Aita santua menderatu duten azpijokoak
"Benedikto XVI.a beldur da". Adierazpen hori Giuliano Pisapia Milango alkateak esan zion Gianluigi Nuzzi Vatileaks auziaren berri eman zuen kazetari italiarrari, iazko ekainean aita santua-rekin bildu eta gero, eta ezin hobe erakusten du Joseph Ratzingerrek ustelkeriei aurre egiteko eta Vatikanoa garbitzeko indar nahikorik ez zuela.
"Aita santua nazkatuta zegoen. [...] Berorren santutasunak Vatikanoaren azpikeriei aurre egiteko gaitasunik gabe ikusten zuen bere burua. [...] Ez zuen indarrik merkatariak tenplutik botatzeko". Paolo Gabriele aita santuaren etxezain ohiaren hitzak dira orain. Vatileaks auzia eragin zuena da, Vatikanoan milaka agiri sekretu ostu eta Nuzzi kazetariari igorrita.
Aita santuari laguntzeko egin zuela argudiatu zuen Gabrielek, hau da, munduak Vatikanoaren barruan gertatzen ari zena ezagutu dezan. Ustezko asmo onak gorabehera, traizio egin zion Benedikto XVI.ari, hots, laguntzaile estuenak eta gertukoenak egin zion traizioa pontifizeari.
Benedikto XVI.ak otsailaren 11n egin zion uko aitasantutzari, adin kontuak argudiatuta.
Harrezkero, baina, Vatikanoaren erraien argazki zuzena irudiztatzen duten hainbat adierazpen egin ditu.
Adibidez, ukoa iragarri eta bi egunera, hausterre-eguneko homilian, zatiketek "Elizaren aurpegia desitxuratu" egiten duela salatu zuen. Otsailaren 17ko Angelus otoitzan, Jainkoa "interes propioetarako" ez erabiltzeko deia egin zuen. Hilaren 23an, Elizan "sufrimendua eta ustelkeria" daudela ohartarazi zuen. Eta 27an, Vatikanoan egindako azken audientzian, bere aitasantutzan "une zailak" izan dituela aitortu zuen.
(Benedikto XVI.ak 150.000 pertsonaren aurrean esan dio agur aitasantutzari, San Petri plazan. EFE)
Italiako hedabideen arabera, Benedikto XVI.ak abenduaren 17an erabaki zuen aitasantutza uztea, 300 orriko txosten bat jaso eta gero.
Hain zuzen ere, hiru kardinalek (Julian Herranz, Josef Tomko eta Salvatore De Giorgi) Vatileaks auziari buruz egindako ikerketaren emaitzak daude agiri horietan. Benedikto XVI.ak baino ez ditu irakurri, eta bere bulegoko kutxa gotorrean gorde ditu, hurrengo aita santuari emateko.
Hiru kardinalen ikerketak agerian utzi du Vatikanoan agintea lortzeko borroka sutsuak, iruzur ekonomikoak eta sexu harremanak daudela, La Repubblica egunkariak argitaratu duenez.
Txostenak hainbat protagonista ditu, baina, guztien gainetik, Tarcisio Bertone Vatikanoaren estatu idazkaria aipatzen du. Besteak beste, Vatikanoaren Bankua (IOR) garbitzeko ahaleginak boikotatu izana egozten diote.
Bertonek jazarpen zorrotza abiatu zuen Ettore Gotti Tedeschi IOReko presidente ohiaren aurka, eta urrun bidaltzea agindu zuen, AEBetara hain zuzen ere.
Gotti Tedeschi aita santuaren lagun mina da, eta horrek 2009an izendatu zuen 'Jainkoaren bankari', finantza erakundean diru-garbiketaren aurkako nazioarteko legeak ezartzeko.
Vatikanoko Bankuan pertsona eta erakunde erlijiosoek eta Vatikanoko herritarrek baino ezin dute kontu-korronterik ireki, baina, praktikan, erakundearen funtzionamendua oso iluna da, eta dirua garbitzeko erabiltzen dela salatu dute Herranz, Tomko eta De Giorgi kardinalek.
La Repubblica egunkariaren esanetan, "baliteke Bin Ladenek eta mafiak ere izatea dirua Vatikanoko Bankuan".
(Tarcisio Bertone kardinala, eguzki-betaurrekoekin. EFE)
Vatileaks auziari buruzko ikerketa, baina, ez zen izan aita santuak azpijokoen eta ustelkerien berri izan zuen lehen aldia. Aldez aurretik, Carlo Maria Vigano artzapezpiku eta Vatikanoaren Gobernuko 'bigarrena' izandakoak ere zehaztu zizkion Egoitza Santuaren trapu zikinak.
Vatileaks auziaren berri eman zuen kazetariaren hitzetan, Viganoren azalpenek aztoratu egiten zuten Benedikto XVI.a, eta, hori dela eta, otoitz egitera joaten zen harekin batzarrak egin eta gero.
Joan Paulo II.aren garaietan, Vatikanoan artzai onak ez ezik, konspiratzaileak, iruzurgile fiskalak eta sexu maniakoak ere nahasi ziren. Denen aurka borroka egiteaz nekatuta, klausurako monasterio batera joatea erabaki du Benedikto XVI.ak, azpikeriek menperatu egin dutela jakinda.
Zure interesekoa izan daiteke
Albiste izango dira: Eskola jazarpenaren aurkako eguna, klima aldaketari buruzko goi bilera eta abisu horia itsasaldeko arriskuagatik
Gaurkoan Orain-en albiste izango direnen laburpena, bi hitzetan.
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberbullyinga gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.