Euria arazoak sortzen ari da, eta hainbat ibaik gainezka egin dute
Euritea arazo handiak sortzen ari da, batez ere Bizkaian eta Gipuzkoan. Bi lurralde horietan uholdeak izan dira. Araban, ostera, ibaien emaria ez da hain kezkagarria.
Babes zibileko eta udaletako langileak ibaiak zaintzen ari dira minutuz minutu. Bizkaian, Cadagua ibaiak gainezka egin du Gueñesen, Alonsotegin, Balmasedan eta Zallan. Horrela, etxera sartzerik ez duten bizilagunentzako oheak prestatu ditu Zallako Udalak herriko zineman.
Gueñesen, errepidea itxi behar izan dute Zaramillon, Soduperako bidean, bi tokitan. Ostatu eta hotel batean logelak prestatu ditu Udalak, etxetik irten behar izan duten herritarrentzat.
Era berean, Ibaizabal ibaiak gainezka egin du Galdakaon eta Etxebarrin. Adineko lau pertsona zahar-etxetik atera behar izan dituzte Galdakaon.
Gainera, Arratia ibaiak gainezka egin du, eta Artean zenbait ibar hartu ditu urak. Bizkaian, gainerako ibaien emaria ere kezkagarria da. Horrela, zenbait errepide itxi behar izan dituzte ur putzu handiak direla eta, Erandion esaterako.
Bilbon, Udaltzaingoa Ibaizabal zaintzen ari da, oso hazita datorrelako. Itsasadarrak gauean gainezka egitea espero du Bilboko Udalak. Horregatik, ibilgutik gertu aparkaturik dauden ibilgailuak kentzea eta hiriko zonalde garaietara eramatea eskatu du Udalak.
Areatza, Pio Baroja, Albia Dorreak, Izozaki, IMQ eta Zubiarteko aparkalekuetatik autoak ateratzea gomendatu du Udalak. Etxebarria parkean ibilgailuak uzteko zonalde bat prestatu du Udalak.
Cadagua ibaia Guñesen. Argazkia: Iñaki Campo
Gipuzkoa
Gipuzkoan, egoerak okerrera egin du arratsaldean eta zonalde konkretuetan ibai batzuk gainezka egin dute. Debako arroan alerta gorria dago Oñatin, eta alerta laranja San Prudentzion eta Altzolan.
Oriaren eta Urumearen ur-emaria oso handia da. Horrela, Urumeak 4,41 metro hartu ditu Martutene auzoan.
Euri-zaparradek ur putzuak sortu dituzte eta lur-jausiek N-634 errepidea ixtera behartu dute Mendaron.
Bestalde, merkantzia tren bat errailetik atera da 19:30ean, Zumarragan. Renfek zerbitzua ordubete eten behar izan du Zumarraga eta Gabiria artean. Merkantzia arriskutsurik ez zeraman trenak, eta gidaria bidaiari bakarra zen. Tren-gidaria onik atera da.
Araba
Araban, prezipitazioek ez dute hainbeste arazo sortu eta larunbatean bota dezakeen elurra kezka nagusia da. Hala ere, Luiaondo, Gardea eta Okondo arroetan uholdeak izan dira. Era berean, Baia ibaiak gainezka egin du Izarra eta Zuhatzu Kuartango artean.
Gainera, Uribarri Ganboako urtegia husten ari dira, segundoko 40 metro kubiko, euria egiten jarraitzen baldin badu ura hartzeko gaitasun handiagoa izateko.
Nafarroa
Azkenik, Nafarroako Gobernuak alerta maila “0 egoeran” jarri du arratsaldean, Arakil eta Arga ibaien arroetan; izan ere, Nafarroan espero baino euri gehiago bota du.
Larrialdi zerbitzuak Baztan-Bidasoa eta Ega arroak zaintzen ari dira, baina Arakil eta Arga arroak baino ur-emari txikiagoak dituzte. Uholde Arrisku Plan Berezia martxan jarri dute goizean.
Era berean, Iruñeko Udalak larrialdi maila igo du Argaren ur-emariak gora egin eta gero. Segundoko 200 metro kubikoko ur-emaria zuen Argak arratsaldean, hiriburuan.
Nafarroako errepide nagusietan normaltasuna zen nagusi 20:00ak arte, Landabenen salbu. PA-30etik Landaben industrialdera sartzeko bidea itxita dago Arga ibaiak gainezka egin duelako. Zuriainen, N-135 errepidean (Iruña-Frantzia Luzaidetik) , arazoak daude uholdeengatik.
Zure interesekoa izan daiteke
Bizkaiko eta Gipuzkoako bigarren mailako hainbat errepide itxi dituzte, luiziak eta ur putzuak direla eta
GI-3440 errepidea erabat itxi dute Lezon, eta luizi gehiago gertatu dira Gipuzkoako errepideetan. Bizkaian gorabeherak izan dira Trapagaran inguruan, eta arretaz gidatzea gomendatu dute ur putzuak direla eta.
Amaitu dira auto-ilarak BI-10 errepidean, Barakaldo parean bi ibilgailuk istripua izan ondoren
Ezbeharra 124. kilometroan gertatu da, Donostiarako noranzkoan, eta bost kilometrorainoko auto-ilarak sortu dira.
Albiste izango dira: Ibaien egoera, noiz atertuko du? eta greba Tubos Reunidosen
Gaurkoan Orain-en albiste izango direnen laburpena, bi hitzetan.
Ibaiak oso beteta gauean, baina egoerak hobera egin du
Prezipitazio handien ondorioz, uholdeak izan dira hainbat tokitan, garajeetan eta etxebizitzetan, batez ere Butroe ibaiaren arroan. Marurin 36 auzokideri eragin die.
Harritzar bat zintzilik geratu da N-634 errepidearen gainaldean, Getaria parean
Eguerdia pasatxo zenean, tamaina handiko harri bat erori da mendian behera, baina burdinezko sareak eutsi egin ahal izan dio. Astearte goizean hasiko dituzte erretiratzeko lanak, eta bien bitartean, errepidea irekita dago.
Sei pertsona zauritu dira Faltzesen, beren autoa bidetik irten ostean
Zauritu guztiak ospitalera eraman dituzte eta ingresatuta geratu dira, pronostiko erreserbatuarekin. Horietako bost adin txikikoak dira.
Maila horian daude Abetxuko, Sangroniz eta Mungiako estazioak, uholde arriskuagatik
Euskalmetek jakinarazi duenez, datozen orduotan ere euria barra-barra egiten jarraituko du, ia etenik gabe, batez ere, Kantauri isurialdean.
Butroe ibaiak gainezka egin du Mungia parean
Euriteen ondorioz, Butroe ibaiak gainezka egin du Mungia parean, eta bertako Udalak autoak toki garaietara mugitzea gomendatu die herritarrei.
Nafarroak 4,7 milioi aktibatu ditu auto elektrikoaren erabilera bizkortzeko
"Tximista Auto" plan berriak ibilgailu bakoitzeko 5.500 eurorainoko laguntzak eta azpiegituretarako zuzeneko laguntza indartzen ditu.
Berriro ekin diote Bidasoa ibaira salto egin zuen gizonaren bilaketari
Antza, pertsona batek bi gizon ikusi ditu igande goizaldean ibilgailuak garbitzeko gune batean lapurreta egiten, Irunen, eta ertzainak heldu direnean, horietako batek uretara egin du salto; bestea, 31 urteko gizasemea, atxilotu egin dute.