Mariano Rajoy: 'Ez gara Syrizak sortu duen frustrazioaren erantzule'
Mariano Rajoy Espainiako Gobernu presidenteak adierazi duenez, Espainiak Greziari gauzak ondo joatea opa dio eta, beraz, Estatu espainiarra "ez da Syrizak sortu duen frustrazioaren erantzule". Horren esanetan, Syrizak bete ezin ziren hainbat gauza hitzeman zituen, "frogatuta gelditu den bezala".
Alexis Tsipras Greziako lehen ministroak "Atenasen kontrako ardatza" eratzea egotzi zien atzo Espainiari eta Portugali. Haren esanetan, Greziako gobernua botatzen saiatu dira, eta Eurotaldearekin zabaldutako negoziazioak porrotera eramaten ahalegindu.
"Kanpoan etsai bat bilatzea historian zehar askotan erabili izan den trikimailua da, baina ez ditu arazoak konpontzen, are gehiago, larriagotu egiten ditu. Arazoak konpontzeko modu bakarra serioak izatea eta egia esatea da, bete ezin duzuna ez hitzematea, ez baitago zure esku", gaineratu du.
Andaluziako Parlamenturako PPren 109 hautagaien aurkezpen ekitaldia egin dute gaur Sevillan eta bertan izan da Mariano Rajoy Espainiako Gobernu presidentea. "Ezker muturreko alderdiak erabaki du Portugalgo eta Espainiako Gobernuek dutela Greziako arazoen errua", gaineratu du.
Europar Batasuneko gainerako herriek bezala, Espainia greziarrekin solidario izan dela eta izaten jarraituko duela adierazi ostean, "argi hitz egin" behar dela azpimarratu du Rajoyk. "Ez gara Greziako ezker muturreko alderdiak sortu duen frustrazioaren erantzuleak", nabarmendu du.
Hala ere, Espainiak egin bezala, Greziak ere konpromisoak beteko dituela espero duela adierazi du.
Ez dela atzerrian "etsaiak" bilatzen ari erantzun dio Greziako Gobernuak Rajoyri
Grezia ez da atzerrian "etsaiak" bilatzen ari, Greziako Gobernuak Mariano Rajoyri gaur erantzun dionez. Izan ere, atzo Alexis Tsipras Greziako lehen ministroak Espainiaren eta Portugalen kontrako egindako salaketei erantzun die gaur Espainiako Gobernu presidenteak.
"Greziako Gobernu berriak ez ditu Europako herrialdeak eta hiritarrak lagunkoi edo etsai gisa sailkatzen; beraz, Grezia ez da atzerrian etsaiak bilatzen ari, konponbideak baizik. Beraz, gaizki ulertuek ez diote elkarrizketari inolako mesederik egiten", adierazi dute Greziako Gobernu iturriek.
Zure interesekoa izan daiteke
Sokamuturra berriro egiteak zatiketa eragin du Eibarren
Eibarren, bigantxak kalera aterako dituzte datorren astean, azken urteetan desagertua zen sokamuturrari berriro helduz. Udalerrian eztabaida erabatekoa da, aldekoen eta kontrakoen artean, eta zatiketa eragin du. Zatiketa horren erantzule egiten dute oposizioko alderdiek alkatea bera.
Sei adingabe artatu dituzte bero-kolpeen ondorioz, AP-68an, Kuartango parean, autobusak matxura izan ondoren
Arazo mekanikoa 13:10 aldera jazo da, ibilgailua Zaragozarantz zihoala, trenbidearen bazterbidean geldirik geratu denean matxura baten ondorioz. Autobusean 60 pertsona inguru zihoazen, gehienak 15 urte inguruko nerabeak.
GIB diagnostiko berantiarren kopurua % 60ra igo da Euskadin
Osasun Sailak uste du HIESaren eta STIen inguruko estigmak diagnostikoa atzeratzen duela eta kutsatzeko arriskua handitzen duela. Osakidetzarekin batera, "Parktikatu sex-carea" kanpaina abiarazi du.
1.778 ikaslek eskatu dute USaPeko euskara azterketa berrikustea
Behin betiko emaitzak datorren astelehenean argitaratuko dira. EHUko errektoreak zehaztu duenez, "ez dute baloraziorik egingo probaren emaitzari buruz"; izan ere, kalifikazioak, une honetan, "behin-behinekoak dira eta berrikuspen prozesuan daude".
Noiz jakingo ditugu USaPeko notak?
Datorren astelehenean, ekainaren 22an, unibertsitatera sartzeko probetako behin betiko notak argitaratuko dira, baina ikasleek azken aukera bat izango dute: azterketak ikustea.
500 babesgune klimatiko daude Euskadin, beroaldiei aurre egiteko
Ihobe sozietate publikoak bultzatutako ekimenari esker, 11 udalerritako eremu publikoak egokitzen dira —hala nola liburutegiak eta parkeak— itzalguneak eta gune freskoak eskaintzeko. Milioi bat pertsonari baino gehiagori egiten die mesede, eta asmoa pertsona zaurgarrienak babestea da.
San Mamesen eta garraio publikoan aldaketak egiteko eskatu zion FIFAk Bilbori
Udalak berretsi egin du 2030ean jokatzekoa den Munduko Txapelketako egoitza izan nahi duela, baina "ez edozein preziotan".
Txirrindulari bat hil da Forondan, auto batekin istripua izanda
Ezbeharra 08:50ak jo barik zeudela gertatu da, A-4306 errepideko biribilgune batetik gertu.
Osakidetzak 17 pertsona txertatuko ditu berriro Bilbon eta Lasarten, hotz-katearen akats baten ondorioz
Osasun Sailak onartu egin du EH Bilduk salatutako hotz-katearen akatsa, eta berriro txertatuko ditu kaltetuak: bost Lasarten eta hamabi Arangoitin. Rebeka Uberak gertatutakoa "ulergaitza" dela esan du, eta gogora ekarri du orain gutxi iraungitako txertoekin Osakidetzan izandako polemika.
Eibarko Udalak ezohiko osoko bilkura egingo du arratsaldean sokamuturren etorkizunaz eztabaidatzeko
Bilkura 19:00etan egingo da, eta bozketa ez da loteslea izango. Bien bitartean, ordu erdi lehenago, 18:30ean, elkarretaratzeak egingo dituzte Udaletxe kanpoan sokamuturraren aldekoek eta aurkakoek.