Etxegabetzeen legea onartu dute Kongresuan, PPren botoekin bakarrik
Diputatuen Kongresuko Ekonomia Batzordeak etxegabetzeen inguruko legea onartu du ostegun honetan, PPren botoekin bakarrik. Gobernuak proposatuta, hipoteka zor dutenak babesteko, zorra berregituratzeko eta gizarte alokairua sustatzeko legea da, eta etxegabetzeen kontrako neurriak biltzen ditu.
Oposizioko talde guztien kritikak jaso ditu PPren testuak, talde guztien hitzetan ez baitu kaleratzeen arazoa konpontzen. Halaber, alderdiek aurkeztutako emendakinak jasotzen ez dituela salatu dute. Izan ere, PPk egindako azken zirriborroari UPNren emendakin bakarra gehitu diote.
Senatura igorriko dute orain testua.
Minutu bateko isilunea, Kongresuari bizkarra emanda
Hipotekak Kaltetutakoen plataformako hainbat kidek protesta egin dute Kongresu aurrealdean, eta, legea onartu dutela jakin ondoren, minutu bateko isilunea egin dute, eraikinari bizkarra emanda. ''Lotsa, lotsa'' oihuekin bukatu dute minutu bateko isilunea bertan bildutakoek.
Etxegabetzeen inguruko legegintzako herri ekimena erretiratuko dute
Diputatuen Kongresuan etxegabetzeen inguruko legegintzako herri ekimena aurkeztu zuten taldeek ekimena erretiratzea erabaki dute, Alderdi Popularraren jarrera dela eta. Zorraren ordainetan etxea ematea eta etxegabetzeak geldiaraztea iradokitzen zuen aipaturiko ekimenak.
Ohar bidez jakinarazi dutenez, eurek aurkeztutako herri ekimena hutsaldu du PPk, eta bere testu propioa sortu du. Halaber, PPk bere proposamenarekin etxegabetzeen arazoa pairatzen dutenei iseka egiten diela uste dute.
Hipotekadunen Plataforma, CCOO eta UGT sindikatuak eta Kataluniako Sektore Sozialeko Mahaia daude legegintzako herri ekimen horren atzean. 1.402.854 herritarrek sinatu zuten ekimen hori, eta 2010eko martxoaren 30ean aurkeztu zuten Diputatuen Kongresuan.
"Etxebizitza duinerako herritarrek duten eskubidea finantza erakundeen esku gelditu da beste behin", gaineratu dute.
Horien ustez, PPk etxegabetzeen inguruan prestatu duen legeak ez du hipoteka ordaindu ezin dutenen arazoa konpontzen, dagoeneko etxetik kaleratu dituztenei ez die konponbiderik ematen, eta ezta etorkizunean kaleratuko dituztenei ere.
Arratsaldean eztabaidatuko dute egitasmo berria Diputatuen Kongresuan, baina popularren gehiengoak zuzenketa gutxi egitea ahalbidetuko du.
Zure interesekoa izan daiteke
Itsasadarrak gainezka egin du Zorrotzaurren, marea biziak direla eta
Bilboko itsasadarrak gainezka egin du berriro ere ostegun honetan Zorrotzaurreko zenbait tokitan, marea biziak direla eta. Euskalmeten abisu horiak, itsasaldeko arriskuagatik, larunbatera arte iraungo du.
Forondak Madrilekin eta Bartzelonarekin lotzen dituen hegaldiak estreinatu ditu
Astean lau izango dira Gasteiz eta bi hirien artean, baina aldi baterako astean bi izango dira urtarrilean.
Euskaltzaletasunaren giharra indartu, euskararen pizkunde berri bat abiarazteko
“Euskaltzaleon garaia da” izenburuko adierazpena aurkezteko agerraldia egin du Euskalgintzaren Kontseiluak, Arantzazuko Santutegian. Euskararen pizkunde berri baterako abiapuntua jarri nahi da, eta horretarako, abenduaren 27an Bilbao Arena milaka euskaltzalez betetzeko deia egin dute berriro.
Gripe kasuen kopurua "murrizten" ari da Bizkaian, txertaketari esker
Azken datuen arabera, 417.744 pertsonak jarri dute arnas-gaixotasun horren aurkako txertoa EAEn, iaz baino % 11 gehiago.
EAEko udalekuek euren jarduerari buruzko "erantzukizunpeko adierazpena" sinatu beharko dute
Bernedon gertatutakoaren ondotik, Eusko Jaurlaritza, hiru aldundiak eta EUDEL udalekuei buruzko protokolo berri bat ari dira lantzen.
Hegazti-gripeari aurre hartzeko neurri prebentiboak agindu ditu Espainiako Gobernuak
Arrisku- eta zaintza-eremu zehatzetan etxeko eta haztegietako hegaztiei eragingo dieten neurriak indarrean sartuko dira azaroaren 10etik aurrera. Horrelako eremuak daude Arabako eta Nafarroako zenbait udalerritan. Nolanahi ere, Europatik datorren birusaren aurrean arretaz eta arduraz jardutea eskatu dute agintariek, kutsatzeek eta birusaren hedapenak ekar ditzaketen kalteak saihesteko.
Vuelingek kalte-ordaina eman beharko dio esklerosia duen emakume bati, motoa hegazkinera sartzen ez uzteagatik
2021ean gertatu zen, Sevilla-Bilbo hegaldi batean. Salaketa jarri zuen emakumeak mugikortasun arazoak ditu, esklerosi anizkoitzak eragindakoak. Motoa behar du bidaiatzeko.
Zer protokolo aktibatzen dira ikastetxe batek jazarpen kasu bat egon daitekeela susmatzen duenean?
522 ikasle eskola-jazarpenaren biktima izan ziren joan den ikasturtean EAEn. Zenbakien atzean atzean ikasleen bizipenak daude; beldurra eta isiltasuna protagonista. Ikastetxeetan geroz eta sentsibilizazio handiagoa dago, eta kasuak goiz atzematea oso lagungarria da.
Iaz eskoletan abiatutako 2.263 protokoloetatik 522 eskola jazarpen kasuak izan zirela baieztatu du Hezkuntza Sailak
2024-25 ikasturtean aurrekoetan baino eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.