Gasteizko gotzainak kargua utziko du martxoan
Miguel Asurmendi Gasteizko gotzainak kargua utziko du martxoaren 6an, 75 urte beteko dituen egunean, Radio Euskadik aurreratu duenez. Horrenbestez, Frantzisko aita santuaren izendapen berrien profila nolakoa izango den neurtzeko lehenengo aukeretakoa izango da.
Asurmendi 1995 urtean izendatu zuten Gasteizko gotzaina. Horren agurrak aro bat itxiko du Euskadin. Izan ere, Asurmendik berak eta Juan Mari Uriarte eta Ricardo Blazquez Donostiako eta Bilboko gotzain ohiek jarrera bateratuak adostu zituzten garrantzi handiko hainbat gaitan, bakegintzan, kasu.
Blazquezek eta Uriartek kargua utzi zutenean, profil ezberdineko elizgizonak hautatu zituzten: Jose Ignacio Munilla Gipuzkoako hiriburuan, kutsu kontserbadore handikoa, eta Mario Iceta Bizkaikoan, proiekzio publiko urrikoa.
Orain, Gasteizko hurrengo gotzainak Frantzisko aita santuaren profil berberekoa izan beharko du. Jose Antonio Badiola teologoaren ustez, euskal Elizak indarra galdu du Vatikanoan, eta, ondorioz, Asurmendiren ordezkoak ezin izango du profil propioa izango.
Asurmendiren lekukoa hartzeko faboritoa Juan Antonio Aznarez Iruñeko gotzain-laguntzailea ei da. Beste hautagai batzuk hauek dira: Raul Berzosa Ciudad Rodrigoko (Gaztela eta Leon) gotzaina, Fernando Gonzalo Gasteizko bikario nagusia eta Joseba Camiruaga bizkaitarra.
Edozein kasutan ere, prozesuak hilabeteak edo urtebete iraungo du. Trantsizioa lasaia izango dela uste dute adituek.
Aro berria Espainiako Elizan
Oro har, Espainiako Elizan aldaketa garaia etorriko dela dirudi. Rouco Varela Espainiako Gotzain Batzarreko presidente ohiaren aro kontserbadorea amaitu egin da, eta Frantzisko aita santuak sustatuta, Ricardo Blazquez presidente ohiak irekitasunaren alde egin ahal izango du.
Hurrengo hilabeteetan, bederatzi gotzain aldaketa egingo dituzte Estatuan.
Albiste gehiago gizartea
Iritsi dira Iruñera aurtengo sanferminetako entzierroetako lehen zezenak
Iritsi dira sanferminetako lehen zezenak Iruñera. Fuente Ymbro eta Victoriano del Rio ganadutegietakoak dira, uztailaren 7ko eta 10eko entzierroen protagonistak. Momentuz, Gaseko ukuiluetan daude atseden hartzen.
Bizkaiko Zubia zerbitzurik gabe geratu da matxura batengatik
Zerbitzu horren erabiltzaileak Getxotik Portugaletera joateko beste aukera batzuk bilatzen ari dira, oraingoz ez baitago argi zenbat denbora beharko den gorabehera hori konpontzeko.
2.000 bat ezkontza parekide egin dira Hego Euskal Herrian sexu berekoen arteko ezkontzak baimentzen zuen legea onartu zutenetik
2005eko irailaren 3an egin zen Hego Euskal Herrian lehen ezkontza parekidea, Gasteizko udaletxean. Lortutako aurrepausoak, baina, arriskuan daudela ohartarazi, eta olatu atzerakoiari aho batez erantzuteko eskatu dute.
LGTBIQ+ Harrotasunak Euskal Herriko kaleak hartu ditu, askatasunaren alde eta faxismoaren kontra
Dozenaka jarduera egin dira lurralde osoan zehar LGTBIQ harrotasunaren egunean. Martxa garrantzitsuenak Bilbon (/eguerdian), eta Gasteizen, Donostian eta Iruñean (arratsaldean) izan dira, eta milaka lagun batu dira horietara.
Gizon bat atxilotu dute Almerian, emaztea labankadaz hil ostean
63 urteko emakumea hilik aurkitu dute haren etxebizitzan, arma zuriz eragindako zauriekin. Ustezko hiltzailea erietxean atxilotu dute, bere buruaz beste egiten saiatu ostean, ospitaleratuta dagoelako.
Elkarretaratzea egin dute Hernanin, jaietan izandako eraso arrazisten aurka protesta egiteko
Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.
Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute
Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.
Ehgam-ek transfobian jarri du arreta aurten bere sariak banatzeko ekitaldian
Ehgam Euskal Herriko Sexu Askapenerako Mugimenduak Loratuz Lotu, Lumagorri, Anitzak eta SuminTrans kolektiboei eman die Urrezko Hirukia saria, Gurutzetako Ospitalearen Genero Identitatearen Unitateak pertsona transak artatzeko erabiltzen duen modua salatzen egindako lanagatik. Bestetik, feminista "transbaztertzaileek" Bilbon egin zituzten jardunaldiei eman diete Larruzko Espartina "antisaria", haur eta nerabe transak jomugan jartzeagatik.
Metro Bilbaok uztailaren 1ean jarriko du martxan udako ordutegia, maiztasunak egokituta
Ostiral eta larunbat gauetako zirkulazioa zerbitzu bereziekin osatuko dute, horren ibilbidean dauden udalerrietako jaiez eta kultura-ekitaldiez gozatu ostean etxera itzuli ahal izateko.
Motor-gidari bat hil da trafiko-istripuan Errezilen
Ezbeharra 17:45 inguruan gertatu da, Errezilen, GI-2634 errepidetik zihoan motozikleta bat bidetik atera denean. Gidaria, gizonezkoa, istripua izan den tokian bertan hil da.