Osasun alorreko ezberdintasunak ezabatzea du helburu Osakidetzak
2013-2020 Osasun Plana aurkeztu du gaur Jon Darpon Osasun sailburuak komunikabideen aurrean. Bi helburu nagusi ditu planak: maila ekonomiko-sozialaren arabera osasun arloan sortzen diren ezberdintasunak desagerraraztea eta bizimodu osasuntsu baten aldeko kultura eta kontzientzia zabaltzea herritarren artean
Darponek jakitera eman duenez, Eusko Jaurlaritzak iazko azken Gobernu Batzordean onartu zuen plana; erakunde eta sail ezberdinen artean, elkarlanean, osatutako proiektua da. Iñigo Urkullu lehendakariak zuzenduko du plan hau aurrera ateratzeko osatu den batzordea.
Osasun arloan emaitzak hobetzea helburutzat hartuta, 146 ekinbide daude jasota planean. Ongizatearen eta osasunaren bidean ezarritako politika publikoaren eraginkortasuna bilatuko da, eta horren abiapuntua, Darponen iritzian, bizimodu osasuntsu baten kontzientzia barneratzea da.
2010ean hasi ziren gaur aurkeztu duten plana lantzen. Osasungintzan erreferente diren hainbat herrialdetako politikak hartu dira eredutzat; hala nola, Danimarka, Finlandia, Norvegia, Suedia, Holanda, Ingalaterra edota Irlanda hartu dira erreferente gisa. Genero ikuspegia ere landu da plan honetan.
Sailburuak aurreratu duenez, planak ez du aurrekontu orokor zehatzik. Urte bakoitzean Osasun sailak eta planean parte hartuko duten beste sailek erabakiko dute planari zuzenduko dioten aurrekontua. Izan ere, sail guztiek txertatuko dituzte osasun politikak bakoitzak bere proiektuetan. Izan ere, Darponen hitzetan, ‘Jaurlaritza osoaren plana da’, ez Osasun sailarena bakarrik.
Osasuna sustatzea du helburu planak. Herritarrak konprometitu eta bezeroak soilik izatetik eragile aktibo izatera igarotzea du zutabeetako bat. Bost zati ditu, horietako bi 'zeharkakoak', hau da, Jaurlaritzaren politika orokorretan txertatuko diren proposamenak dira. Beste hiru zatiak, hiru kolektibotara zuzendutakoak: bihotzeko arazoak dituztenek, minbizia duten gaixoek eta gaixo kronikoek osatzen dute kolektiboetako bat. Genetikan ez ezik, minbizi kasuetan ere hainbat eragilek parte hartzen dutela jakinda, Osasun sailak uste du minbizien intzidentzia %10 jaitsi ahal izango dela 2020rako.
Heriotza tasa eta dependentzia jaistea dira helburuak. Munduko biztanleriarik zaharrenetakoa da gurea. Egun, 85 urtetik gorako 42.800 lagun daude Euskal Autonomia Erkidegoan, eta hemendik zazpi urtera bikoiztu egingo da kopuru hori. Kolektibo horren bizi kalitatea ahalik eta hoberena eta autonomoena izatea da beste oinarrietako bat. %10 jaitsi nahi da, baita, gehiegizko pisua eta obesitatea umeek eta gazteek osatzen duten kolektiboan.
Datorrenari aurre egiteko ekimen betegarriak burutuko direla esan du sailburuak. Plana bide orria baino gehiago hitzarmen soziala dela gaineratu du.
Albiste gehiago gizartea
Zarautzeko Udalak hondartzan erretzea eta bozgorailuak erabiltzea debekatuko du
Udalbatzak aho batez onartu zuen araudia berria, baina alegazioak aurkezteko epea zabalik egongo da abuztuaren 6ra arte.
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.