EAEko herritarren % 45, bazterketa jasateko arriskuan
Caritas Euskadik FOESSA Fundazioak egindako "Bazterkeria eta garapen soziala Euskadin" txostena aurkeztu du gaur, 2013an integrazioaren eta gizartearen premien inguruan egindako inkesta batean oinarrituta.
FOESSAk gizarte-ikerketa eta soziologia aplikatuko ikerketak sustatzen ditu, eta 35 adierazletan oinarritu da inkesta hau egiteko.
Txostenaren arabera, EAEko herritarren % 83,4k ez du bazterketa sozialik jasaten. Hori horrela, 10 herritarretik 8 baino gehiago erabat integratuta daude (% 38,1ek ez du 35 adierazleetako batean ere huts egiten) edo, integratuta egon arren, bazterketa jasateko arriskuan daude (% 45,3).
Bazterketa egoeran daude, ordea, herritarren % 16,6 (% 11,1 tarteko bazterkeria egoeran daude, eta % 5,2 bazterkeria latzean).
Bestalde, txostenean azpimarratu dute Arabako, Bizkaiko eta Gipuzkoako populazioak gora egin duela "apur bat" azken urteetan, nahiz eta beheraka egiten hasi zen 2013an.
Gainera, EAEko biztanleria zahartu egin omen da, eta "hazkunde naturala baxua edo oso baxua" da.
Biztanle guztien artean, atzerritik etorritakoak (Espainiako Estatutik kanpokoak) % 6,8 dira, Espainiako Estatuko batez bestekotik (% 11,8) behera.
Hori horrela, txostenak proposamenak egiten dizkie erakundeei eta eragileei, "pertsonen eta gizartearen garapena ez dadin hazkunde ekonomikoarekin lotu".
Era berean, "pobreziaren egiturazko ondorioei aurre egiteko" eta "txiroenen bizi-baldintzak hobetzera bideratutako politikak lehenesteko" eskatzen du.
Zure interesekoa izan daiteke
Euskal Herrian eguzki eklipse osoa Fiteron ikusiko da luzaroen
Tokiaren arabera ezberdin ikusiko da eklipsea; osoa toki batzuetan, partziala besteetan. Eta itzalaldiaren iraupena ere aldatu egingo da aukeratutako parajearen arabera. Euskal Herrian gertakari astronomiko honetaz gozatzeko tokirik onena Fitero izango da, Nafarroan. 86 segundo iraungo du eta ikusmin handia dago bertan.
Ander Lopez Lerena (Bogota): 'Gosaltzen ari ginela hasi da lurra mugitzen, baina hemen ez da hainbesterako izan'
Lurrikara izan den unean, Kolonbian zen EITBko gure lankide Ander Lopez de Lerena. Hiriburuan, Bogotan nabaritu du astindua. Medellinen ere nabaritu da astindua eta baita Venezuelan, Ekuadorren eta Panaman ere.
Huelvako Niebla inguruan piztutako suteak kontroletik kanpo jarraitzen du, 20.000 hektarea kiskali ostean
Huelvako baso sutea kontrolatu ezinik jarraitzen dute suhiltzaileek. Niebla inguruan piztutako garrek aurrera jarraitzen dute eta dagoeneko 20.000 hektareako eremua kiskali dute. Ehunka lagun atera behar izan dituzte etxetik.
Donostiako Piraten Abordatzearen unerik onenak
Ehunka gaztek osatu dute piraten abordatzea, Donostiako portutik Kontxako hondartzaraino. Ontzi batzuk uretara sartu eta berehala hondoratu dira, baina beste batzuk jai giroan iritsi dira helmugara, eta, tradizioak dioen bezala, ez dira falta izan bandera piratak eta baimendutako 'ontzien lapurreta'.
Gasteizko alkateak barkamena eskatu dio Zeledoni, Andre Maria Zuriaren balantzean politika eta jaiak nahastu izana kritikatu ostean
Akats bati egotzi dizkio bere hitzak, eta babesa adierazi dio Iñaki Kerejazuri, baita 1976ko martxoaren 3ko biktimei ere.
Bizkaitar bat atxilotu dute Donemiliaga Kukulan hainbat neskaren ustezko jazarlea izatea egotzita
Lau salaketa jarri dira haren aurka, eta beste lau ere aurkeztea espero da, egun batzuk lehenago izandako antzeko gertakariengatik.
ONCEk eta Jaurlaritzak LightSound gailua aurkeztu dute, ikusmen-urritasuna duten pertsonek eklipsea 'entzun' ahal izateko
Gailu iraultzailea da, itsuek edo ikusmen-arazoak dituztenek fenomeno astronomikoa esperimentatu dezaten. LightSound du izena, eta eguzki-argiaren intentsitatea denbora errealeko soinu bihurtzen duen aparatua da.
Eklipsea ikusteko planik gabe? Adi ekitaldi historiko honetaz gozatzeko proposamen hauei
Aukera zabala dugu Euskal Herrian: itsasotik, mahasti batetik edo gure gailurretatik nahiz gidatutako behaketa batean teleskopioz, besteak beste, ikusi dezakegu abuztuak 12ko eklipsea.
Gasteizko tranbia ez da erdigunetik ibiliko irailera arte
Alaba Jeneralaren eta Independentzia kaleen urbanizazio-obrek eragin dute mozketa; bertan, besteak beste, zoladura homogeneoa jarriko da, bideen zati bat berriztuko da eta hainbat konponketa egingo dira.
Eguzki-eklipse osoen inguruko lau sekretu txundigarri
Ba al zenekien Antzinako Grezian eklipseek iragartzen zuten mekanismo bat zutela? Eta eklipseek iraungitze-data dutela? Eklipseen inguruko bitxikerietako batzuk bildu ditugu hemen.