoko parkeetako suhiltzaileak, Nekazaritza Brigadako kideak, basozainek gidatutako bulldozerrak eta Larrialdietako helikopteroa lanean ari dira.
Laia eta Oihan, jaioberrien izen ohikoenak Euskadin
2025ean jaiotakoen artean izen arruntenak Laia, Ane eta June, eta Oihan, Markel eta Martin izan dira.