Teresa Romerok 24 ordutan jakingo du 'erabat sendatuta' dagoen
Teresa Romero erizaintzako laguntzaileari azken probak egingo dizkiote gaur eta bihar, ebolaren birusa duen ala ez baieztatzeko. Atzokoetan negatibo eman zuen Romerok. Jose Ramon Arribas Carlos III Ospitaleko medikuaren hitzetan, emaitza berresten bada, “erabat sendatuta” egongo da.
Arribasen hitzetan, gaur eta bihar egingo dizkioten proba horiek ebolarik ez duela erakusten badute, Teresa Romero isolamendu egoeratik atera ahalko dute. “Pazienteak bizitza normala egin ahal izango du aurrerantzean”, baieztatu du.
Ebola izan aurretik zeukan osasun egoera berreskuratzeko, “denbora” beharko dutela azpimarratu du medikuak, “gaixotasun oso bortitza baita”. Baina haren eboluzioa “oso positiboa” izan dela nabarmendu eta erizainak izan duen “indarra” goraipatu du.
Hainbat herrialdek Teresa Romeroren seruma eskatu dute jada, ebolarekin dauden gaixoak artatzeko. “Hala ere, unerik egokiena zein den aztertu behar dugu, denborarekin serumek hobera egiten baitute, eta birusaren aurkako jarduera indartu”.
Misiolari espainiarrak Estatura eramateaz ez dela damutzen eta “modu berean” jokatuko lukeela adierazi du gaur Mariano Rajoy presidenteak PPko agintarien aurrean.
Espainiako presidentearen iritziz, bi misiolariak espainiaratzea “beharrizan etiko eta morala” izan zen, eta erabaki berdina hartuko luke orain.
Rajoyk eskerrak eman dizkie Osasun arloko profesionalei, ebolaren aurka egindako lanagatik.
Ignacio Gonzalez Madrilgo presidenteak Teresa Romero “zoriondu” du gaur, eta, ebolaren aurka egindako lana dela eta, Madrilgo Osasun sistema “munduko onenen artean” dagoela erakutsi dutela azpimarratu du.
“Birusa gainditu duela baieztatzea espero dut. Teresa Romero, horren familia eta, batez ere, Carlos III Ospitaleko medikuak zoriondu nahi ditut egindako lan bikainagatik”, adierazi du Gonzalezek.
Bestalde, Paciencia Melgar moja “pozik” agertu da Teresa Romerok azken proban negatibo eman ondoren.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.