Hileta hunkigarria biktimen oroimenez Santiagoko Katedralean
Santiagoko tren istripuan hildakoen hileta ofiziala egin dute Santiagoko katedralean. Azken datu ofizialen arabera, asteazkeneko tren istripuan 79 pertsona hil dira.
Biktimen eta zaurituen senitartekoak txalo artean atera dira katedraletik hileta-elizkizuna amaitu eta gero.
Julian Barrio Santiagoko artzapezpikuak meza zuzendu du, eta Mariano Rajoy Espainiako Gobernuko presidentea, Alberto Nuñez-Feijoo Xuntako presidentea, Espainiako Gobernuko kideak eta autonomia erkidegoetako hainbat presidente Santiagon izan dira, baita Iñigo Urkullu lehendakaria ere.
Galiziak eta Espainiak "bihotzean" daramatzatela ziurtatu die artzapezpikuak biktimen senitartekoei.
Ospitaleetan jarraitzen duten zaurituak gogorarazi ditu Barriok, eta ahalik eta azkarren osatzea opa die. "Guztien" babesa eta elkartasuna eman die biktimen senitartekoei.
Asturiaseko printzeak Santiagoko katedralean egindako hileta-elizkizunean izan dira. Tren istripuan hildako 79 pertsonen oroimenez hileta egin dute. Galiziako eta Espainiako gobernuetako presidenteak, administrazioetako ordezkariak, senitartekoak eta Angrois auzoko bizilagunak bertan izan dira.
Era berean, Elena infanta, Ana Pastor eta Alberto Ruiz Gallardon ministroak, Jesus Posada Kongresuko presidentea, Pio Garcia Escudero Senatuko presidentea eta alderdi politiko nagusietako ordezkariak bertan izan dira.
Agintariak hiletan: Argazkia: EFE
Fededunek elizkizuna tenpluren barruan jarraitu dute, sartu ahal izan direnek, eta gainerakoek kanpoaldean pantaila erraldoi baten bidez jarraitu dute, Quintana plazan.
Kanpaiak 18:00etatik aurrera jo dituzte biktimen oroimenez. Ehunka pertsona sartu dira katedralean. 17:30ean ilarak osatu dira, Obraidoiro plazatik Platerias plazara.
Santiagoko Quintana plaza hiletan. Argazkia: EFE
Iñigo Urkullu lehendakaria, biktimei Euskadiko herritarren ''atsekabea eta hunkipena'' helarazi eta Galiziarekiko ''anaitasun sentimendu sakona'' agerian utzi die.
Makinariaren deklarazioa
Santiagon istripua izan zuen trenaren gidariak aitortu egin du, epailearen aurrean, egun horretan oharkabetu egin zela, eta beste bide batean zegoela pentsatu zuela. Arduragabekeriazko 79 homizidio egotzi dizkiote.
EFE agentziak jakinarazi duenez, makinariak aitortu du 190 km/h-ko abiaduran zihoala, istripua izan zen bihurgunearen gehiegizko abiadura 80 km/h-koa izan behar bazen ere. Trena geldiarazten saiatu zen, "baina berandu zen dagoeneko".
Makinaria bi orduz deklaratzen izan da igande honetan instrukzio-epailearen aurrean, eta ondoren aske geratu da, baina hainbat kargu egotzita. Deklarazio horretan, ukatu egin du istripua akats tekniko baten ondorioz gertatu zela.
Zure interesekoa izan daiteke
Nafarroako Urzainkiko baso-sutea kontrolatutzat jo dute
Gaur gauean, Nabaskoze parkeko suhiltzaileak egongo dira bertan, zaintza-lanak egiten.
Kobre lapurretek 176 hilobi kaltetu dituzte Errenteriako hilerrian
Gurutzeak, argazkietako markoak eta bestelako apaingarriak… errotik atera dituzte Errenteriako hilerrian. Azken hilabetean bitan gertatu dira lapurretak eta gaurkoan 4 salaketa daude oraingoz. Udalaren arabera, nahiko bideratuta dago kasua eta datozen egunetan guztia argitzea espero dute.
Osasun Publikoak esku hartu du Eibarko taberna batean tortillen kontsumoarekin lotutako salmonelosi-agerraldi baten aurrean
Detektatutako 29 kasuetatik 25ek osasun-arreta behar izan zuten, eta bederatzi ospitaleratu egin zituzten. Guztiek alta jaso dute jada. Kutsatutako arrautzak Aragoiko ustiategi batekoak dira.
Euskal Herriko urtegien % 48,8 dago beteta, abuztuan ohi baino ia 6 puntu gutxiago
Uztailaren hasieratik, urtegietan bildutako ura azken 20 urteetako batezbestekoaren azpitik dago, eta alde hori astez aste handitzen joan da.
Hondarribiko Alarde tradizionalak "jarrerak polarizatzea eta herritarrak haserretzea" leporatu dio Udalari
HAOSE elkarteak dio otsailean utzi zuela konponbidea bilatzea helburu zuen prozesua, "gardentasun faltagatik eta prozesuarekiko leialtasun faltagatik", eta uste du Udalak orain argitaratutako komunikatuaren helburua dela alarde ez parekidearen defendatzaileak "deslegitimizatzea".
Espainiako Gobernuak bere gain hartu du Ceutako krisiaren kudeaketan aginte bakarra
Espainiako Gobernuak "historian aurrenekoz" deklaratu du Segurtasun Nazionalaren interes egoera eta migrazio krisiari eman beharreko erantzuna koordinatzeko aginte bakarra hartu du. Angel Victor Torres Lurralde Politikako eta Memoria Demokratikoko ministroak zuzenduko du egitura.
Patata-tortilla usaina eta festa giroa Bilbon, Aste Nagusiaren laugarren egunean
Gaur goizean, Areatzako patata-tortilla lehiaketak 400 parte-hartzaile baino gehiago bildu ditu; herritar eta konpartsakideak zartagina eskuan aritu dira euren trebezia erakusten. Gainera, eguerdian, ohikoa den moduan, bilbainadak entzun dira Pergolan, Los Chimberos taldearen eskutik.
Nafarroak frankismoaren biktimen memoria berreskuratu du "Objektuen memoria" erakusketan
Erakusketak Nafarroako hobi komunetan egindako prospekzio eta hobitik ateratze lanetan berreskuratutako objektuak biltzen ditu, frankismoaren errepresioaren biktimen historia eta memoria herritarren esku jartzeko. Iruñeko Alde Zaharreko Rozalejo Markesaren Jauregi berrituan dago ikusgai.
Gizon bat atxilotu dute Gasteizen, genero indarkeria egotzita, bikotekidearekin eztabaida bat izan ostean
Udaltzainak etxebizitza batera joan ziren, eta borroka batekin bateragarriak ziren zantzuak ikusi zituzten.
Ane Lindane komikoa epaituko dute, eskarnioa egotzita, Abogados Cristianos fundazioak salatu egin baitu
Salatutako gertakariak 2025eko ekainaren 29an gertatu ziren, Arberatze-Zilhekoan (Nafarroa Beherea), eliza batean, gurutzefika batekin masturbatzen ari zen itxura egin zuen eta. Bilboko Instantzia Auzitegiak epaituko du euskal komikoa.