Euskararen Legearen erreforma onartu du Nafarroako Parlamentuak
Nafarroako Parlamentuaren Osoko Bilkurak 1986ko Euskararen Legearen erreforma onartu du gaur UPN eta PPN ez beste taldeen aldeko botoekin, eta, hortaz, foru erkidegoko hezkuntza publikoko sare osoan D eredua eskaini ahalko da, "eskari nahikoa" badago. STEEILAS, ELA eta LAB sindikatuak pozik agertu dira, baina ñabardurekin.
PSN, I-E eta Geroa Bai taldeek bultzatu eta Aralar-NaBaik eta Bilduk babestutako aldaketak eremu ez-euskalduneko ikastetxe publikoetan D ereduko lineak "apurka-apurka" sortzearen alde egiten du, baina hori egiteko behar den ikasle kopurua Gobernuak zehaztu beharko du. Dena dela, sozialistek aurkeztu eta UPNk babestutako helegite bati esker, kopuru hori zehazteko erreferentzia "hezkuntza unitatea antolatzeko erabilitako kopurua" izango dela ebatzi dute.
Aldaketa hau egin baino lehen, eremu ez-euskaldunean bizi ziren haurrek ezin zuten euskaraz ikasi, inguruan ikastolaren bat ez bazuten behintzat.
Alde bozkatu duten taldeen bozeramaileen ustean, Euskararen Legea onartu zenetik, aldaketa sozial handiak jazo dira, eta eremu ez-euskaldunean euskaraz ikasteko eskaria badago, Administrazioak horri ere erantzun behar dio. PSN, Bildu, Aralar-NaBai, I-E eta Geroa Bai alderdien ustez, nafarrak ezin dira bizi diren eremuaren arabera diskriminatu.
Txema Mauleon Izquierda-Ezkerrako bozeramailearen esanetan, gaur onartu duten aldaketa "historikoa" da, "30 urtean izan den bazterkeria" atzean utzi duelako eta "hezkuntza publikoan askatasuna eta berdintasuna bermatu" duelako. Moldaketarekin "sektarismoaren eta zentzugabekeriaren harresia bota dugu", erantsi du Mauleonek.
UPNk eta PPNk gogor kritikatu dute aldaketa, eta "Bilduren legea" dela nabarmendu dute. Bi alderdion aburuz, erreforma "inposatu" egin dute.
Euskalgintzaren ordezkaritza zabala osoko bilkuran
Euskalgintzaren ordezkaritza zabala izan da gaurko saio "historikoa" bertatik bertara jarraitzen. Besteak beste, Paul Bilbao Kontseiluko idazkari nagusia egon da Nafarroako Parlamentuan, gonbidatuen artean.
Euskararen Legean egin duten bigarren aldaketa da honakoa. 2010eko otsailaren 18an moldatu zuten aurrenekoz, IUN-NEB taldeak proposatuta. Orduko hartan, Aranguren, Beraskoain, Galar eta Noain herriak eremu mistoan sartu zituzten.
Gaur onartutako erreforma honek ez du, ordea, 1986tik indarrean dagoen zonifikazioa bertan behera utzi.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.