Kouachi anaiek 'martirien moduan' hil nahi dutela esan dute
'Charlie Hebdo' aldizkariaren kontrako atentatua gertatu eta bi egunetara, hiru gunetan ari da lanean Frantziako Polizia: Batetik, Paris ipar-ekialdeko Dammartin-en-Goële herrian (Sen-et-Marne departamendua) atentatuaren susmagarriak, Said eta Cherif Kouachi anaiak, inguratuta ditu bertan eta tiroketa izan da bi aldeen artean. Hainbat komunikabideren arabera, Kouachi anaiek lagun bat bahitu dute herriko Creation Tendance Decouverte (CTD) izeneko inprimategian, baina Pierre-Henry Brandet Frantziako Barne Ministerioaren bozeramaileak agertu duenez, ezin du halakorik baieztatu.
Bestetik, armatutako gizon batek Vincenneseko (Paris ekialdea) denda batean sartu eta bost lagun bahitu ditu. Tiroketa izan da bertan, hainbat komunikabideren arabera eta gutxienez, lagun bat zauritu da.
Poliziaren arabera, litekeena da atzo ustez udaltzain bat hil zuen gizonezkoa izatea da bahitzailea. Hain justu, eraso horren eta 'Charlie Hebdo'ren atentatuaren artean harremana badagoela agertu du Barne Ministerioak, hiru ekintzaileak Buttes-Chaumont talde yihadistako kideak zirela baieztatu baitute.
Bernard Cazeneuve Barne ministroa Vincenneserako bidean da jada.
Azkenik, Parisko Polizia Prefekturak herritarren laguntza eskatu du ustez Montrougeko udaltzaina hil zuten bi lagunak topatzeko: emakume bat eta gizonezko bat dira: Amedy Coulibaly, 1982an jaiotako gizonezko beltz bat eta Hayat Boumeddiene 1988an jaiotako emakume bat.
Dammartin-en-Goële herriko egoera
Pierre-Henry Brandet Frantziako Barne Ministerioaren bozeramailearen arabera, atentatuaren ustezko egileek ez dute Dammartinen "inor hil, ezta zauritu ere", eta Poliziak ez du "erasorik egin, oraingoz". Lehentasuna, Barne Ministerioaren bozeramailearen hitzetan, "susmagarriekin harremanetan jartzea da, eta horretan saiatzen ari dira orain negoziazio taldeko agenteak". "Luze jo dezake honek, orduak edo egunak akaso", azpimarratu du.
Hortaz, ofizialki baieztatuta dagoen bakarra honakoa da: inprimategia inguratuta dute, eta atentatuaren ustezko egileak, Kouachi anaiak, barruan dira.
Yves Albarello Seine-et-Marne departamentuko diputatuak i-Tele telebista kateari adierazi dionez, "Kouachi anaiek esan dute martirien moduan hil nahi dutela".
Operazio zabala, martxan
Bernard Cazeneuve Barne ministroak jakinarazi duenez, Frantziako segurtasun indarrek Kouachi anaiak "indargabetzeko operazioa abian da". "Oise, Aisne eta Sena-et-Marne departamenduetan segurtasun operazio garrantzitsua jarri dugu martxan. Dammartin-en-Göele herrian daude gure agente guztiak", zehaztu du Cazeneuvek.
Dammartin-en-Goële herria Villiers-Cotterês udalerritik 40 kilometro eskasera dago; han ikusi zituzten azkenekoz bi anaiak, gasolina-zerbitzugune batean lapurreta egin ondoren.
Poliziak 8.000 biztanleko herria airez eta lurrez itxita du, eta gertakariak jazotzen ari diren lekutik hainbat kilometrora ezarri du hesia.
Dammartin-en-Goëleko Udalak bere webgunean oharra eskegi du eta etxean egoteko, leihoak ixteko eta argiak itzaltzeko agindu die herritarrei. Inprimategitik gertu eskola bat dago eta umeak bertan gordeta, onik, daudela jakinarazi dute Dammartin-en Goële herriko agintariek.
Horrez gain, Dammartin-en-Goëletik 25 kilometrora dagoen Meauxeko ospitalean 'Plan zuria' jarri dute martxan, hel daitezkeen balizko biktimak artatzeko plana, alegia.
Goizean goizetik "Arma automatikoak zituzten eta Kouachi anaien deskribapenarekin bat zetozen bi lagunek" Peugeot markako auto bat lapurtu dute 08:40an, RTL telebista kateak telebista kateak zehaztu duenez. Ondoren, Dammartin-en-Goële herrira joan dira, eta Poliziak inguratuta zituela ikusita, inprimategira sartu eta 10 lagun bahitu dituzte.
Hollande: "Eginahalak egiten ari gara susmagarriak atxikitzeko"
François Hollande Frantziako presidenteak bere gobernuko ministroekin zuen bilera bertan behera utzi du, tiroketaren berri izan duenean. 'Charlie Hebdo' aldizkariko atentatuaren ustezko egileek ihes egin zutenetik, krisialdi kabinetea jarri zuen martxan Frantziako Gobernuak, eta gaurkoa hirugarren bilera zuten.
Estatuburua Barne Ministerioaren egoitzan dago tiroketaren berri unean-unean izateko:
Bertatik egindako adierazpenetan agertu duenez, Frantziako segurtasun indarrak "eginahalak egiten ari gara susmagarriak atxikitzeko"."Frantziak jartzen dizkioten proba guztiei eutsiko die. Konfiantza dut gure herrialdean eta gure herritarrengan", erantsi du.
Zure interesekoa izan daiteke
Osasun-matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da jada. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 43 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese 'Gernika' aurrean: Ikaragarria da, Gazan ikusi dudanaren erreflexua dirudi
Francesca Albanese Nazio Batuen Erakundeko Palestinarako kontalaria txundituta agertu da asteazken honetan 'Gernika' Pablo Picassoren margolan ospetsuaren aurrean. Bere ustez, "gerra zibilaren suntsiketaz" hitz egiten badu ere, lurralde palestinar okupatuetan ikusitakoarekin "antzekotasun handia" du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia Kanarietan amarratzeko hartutako erabakia, eta eskatu du kasuaren osasun-kudeaketako protokolo-aldaketari buruz azalpenak eman ditzala berehala.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.