Langile bat hil da Abadiñon lan istripu batean
54 urteko Eibarko langile bat hil da astearte honetan lan istripu batean, Abadiñoko enpresa batean, trokel bateko pieza batek jota. Lan istripua Talleres Unamunzaga enpresan gertatu da, Abadiñoko Lebario auzoan.
Estanpazioko eta trokelgintzako enpresa da. Osalanen behin betiko txostena falta da, baina badirudi trokel batetik pieza bat askatu eta horrek langilea buruan eta bularraldean jo duela. SOS Deiakek abisua 08:38an jaso du, eta, larrialdietarako zerbitzuak iritsi direnean, gizona hilik zegoela konfirmatu dute.
Heriotza salatzeko kontzentrazioa
ELAk eta LABek heriotza salatu dute eta ostegunerako kontzentrazioa deitu dute, 12:30ean, Abadiñoko lantegian bertan.
Istripuaren arrazoiak argitzeko beharrezkoak diren ikerketak egitea eskatu du ELAk, eta produktibitatea ''langileen bizitzaren gainetik'' jartzen dutela salatu du sindikatuak. Halaber, gaur bertan, beste lan istripu bat ere izan dela salatu dute, bigarren hau ''in itinere'' (lanera bidean). Lantegi Batuak enpresako langile bat hil da goizean, lantokira zihoala kamioi batek zapalduta.
ELAk jakitera eman duenez, ''aurten, dagoeneko, 45 pertsona hil dira lan istripuetan Hego Euskal Herrian''.
Abadiñoko Udalak elkartasuna adierazi dio familiari
Abadiñoko Udalak ohar bat bidali du hildakoaren familiari elkartasuna adieraziz. Udaleko alderdi guztiek sinatu duten adierazpenean, erakunde publikoei eta pribatuei horrelako gertaerak "errepika ez daitezen" pausoak emateko eskatu diete.
Halaber, lan-istripu horren aurrean deituriko mobilizazio guztiak babestu ditu, eta horietan parte hartzera deitu ditu herritarrak.
54 urteko Eibarko langile bat hil da astearte honetan lan istripu batean, Abadiñoko enpresa batean, trokel bateko pieza batek jota. Lan istripua Talleres Unamunzaga enpresan gertatu da, Abadiñoko Lebario auzoan.Estanpazioko eta trokelgintzako enpresa da. Osalanen behin betiko txostena falta da, baina badirudi trokel batetik pieza bat askatu eta horrek langilea buruan eta bularraldean jo duela. SOS Deiakek abisua 08:38an jaso du, eta, larrialdietarako zerbitzuak iritsi direnean, gizona hilik zegoela konfirmatu dute.Heriotza salatzeko kontzentrazioaELAk eta LABek heriotza salatu dute eta ostegunerako kontzentrazioa deitu dute, 12:30ean, Abadiñoko lantegian bertan.Istripuaren arrazoiak argitzeko beharrezkoak diren ikerketak egitea eskatu du ELAk, eta produktibitatea ''langileen bizitzaren gainetik'' jartzen dutela salatu du sindikatuak. Halaber, gaur bertan, beste lan istripu bat ere izan dela salatu dute, bigarren hau ''in itinere'' (lanera bidean). Lantegi Batuak enpresako langile bat hil da goizean, lantokira zihoala kamioi batek zapalduta.ELAk jakitera eman duenez, ''aurten, dagoeneko, 45 pertsona hil dira lan istripuetan Hego Euskal Herrian''.Abadiñoko Udalak elkartasuna adierazi dio familiariAbadiñoko Udalak ohar bat bidali du hildakoaren familiari elkartasuna adieraziz. Udaleko alderdi guztiek sinatu duten adierazpenean, erakunde publikoei eta pribatuei horrelako gertaerak "errepika ez daitezen" pausoak emateko eskatu diete. Halaber, lan-istripu horren aurrean deituriko mobilizazio guztiak babestu ditu, eta horietan parte hartzera deitu ditu herritarrak.
Zure interesekoa izan daiteke
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela-zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.