Albiste dira

Frackinga dela-eta erreferenduma egiteko baimena eskatu du Kuartangok

Arabako udalerri horretako alkateak eta Fracking Ez Kuartango plataformak egin dute eskaera. Erreferenduma legezkoa eta loteslea izatea nahi dute.

Erredakzioa

2013/05/28 - 18:48

Azken eguneratzea

2013/05/28 - 19:42

'Fracking'aren inguruko erreferenduma egiteko baimena eskatu dute Iñaki Guillerna (EAJ) Kuartangoko (Araba) alkateak eta Maria Santorum Fracking Ez Kuartango plataformako bozeramaileak astearte honetan, Gobernuak Gasteizen duen ordezkaritzan.

Fracking Ez Kuartango plataformak ohar baten bidez jakitera eman duenez, orain hilabete eskatu zioten Kuartangoko herritarrek Udalari gasa ateratzeko teknika horren inguruan erreferendum legala eta loteslea egitea.

Plataforma ''pozik'' agertu da Udalarekin izandako elkarrizketen ondoren, eta Espainiako Gobernuaren aldetik ere erantzun positiboa espero dute, haren esku baitaude horren inguruko eskumenak.