Benedikto XVI.a aita santu emeritu da dagoeneko
Benedikto XVI.aren aitasantutza bukatu egin da ostegun honetan, eta Aulkia hutsik dago Eliza Katolikoan.
''Gaur arratsaldeko zortzietatik aurrera ez naiz Eliza Katolikoaren aita santua izango, bizitzako azken etapa hasten duen erromes bat baizik'', esan du Benedikto XVI.ak Castel Gandolfon, aita santu moduan egin duen azken ekitaldian.
Ratzingerrek otsailaren 28an, 20:00etan, egin dio uko aita santua izateari, Vatikanoa utzi eta helikopteroz bere bizileku berrira joan ostean. Ordu horretan, jauregi apostolikoko ate guztiak itxi dituzte eta Suitzako Guardia erretiratu egin da. Era horretan, Benedikto XVI.aren aitasantutza amaitu da, eta Eliza Katolikoa Aulki Hutsa deritzon aldian sartu da. Gaur bertan iragarri dutenez, konklabea prestatzeko kardinalen lehen bilera martxoaren 4an izango da.
Hainbat hilabetez bere bizilekua izango den jauregian egin duen azken ekitaldi publikoan, aita santua balkoira irten da eta bertan itxaroten ari ziren milaka fededun agurtu ditu.
''Oso harro nago zuekin egoteaz; zuen sinpatia eskertzen dizuet, baita zuen laguntasuna ere'', esan du txalo zaparrada baten artean, "gora aita santua" eta "Benedikto, Benedikto" oihuak entzuten ziren bitartean.
''Gaur arratsaldeko zortzietatik aurrera ez naiz Eliza Katolikoaren aita santua izango, bizitzako azken etapa hasten duen erromes bat baizik, lurralde honetan bere erromesaldiko azken aroa hasten duena", azaldu du. Halaber, lapsus linguae (hizkuntzena) txiki bat izan du, italieraz hitz egitean, inprobisatuz.
Benedikto XVI.ak esan du lanean jarraitu nahi duela "bihotzez, nire maitasunarekin, otoitzekin eta hausnarketekin, Elizaren onuragatik eta gizartearengatik.
Kanpai hotsak agur esan eta ongietorria emateko
Kanpai hotsek hartu dute Benedikto XVI.a Castel Gandolfora heltzean, baina ez dira eguneko kanpai-hots bakarrak izan. Izan ere, Vatikanoa utzi eta helikopteroa aireratu denean, Erroma osoko kanpaiek jo dute.
Agurra Vatikanoan eta bidaia helikopteroz
17:00etan, Benedikto XVI.ak Vatikanoa utzi eta helikopteroan egin du bidaia Castel Gandolfora. Aurretik, bere apartamentua utzi eta ingurukoei agur esan die. Suitzako Guardiak patioan harrera egin dio Benedikto XVI.ari, eta, ondoren, autoan joan da helikopterora.
Vatikanoa utzi aurretik, jarraitzaileen maitasuna eta gertutasuna eskertu ditu Benedikto XVI.ak bere azken txioan, Twitterreko @Pontifex kontuan.
Datorren aita santuari "errespetatzea eta obeditzea" promestu du
"Aita santu berriari baldintzarik gabe errespetatzea eta obeditzea promesten dut", esan du gaur goizean Benedikto XVI.ak, Vaticanoan agurtu zuten kardinalen aurrean.
Agur esatean, Kardinalen Kolegioari orkestra harmoniatsu moduan lan egitea eskatu dio, eta kardinalek "esker ona" erakutsi diote Benedikto XVI.ari aita santu moduan eman dituen zortzi urteengatik eta denbora horretan eman duen "ereduagatik".
Bizitza berria
Datozen hilabeteetan, Casten Gandolfo izango da Benedikto XVI.aren bizileku berria. Geroago, Mater Ecclesiae izena duen klausurako mojen monasterio batera pasatuko da, Vaticanoaren barruan.
Dagoeneko, Benedikto XVI.a aita santu emeritu izatera pasatu da. Zuriz janzten jarraituko du, baina aita santuek eraman ohi duten zamau gorri txikia gabe. Halaber, bere zapata gorriak Mexikon oparitu zizkioten marroiengatik aldatuko ditu.
Benedikto XVI.aren Arrantzale eraztuna ez da guztiz apurtuko, "ezeztatu" baizik, hau da, marra edo gurutze batekin urratuko dute, "erabilgaitza" izateko, Federico Lombarci Vaticanoko bozeramaileak esan duenez. Benedikto XVI.aren Vaticanoko etxebizitza zigilatu egin dute.
Hasi da Aulki Hutsa
Dagoeneko Aulkia hutsik dago, hau da, aita santu batek zereginari uko egiten dionetik edo hil egiten den unetik ondorengoa aukeratu arte igarotzen den epea abian da.
Zuzenbide kanonikoaren arabera, aita santu berria aukeratzeko konklabea Aulki Hutsa hasi eta 15-20 egunera hasi behar da, baina Benedikto XVI.ak motu propio bat publikatu du, kardinalei konklabea aurreratzeko baimena emateko.
Gaur bertan iragarri dutenez, konklabea prestatzeko kardinalen lehen bilera martxoaren 4an izango da.
Zure interesekoa izan daiteke
Honela geratu da La Guaira, 7,2 eta 7,5 graduko lurrikaren ostean
Tragediaren isla dira eroritako eraikinak, kalteak jasan dituzten azpiegiturak eta milaka biktima. Larrialdi-taldeek eremu kaltetuenetan lanean jarraitzen dute, kalteak neurtzen eta biktimak erreskatatzen.
Euskal Udalekuak elkarteak bere proiektua mehatxatzen duten erabaki politikoak salatu ditu, eta ekitaldi handi bat deitu du abuztuaren 29rako, Bernedon
Proiektuaren jarraipena arriskuan jartzen duten erabaki politikoak salatu dituzte. Egoera horren aurrean, euren ekimena defendatzeko eskura dituzten "baliabide guztiak" erabiliko dituztela adierazi dute, eta ekitaldi handi bat deitu dute abuztuaren 29rako Arabako udalerrian. Aldi berean, haur eta gazteei zuzendutako udako kanpaina berri bat prestatzen jarraitzen dute.
Navatz, Usi eta Anotz hustu dituzte, Ezkabarten piztu den suteren ondorioz
SOS Nafarroak jakinarazi duenez, 22:00ak aldera sutea egonkortzea lortu dute. 17:40 inguruan piztu da, eta haizearen ondorioz, berehala zabaldu da.
Mattin Aiestaran:"Baskoiek, iberiarrek eta Erdi Aroko euskaldunek abar hitza konpartitzen zuten"
Javier Velaza katedradunak eta Mattin Aiestaran adituak Irulegiko indusketetan "abar" hitzaren aurkikuntzaren garrantzia azaldu dute. Hizkuntza iberikoak, baskoiak eta euskaraz zaharrak (Erdi Arokoak) hiztegia konpartitzen zutela ondorioztatu dute.
28 urteko gazte bat itota hil da Arga ibaian, Uharten
Nafarroako Gobernuak jakinarazi duenez, istripuz uretara erori eta Dorraburuko presaren inguruan desagertu da.
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost lagun atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotza da; emakumeen eta nesken trafikoak gizakion duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.