Osakidetzak kirola egitea errezetatuko du
Osakidetza herritarrei kirola egitea aholkatzetik kirola egitea errezetatzera pasatuko da. Lehenengo esperientzia Getxon (Bizkaia) gauzatuko du.
Jon Darpon Eusko Jaurlaritzako Osasun sailburuak ostiral honetan azaldu duenez, medikua eta erizaina dira pazienteak ondoen ezagutzen dituztenak, eta, "kirol-errezeta"ren bitartez kirola edota jarduera fisikoa egitea aginduko dutela adierazi du. Pazienteari gehien komeni zaion jarduera aginduko dio, espero diren onurak, patologiatik datozen mugak, zaletasun pertsonalak, motibazioak eta libre daukan denbora kontuan hartuta.
Errezeta honekin, pazienteak kirol profesionalarekin hitzordu bat izango du, inolako kosturik gabe. Kasu honetan, Getxo Kirola elkarteko batekin izango da. Jarduera fisikoa gaixoaren beharrei eta nahiei egokituko dio profesionalak.
Egun, 300 jarduera baino gehiagoko kirol eskaintza dago; profesionalen arabera, zaila da pertsona bakoitzarentzako jarduera egokia ez aurkitzea.
"Tratamendu" honen emaitzak uneoro kirol profesionalek eta medikuek ebaluatuko dituzte.
Ekimena Getxon estreinatu da
Osasun Sailak azaldu duenez, ekimen hau Getxon (2014 Kirolaren Europako Hiria) sortu da, eta bertan estreinatu dute, Udalak eta Kirol Zinegotzigoak lortutako partaidetzarekin. Pauso hau beste leku batzuetara zabalduko dute, datozen hilabeteetan.
2013-2020 Osasun Planak Jarrera osasuntsuen promozioa hartu du lehentasunezko gune.
Kirola egitearen onurak
2013 Euskal Autonomia Erkidegoko Osasun Inkestan jasotako datuen arabera, Euskadin emakumeen % 34k eta gizonezkoen % 27k ez dituzte Osasunaren Mundu Erakundeak ezarritako jarduera fisiko minimoak betetzen.
Jarduera fisikoa egiteak heriotza goiztiarra saihesteaz gain, gaixotasun koronarioak, hipertentsioa, diabetea, iktusa, bularreko eta koloneko minbizia eta depresioa murrizten ditu. Halaber, pisua irabaztea prebenitzen du, arnasteko gaitasuna handitu, hezurren eta muskuluen egoera hobetu, eta lo hobeto egiten laguntzen du.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.