Jorge Mario Bergoglio argentinarra, Frantzisko aita santua
Habemus papam. Jorge Mario Bergoglio Eliza katolikoaren 266. aita santua da dagoeneko. Latinoamerikako aurreneko pontifizea da, eta baita historiako lehen jesuita ere. Frantzisko deitzea aukeratu du.
2013ko martxoaren 13ko 19:00ak aldera Kapera Sixtinoko tximiniatik ke zuria atera da. Bi aldiz ke beltza bota eta gero, hirugarren kea zuria izan da, konklabean. Bergoglio aita santua bosgarren bozketan aukeratu dute.
San Petri plazan alaitasuna nagusi izan da. Jendetzak hirugarren kearen kolorea itxaron du euripean, eta ke zuria ikusi eta gero, plaza lepo bete da. Jarraitzaileek ordubete itxaron behar izan dute aita santu berria ezagutzeko.
Bien bitartean, kardinalek erritua hasi dute. Aukeratu eta gero aita santu berria Kaperako sakristiara, "Malkoen Gelara", eraman dute. Bertan tamaina ezberdineko hiru sotana prest zituen. Zuriz jantzita pontifizea Kapera Sixtinora itzuli da kardinalen txalo artean.
20.00ak aldera munduak aita santu berria ezagutu du. Jean Louis Tauran kardinalak aita santu berriaren izena jakinarazi du: JORGE MARIO BERGOGLIO, Frantzisko. Aita santu berria balkoira atera denean algarak plaza hartu du. Zuriz jantzita eta gurutze soil bat zintzilik zuela balkoira atera da.
Frantziskok Benedikto XVI.a gogorarazi du eta aita santu emerituarengatik otoitz egitea eskatu du.
"Nire anaiak, kardinalak, ia munduaren amaierara joan direla ematen du", adierazi du Jorge Mario Bergogliok konklabea azaltzeko. Erromarentzat eta munduarentzat bedeinkapena eman baino lehen, "gotzainak bere herriari" otoitz egitea eskatu dio. Hitzaldian, gotzainak eta herriak "maitasun, konfiantza eta anaitasun bide bat" elkarrekin hasi dutela azpimarratu du Frantzisko aita santuak.
"Laster elkar ikusiko dugu, gabon" batekin agur esan die fededunei aita santuak.
Frantziskok Santa Martako etxean lo egingo du. Bertan zenbait aste emango ditu, aita santuarentzat prestatutako suite batean.
Agintaldiari hasiera emateko aurreneko meza, martxoaren 19an
Frantziskoren agintaldiari hasiera emango dion meza martxoaren 19an, San Jose Elizaren zaindariaren egunean, ospatuko da, Federico Lombardi Vatikanoko bozeramaileak jakitera eman duenez.
Aita santu berriak Benedikto XVI.arekin telefonoz hitz egin du dagoeneko, Lombardik azaldu duenez.
Frantziskok lehen meza ostegun honetan emango du Kapera Sixtinoan, kardinal guztiekin batera.
Zure interesekoa izan daiteke
Hantabirusaren agerraldia "kontrolatuta " dagoela uste du Rafael Bengoak: "Orain kasu positiboen jarraipena egin behar da"
Radio Euskadiko Boulevard saioan egin dioten elkarrizketan Rafael Bengoa Osasun Publikoko adituak azaldu duenez, hantabirusak sortutako egoera "kontrolpean" dago, eta, horren esanetan, kasu positiboen jarraipen zuzena egitea da orain garrantzitsuena. Bestalde, hantabirusaren infekzio ahalmena txikia dela eta sintomak dituztenek kutsatzen dutela azpimarratu du.
Lekukoen deklarazioen txanda, Lukas Agirreren heriotzaren epaiketan
Fiskalak 22 urteko kartzela-zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.