Jorge Mario Bergoglio, historiako aurreneko aita santu jesuita
76 urteko Jorge Mario Bergoglio, Buenos Aireseko artzapezpikua, Elizako 226. pontifizea izango da, eta historian aurreneko aita santu jesuita da. Nazioarteko komunikabideen arabera, Frantziskoren izena Frantzisko Asisen omenez aukeratu du Bergogliok.
Juan Pablo II.ak Bergoglio kardinal izendatu zuen 2001eko otsailaren 21an, eta San Roberto Belamino titulua eman zion.
Buenos Airesen jaio zen, baina erro italiarrak ditu. Ingeniaritza kimikoa ikasi eta lizentziatu zen, baina ondoren abadetza aukeratu zuen eta Villa Devotoko apaiztegian sartu zen. 1958ko martxoaren 11an Jesusen Konpainiaren nobiziatuarekin bat egin zuen, eta ondoren gizarte zientziak ikasi zituen Txilen.
1963an Buenos Airesera itzuli zen eta Filosofia ikasi zuen San Jose San Miguel ikastetxeko fakultatean. 1964tik 1965era literatura eta psikologia irakaslea izan zen Santa Feko Inmaculada Concepcion ikastetxean.
1967tik 1970ra teologia ikasi zuen San Migueleko San Jose ikastetxeko Teologia Fakultatean. 1969an apaiz izendatu zuten. Villa Barilarin nobizioen irakasle izan zen, San Miguelen (1972-1973). Era berean, Teologia Fakultateko irakasle, Probintziako kontsultari eta Arriba Ikastetxeko errektore izan zen.
80ko harmarkadan Alemaniara joan zen doktore-tesia bukatzeko, eta ondoren Kordobako elizan amaitu zuen, zuzendari espiritual eta fede-aitorle gisa.
1992ko maiatzaren 20an, Juan Pablo II.ak Aucako gotzain eta Buenos Aireseko laguntzaile izendatu zuen. Ekainaren 27an Antonio Quarracino kardinalak, Ubaldo Calabresi monsinoreak, nuntzio apostolikoak, eta Emilio Ogñenovich monsinoreak, Mercedes-Lujango gotzainak, apezpiku-ordenazioa eman zioten.
1997ko ekainaren 3an Buenos Aireseko artzapezpiku lagunkidea izendatu zuten eta Buenos Aireseko artzapezpiku bihurtu zen Quarracino kardinala 1998ko otsailaren 28an hil zenean. 2005eko azarotik 2011ko azarora Argentinako Gotzainen Biltzarreko presidentea izan zen.
Meditaciones para religiosos (1982), Reflexiones sobre la vida apostolica (1986) eta Reflexiones de esperanza (1992) liburuen egilea da, Vatikanoak azaldu duenez.
Frantziskok futbola maite du
Jorge Mario Bergoglio futbol zale amorratua da eta San Lorenzo Argentinako taldearen jarraitzailea dela onartu du behin baino gehiagotan.
Lorenzo Massa aitak Almagroko taldea sortu zuen 1908an.
Frantzisko aita santua apaindura gutxiko jesuita da. Buenos Aireseko auzorik txiroenak garraio publikoan bisitatzen zituela goraipatu du Gabino Uribarri Bilbao Comillaseko Unibertsitatearen Teologia Fakultateko irakasle jesuitak. Bergogliok auto ofizialik erabili ez duela nabarmendu du.
Zure interesekoa izan daiteke
Euskal Udalekuak elkarteak bere proiektua mehatxatzen duten erabaki politikoak salatu ditu, eta ekitaldi handi bat deitu du abuztuaren 29rako, Bernedon
Proiektuaren jarraipena arriskuan jartzen duten erabaki politikoak salatu dituzte. Egoera horren aurrean, euren ekimena defendatzeko eskura dituzten "baliabide guztiak" erabiliko dituztela adierazi dute, eta ekitaldi handi bat deitu dute abuztuaren 29rako Arabako udalerrian. Aldi berean, haur eta gazteei zuzendutako udako kanpaina berri bat prestatzen jarraitzen dute.
Navatz, Usi eta Anotz hustu dituzte, Ezkarbarten piztu den baso-suteren ondorioz
SOS Nafarroak jakinarazi duenez, Atarrabiako kiroldegia ari dira egokitzen, etxetik atera dituzten herritarrak hartzeko. Zabaldutako informazioaren arabera, ez dago zauriturik.
Mattin Aiestaran:"Baskoiek, iberiarrek eta Erdi Aroko euskaldunek abar hitza konpartitzen zuten"
Javier Velaza katedradunak eta Mattin Aiestaran adituak Irulegiko indusketetan "abar" hitzaren aurkikuntzaren garrantzia azaldu dute. Hizkuntza iberikoak, baskoiak eta euskaraz zaharrak (Erdi Arokoak) hiztegia konpartitzen zutela ondorioztatu dute.
28 urteko gazte bat itota hil da Arga ibaian, Uharten
Nafarroako Gobernuak jakinarazi duenez, istripuz uretara erori eta Dorraburuko presaren inguruan desagertu da.
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost lagun atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotza da; emakumeen eta nesken trafikoak gizakion duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.