Nojako hondartzan bainatzen ari zen adingabe bat desagertu da

17 urteko neska baten bila ari dira Larrialdi Zerbitzuak eta Segurtasun Indarrak Nojan (Kantabria), hondartza batean bainatzen ari zela desagertu ondoren.  

112ko iturriek jakitera eman dutenez, neskatoa beste hiru lagunekin bainua hartzen ari zen Nojako Ris hondartzan, Suanceseko kanpinetik gertu, desagertu zenean.

Bizilagun baten Kantabriako Gobernuko larrialdi zerbitzuari hots egin zion goizaldeko 2:45ean,  neskek uretatik ateratzeko arazoak zituztela ohartaraziz. Batek bere kabuz ateratzea lortu zuen, baina bigarrena desagertu egin da.

Helikoptero bi, ontzi bat, Gurutze Gorriko eta Guardia Zibileko urpekariak eta larrialdi zerbitzuak neskaren bila ari dira.