1.000 etorkin baino gehiago erreskatatu dituzte azken 36 orduetan
Astearte honetan, orain arte 835 etorkin, horien artean 20 adingabe eta 95 emakume, erreskatatu ditu Itsas Salbamenduak, azken balantzearen arabera. Gibraltarko itsasartea hondartzako 92 ontzi puzgarrirekin zeharkatzen saiatu dira.
Horrela, azken 36 orduetan 1.100 etorkin baino gehiago erreskatatu dituzte itsasartean. Etorkin guztiak Tarifako (Cadiz) portura eraman dituzte. Gurutze Gorriko 49 boluntariok artatzen dituzte bertan.
Era berean, etorkinak hartzeko kiroldegi bat prestatu dute Tarifan. Itsas Salbamenduko zazpi ontzik parte hartu dute dispositiboan, besteak beste, Salvamar Gadir, Salvamar Alkaid, Salvamar Atria eta Salvamar Dubhe, eta baita Gurutze Gorriko LS Hermes txalupa motorduna ere.
Helimer 318 Salbamenduko helikopteroa eta Guardamar Caliope ontzia operazioan parte hartzen ari dira, eta baita Guardia Zibila ere.
Goizeko lehen orduan bi ontzi atzeman dituzte, barruan 42 etorkin zihoazela, baina kopuruak gora egin du goizean zehar eta, azken informazioen arabera, 37 dira atzemandako txalupak. Guztira, 303 gizonezko, 47 emakume eta 11 adingabe erreskatatu dituzte.
'Guardamar Caliope' ontzia Tarifako portua. Argazkia: EFE
Astelehenean, errekorra
Atzo, 299 etorkin eta 31 ontzi erreskatatu zituzten itsasartean. Horrela, Salvamar Atria, Salvamar Gadir, Salvamar Alkaid, Salvamar Dubhe eta Guardia Zibileko patruila-ontzi batek 31 ontzi atzeman zituzten astelehenean. Guztira, 299 etorkin erreskatatu zituzten, horien artean 42 emakume eta lau adingabe.
Etorkin guztiak Tarifako (Cadiz) portura eraman dituzte. Gurutze Gorriko 48 kidek artatu dituzte bertan. Javier Gil Gurutze Gorriko Bulegoaren koordinatzaileak azaldu duenez, emakume bat osasun zentro batera eraman behar izan dute; izan ere, haurdun dago.
Itsas Salbamenduak igandean ere beste bi ontzi atzeman zituen.
2010etik inoizkorik gehien
2010etik hona atzemandako etorkinen multzorik handiena da. 2014an zehar, multzorik handiena martxoaren 15ean heldu zen; egun hartan, 78 etorkin saiatu ziren Estatura itsasoz heltzen. Horietatik 53 Almerian erreskatatutako patera batean zihoazen, eta beste 25 Melillako hondartza batera iritsi ziren.
Zure interesekoa izan daiteke
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak hasi dira adinekoei zuzendutako bidaia horien erreserbak kudeatzen. Lehen egun honetan Imsersorekin lehen aldiz bidaiatuko dutenek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.
Heriotzen kopurua jaiotzena baino ia bi aldiz handiagoa da EAEn
Heriotzak 6.253 izan ziren urteko lehen hiruhilekoan, aurreko urtean baino % 0,8 gutxiago, eta jaiotakoak bainoa 3.008 gehiago.
Espainiako Abokatu Kristauen Fundazioak hiru urteko espetxe-zigorra eskatu du Bernedoko udalekuen auzian ikertutako 15 kiderentzat
Gasteizko Instrukzio Epaitegiak gaur hartuko die deklarazioa 15 ikertuei, eta testuinguru horretan egin du iragarpena herri-akusazio gisa ari den elkarteak. Bestalde, euskal udalekuetako kideek adierazi dute ez dutela prozesuaren berri emango, adingabeen eskubideak babesteko.
Lanbide Heziketak ia 8.000 plaza gehiagorekin ekin dio ikasturteari, bi gradu bikoitz berrirekin
Ia 75.000 plaza eskaini dira eta oraingoz 51.000 ikasle pasatxok eman dute izena (matrikulatzeko epea urriaren 16ra arte egongo da zabalik). Ikasturte hasierako ekitaldian lehendakariak azpimarratu duenez, egungo LHa "Txapeldunen Ligan" dago eta hezkuntza sistema hobetzeko "ardura partekatua, autokritika eta autoestima" eskatu ditu.
Txinak konfrontazioa baztertu du AAren inguruko eztabaidan, eta "ongira bideratutako" teknologia defendatu du
Pekinek adimen artifizial ireki eta inklusiboaren nazioarteko araubidea eskatu du, eta ohartarazi du mehatxu-diskurtsoek eta "asmo txarreko lehiak" haren gobernantza oztopatzen dutela.
Uda beteko tenperaturak astea hasteko : gaur 30 graduak gaindituko dira aste erdian udazken giroari bide eman aurretik
Nafarroako hainbat tokitan, Iruñean eta Erriberan kasu, termometroak 35 graduraino iritsiko dira gaur. Bihar goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera.