Milaka pertsona bildu dira Tuteran, Nafarroa Oinezen
Milaka pertsona bildu dira Tuteran Nafarroa Oinez 2013 ospatzeko. Nafarroako ikastolen jaia Argia Ikastolari laguntzeko egin dute aurten, ikastetxeak egoera ekonomiko larria bizi du eta.
Anika Lujan Argia Ikastolako zuzendariak gizartearengandik eta hedabideengandik jasotako babesa nabarmendu du. Euskadi Irratian lehen balorazio bat egin du, eta Nafarroa Oinez 2013ren arrakasta gaur ateratako diru kopuruaren araberakoa izango dela gaineratu du.
Eguraldia lagun izan dute goiz-goizetik, 20 gradutik gorako maximoekin, eta horrek milaka pertsona euskararen aldeko jaiarekin bat egitera animatu ditu. Antolatzaileek sei kilometroko ibilbidea prestatu dute, "Taupadaz bat egin!" lelopean.
Argia Ikastolak 22 irakasle eta 220 ikasle ditu, eta ia bi milioi euroko zorra du.
Bildutako dirua kiroldegia egiteko erabiliko dute, eraikin hori edukitzea ezinbestekoa baita Bigarren Hezkuntza eman ahal izateko. Horrez gain, diruaren beste zati bat familiei garraioko eta jantokiko gastuak ordaintzen laguntzeko erabiliko dute.
Politika eta gizarte alorreko ordezkariak
Nafarroa Oinez goizean hasi da, ibilbidearen sarreran jarritako zinta moztuta. Hasierako ekitaldi horretan, Euskal Herriko politika eta gizarte munduko ordezkariak izan dira: Sabino Cuadra Amaiurreko diputatua; Uxue Barkos, Geroa Baikoa; Maiorga Ramirez eta Barkartxo Ruiz Nafarroako Parlamentuko Bilduko diputatuak; Juan Carlos Longas (Aralar-Nabai), eta Txema Mauleon (Izquierda-Ezkerra), besteak beste.
Omenaldiak
Argia ikastolak hainbat erakunde omendu ditu euskararen eta Nafarroako ikastolen alde egiten duten lana eskertzeko. Hala, Iparlako kideei omenaldia eskaini diote, eta Mondragon Unibertsitateko Huhezi Humanitate eta Hezkuntza Zientzien Fakultateari oroigarri bat eman diote. Halaber, Erriberako euskararen aldeko elkarteen izenean, Mario Bermejok jaso du oroigarria, eta, azkenik, urte askoan Nafarroako Ikastolen Elkarteko presidentea izan zen Izaskun Arratibelek federazioaren omenaldia jaso du.
Zure interesekoa izan daiteke
Elkarretaratzea egin dute Donostian, hiriko gozoki-denda batean adingabe bati egindako sexu-erasoa gaitzesteko
Itaiak eta Amara Berriko Gazte Asanbladak deitu dute protesta, eta "eraso matxista bakoitzari aurre egin eta kaleak hartzeko" deia egin dute. Erasotzailea, dendaren jabea bera, kartzelan sartu dute.
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.