Etorkinen inguruko aginduaren aurka helegitea jarri du Estatuak
Estatutako Abokatutzak helegitea jarri du asegururik ez duten lagunen, tartean bertan bizitzeko baimen legalik ez duten etorkinen, osasun arreta arautzeko Jaurlaritzaren aginduaren kontra.
Joan den uztailaren 22an argitaratu zuten agindua Euskal Herriko Agintaritzaren Aldizkarian. Bertan jasotzen denez, Euskadin urtebeteko erroldatzea jarraitua izatea eta diru-sarrerak bermatzeko errentaren azpitiko diru-sarrerak izatea beharrezko da osasun txartel indibiduala eta familia-medikua izateko.
Edonola ere, larrialdi zerbitzuak baldintza hauek betetzen ez dituzten lagunak ere artatzen dituzte, larrialdi egoeretan eta osasun publikoarekin zerikusia duten arazoetan.
EH Bilduk eskatuta, aginduren nondik norakoak aztertu ditu gaur Eusko Legebiltzarreko Osasun Batzordeak. Bertan izan da Iñaki Berraondo Osasun Saileko Aseguramendu eta Kontratazio Sanitarioko zuzendaria.
Jaurlaritzako ordezkariak azaldu duenez, Estatuak arauaren kontra helegitea jarri duen arren, araua indarrean dago oraindik. Haren hitzetan, EAEko etorkin irregularren ''gehiengoak'' bete egiten du urtebeteko erroldatze-baldintza, eta ''700 bat lagun'' dira baldintza hori betetzen ez dutenak.
Eztabaidan zehar, Euskadin bizi diren pertsona guztientzako doako osasun arreta eskatu dute EH Bilduk, PSE-EEk eta UPyDk, arau horretan jasotzen diren baldintzak bertan behar utzita.
Zure interesekoa izan daiteke
Usiko, Anozeko eta Navazeko bizilagunak euren etxeetara itzuli ahal izan dira
Suhiltzaileen Zerbitzuak ikuskapen hegaldi bat egin du 08:00ak aldera: sua ez dago kontrolatuta, ezta egonkortuta ere. 112-SOS Nafarroak herritarrei eskatu die ez daitezela gerturatu suhiltzaileak eta langileak dabiltzan tokietara, horien lanak ez oztopatzeko.
Nafarroako Gobernuak nekazaritza jarduerak mugatu ditu lehorreko lurretan ostiraletik aurrera, sute-arriskua dela eta
Ezkaba mendiaren inguruan ostegunean piztutako sute handiaren ondorioz hartu dute erabakia. Izan ere sute horretan, zazpi parketako suhiltzaileen laguntza behar izan da, eta Nafarroako Foru Erkidegoan sua itzaltzeko dauden baliabide guztiak bideratu behar izan dituzte bertara, larrialdiko eta babes zibileko ekipoak tenkatzear eraginez.
Oinezko batzuei eraso egin ostean Santurtziko Udaltzaingoak zauritu zuen gizon bat hil da
Gizona ospitalera eraman zuten astelehenean Poliziaren esku-hartze baten ondorioz, hainbat pertsonari eta bertara joan ziren agenteei eraso egin ondoren. Gizona bi egun geroago hil da ospitalean.
Gaur hasiko da udako trafikoko operazio berezia, eta nazioarteko zikulazioan 2,27 milioi ibilgailuk EAE zeharkatzea espero da
Uda honetan, nazioarteko eta barruko joan-etorriak areagotzea aurreikusten da, eta, horregatik, neurri bereziak hartuko ditu Eusko Jaurlaritzak, trafikoaren kudeaketa hobetu eta udako gorabeherak murrizteko.
Auto-ilara luzeak BI-10 errepidean Bilbon, Kantabriarako noranzkoan, istripu baten ondorioz
BI-10 errepideko zirkulazioan eragina izan du istripuak, eta arazo handiak daude Kantabriarako noranzkoan. Une batzuetan, 3 kilometrotik gorako auto-ilarak erregistratu dira Bilbo inguruan.
Emakumezko bidaiariak: "Ez dut bakarrik bidaiatzen, neure buruarekin baizik"
Zerk bultzatzen ditu emakumeak inor barik bidaiatzera? Zeintzuk herrialde dira egokienak? Segurtasun, ekonomia eta logistika gomendioak bildu ditugu, hiru euskal emakumezko bidaiariren laguntzarekin.
Albiste izango dira: Venezuelako lurrikaren biharamuna, baso-sutea Ezkabarten eta irteera operazioa hasiko da
Gaurkoan Orain-en albiste izango direnen laburpena, bi hitzetan.
Honela geratu da La Guaira, 7,2 eta 7,5 graduko lurrikaren ostean
Tragediaren isla dira eroritako eraikinak, kalteak jasan dituzten azpiegiturak eta milaka biktima. Larrialdi-taldeek eremu kaltetuenetan lanean jarraitzen dute, kalteak neurtzen eta biktimak erreskatatzen.
Euskal Udalekuak elkarteak bere proiektua mehatxatzen duten erabaki politikoak salatu ditu, eta ekitaldi handi bat deitu du abuztuaren 29rako, Bernedon
Proiektuaren jarraipena arriskuan jartzen duten erabaki politikoak salatu dituzte. Egoera horren aurrean, euren ekimena defendatzeko eskura dituzten "baliabide guztiak" erabiliko dituztela adierazi dute, eta ekitaldi handi bat deitu dute abuztuaren 29rako Arabako udalerrian. Aldi berean, haur eta gazteei zuzendutako udako kanpaina berri bat prestatzen jarraitzen dute.
Ezkabarteko sutea berpiztu egin da egonkortuta egon ostean
SOS Nafarroak jakinarazi duenez, ez dute oraindik egonkortzea lortu. 17:40 inguruan piztu da, eta haizearen ondorioz, berehala zabaldu da.