Gutxienez 78 lagun hil dira Santiagon tren bat errailetik atera ostean
Gutxienez 78 pertsona hil eta beste 140 zauritu dira asteazken honetan tren bat Santiagotik gertu (Galizia) errailetik atera eta gero, ikerketako iturriek jakitera eman dutenez. Trenak gutxienez 218 bidaiari zeramatzan.
Distantzia luzeko Alvia trena Madril-Ferrol ibilbidea egiten ari zen, Adifeko iturriek jakinarazi dutenez. Ezbeharra A Grandeirako bidegurutzean gertatu da, Santiagotik hiru kilometrora. Trenaren lau bagoi irauli egin dira.
Hildako kopuruak gora egin du goizaldean, Larrialdietarako Zerbitzuek hainbat bagoi altxatu ostean. Halaber, litekeena da gorpu gehiago aurkitzea. Izan ere, konboiak mugitzeko lanek jarraitzen dute ostegun honetan.
Bestalde, hasierako ikerketen arabera, ez da atentatua izan, eta baliteke bihurgune batetik igarotzean abiadura handiak istripua eragitea. Izan ere, trenaren gidaria onik dago, eta bertatik 180 km/h-ko abiadura zeramala aitortu du (bertako muga 80 km/h-koa izanda).
"Trena errailetik atera da, zer egingo dut ba?", esan zuen trenaren gidariak telefonoz izandako elkarrizketa batean, ikerketaren hainbat iturrik adierazi dutenez.
Alberto Nuñez Feijoo Galiziako presidenteak adierazpen instituzionala eskainiko du gaur goizean Exekutibo autonomikoarekin bildu ostean. Galiziako Xuntak jakinarazi duenez, Exekutiboa 09:30ean batzartuko da San Caetanoko gobernuaren egoitzan eta ondoren, presidentearen agerraldia izango da.
Adifeko teknikariak eta larrialdi zerbitzuak berehala bertaratu dira.
Argazkia: EFE
Konboia hiru zatitan hautsi dela azaldu dute lekukoek. Tren-makina eta aurreneko lau bagoiak errailetik irten dira. Erdiko bagoi batek lubeta baten gainetik hegaz egin du eta etxebizitzetatik gertu erori da. Gainerako bagoiak irauli egin dira.
Trenak geltokian sartzeko "abiadura normala" zeramala esan dute bertako bizilagunek. Hala ere, trena errailetik irten baino lehen zarata entzun dutela erantsi dute. Ondoren ke-mordoa atera dela gaineratu dute.
Santiagoko Udalak Apostoluaren jaietako ekitaldi guztiak bertan behera utzi ditu.
Argazkia: EFE
Ana Pastor Sustapen ministroa eta Rafael Catala Sustapen Estatu idazkaria istripuaren tokira joan dira.
Renfeko iturriek jakitera eman dutenez, ezbeharra abiadura handiko tarte batean gertatu da, Ourense-Santiago tartean, hain zuzen ere.
Biktimen senitartekoak artatzeko telefono zenbaki bat martxan jarri duela erantsi du Renfek: 900 101 660.
Zure interesekoa izan daiteke
Nafarroako Urzainkiko baso-sutea kontrolatutzat jo dute
Gaur gauean, Nabaskoze parkeko suhiltzaileak egongo dira bertan, zaintza-lanak egiten.
Kobre lapurretek 176 hilobi kaltetu dituzte Errenteriako hilerrian
Gurutzeak, argazkietako markoak eta bestelako apaingarriak… errotik atera dituzte Errenteriako hilerrian. Azken hilabetean bitan gertatu dira lapurretak eta gaurkoan 4 salaketa daude oraingoz. Udalaren arabera, nahiko bideratuta dago kasua eta datozen egunetan guztia argitzea espero dute.
Osasun Publikoak esku hartu du Eibarko taberna batean tortillen kontsumoarekin lotutako salmonelosi-agerraldi baten aurrean
Detektatutako 29 kasuetatik 25ek osasun-arreta behar izan zuten, eta bederatzi ospitaleratu egin zituzten. Guztiek alta jaso dute jada. Kutsatutako arrautzak Aragoiko ustiategi batekoak dira.
Euskal Herriko urtegien % 48,8 dago beteta, abuztuan ohi baino ia 6 puntu gutxiago
Uztailaren hasieratik, urtegietan bildutako ura azken 20 urteetako batezbestekoaren azpitik dago, eta alde hori astez aste handitzen joan da.
Hondarribiko Alarde tradizionalak "jarrerak polarizatzea eta herritarrak haserretzea" leporatu dio Udalari
HAOSE elkarteak dio otsailean utzi zuela konponbidea bilatzea helburu zuen prozesua, "gardentasun faltagatik eta prozesuarekiko leialtasun faltagatik", eta uste du Udalak orain argitaratutako komunikatuaren helburua dela alarde ez parekidearen defendatzaileak "deslegitimizatzea".
Espainiako Gobernuak bere gain hartu du Ceutako krisiaren kudeaketan aginte bakarra
Espainiako Gobernuak "historian aurrenekoz" deklaratu du Segurtasun Nazionalaren interes egoera eta migrazio krisiari eman beharreko erantzuna koordinatzeko aginte bakarra hartu du. Angel Victor Torres Lurralde Politikako eta Memoria Demokratikoko ministroak zuzenduko du egitura.
Patata-tortilla usaina eta festa giroa Bilbon, Aste Nagusiaren laugarren egunean
Gaur goizean, Areatzako patata-tortilla lehiaketak 400 parte-hartzaile baino gehiago bildu ditu; herritar eta konpartsakideak zartagina eskuan aritu dira euren trebezia erakusten. Gainera, eguerdian, ohikoa den moduan, bilbainadak entzun dira Pergolan, Los Chimberos taldearen eskutik.
Nafarroak frankismoaren biktimen memoria berreskuratu du "Objektuen memoria" erakusketan
Erakusketak Nafarroako hobi komunetan egindako prospekzio eta hobitik ateratze lanetan berreskuratutako objektuak biltzen ditu, frankismoaren errepresioaren biktimen historia eta memoria herritarren esku jartzeko. Iruñeko Alde Zaharreko Rozalejo Markesaren Jauregi berrituan dago ikusgai.
Gizon bat atxilotu dute Gasteizen, genero indarkeria egotzita, bikotekidearekin eztabaida bat izan ostean
Udaltzainak etxebizitza batera joan ziren, eta borroka batekin bateragarriak ziren zantzuak ikusi zituzten.
Ane Lindane komikoa epaituko dute, eskarnioa egotzita, Abogados Cristianos fundazioak salatu egin baitu
Salatutako gertakariak 2025eko ekainaren 29an gertatu ziren, Arberatze-Zilhekoan (Nafarroa Beherea), eliza batean, gurutzefika batekin masturbatzen ari zen itxura egin zuen eta. Bilboko Instantzia Auzitegiak epaituko du euskal komikoa.