Hilotz bat agertu da Arga ibaian Burlata parean, Nafarroan

Adindun baten gorpua aurkitu dute Arga ibaian, Burlatan (Nafarroa). Biktimaren senitartekoek ez zuten haren desagerpena salatu, baina hilotza identifikatu dute.

Nafarroako Gobernuak jakinarazi duenez, Arga pasealekutik igarotzen ari zen talde batek eman du abisua 10:30ak inguruan eta zerrategi parean gorpu bat ikusi dutela ohartarazi du.

Foru Polizia heriotzaren nondik norakoak ikertzen dabil, baina hasierako zantzuen arabera, ez da indarkeriazko heriotza izan.

Epaileak baimena eman ostean, gorpua Auzitegi Medikuntzako Institutura eraman dute autopsia egin diezaioten.