Baztarrikak dio Urquijok dudan jartzen duela euskararen ofizialtasuna
Patxi Baztarrika Eusko Jaurlaritzaren Hizkuntza Politikarako sailburuordeak salatu du Carlos Urquijo Espainiako Gobernuak EAEn duen ordezkariak "zalantzan" jartzen duela "euskararen ofizialtasuna", ez duelako onartzen euskara hutsean idatzitako aktak legezkoak direla.
Cristina Uriarte Hezkuntza, Hizkuntza Politika eta Kultura sailburuak Legebiltzarreko batzorde batean azaldu duenez, Jaurlaritza "kezkatuta" dago Espainiako Gobernuko ordezkariaren jarrerarekin; izan ere, 22 udalen kontrako salaketak jarri ditu aktak euskara hutsean idatzi dituztelako.
Toki Erregimenaren Oinarrien Legearen arabera, udalek Estatuko eta Erkidegoko administrazioei helarazi behar dizkiete aktak. Kontua da Espainiako Gobernuaren Ordezkaritzak ez dituela euskaraz soilik idatzitako aktak onartu, eta jaso ez balitu bezala egin duela, gaztelaniazko bertsiorik ez dutelako.
Hizkuntza Politikarako sailburuordeak Uriarterekin batera egin du agerraldia, eta gogorarazi du euskarak "erabateko" ofizialtasuna lortu zuela 1979an Gernikako Estatutua onartu zenetik, eta ofiziala dela "gaztelaniaren makulurik gabe ere".
Sailburuordeak euskaraz soilik idatzitako aktak legezkoak direla nabarmendu du, eta Konstituzionalak 1986an euskarari komunikaziorako "gaitasun juridikoa" aitortu ziola gogorarazi du.
Horren esanetan, gainera, Euskararen Legearen 8.2 artikuluak ez du behartzen aktak euskaraz eta gaztelaniaz idaztera.
Gainera, "zentzugabea" da, Baztarrikaren ustez, "hizkuntza batek ofizialtasuna galtzen duela pentsatzea, beste batekin erabiltzen ez delako".
zen ez delako".Zure interesekoa izan daiteke
Bi emakume bizkaitar hil ziren Madrilgo jatetxeko suteagatik ikertutakoak auzipetu dituzte, hilketa egotzita
Iñaki Angulo youtuberraren aurkako ikerketa hasi du Fiskaltzak, Hector Bellerin futbolariari irain homofoboak egiteagatik
Hoteletako erreserbekin lotutako iruzur kasuen gorakada atzeman du Ertzaintzak
Ginekologiako eta bularreko minbiziari eskainitako EITB Maratoiak ikerketa jarriko du erdigunean eta Zea Mays taldearen "Elektrizitatea" abestia izango du soinu-banda
Fisikako Nobel saria Francis Halzenek jaso du, jatorri astrofisikoko energia handiko neutrinoak aurkitzeagatik
Beste greba egun bat dute gaur hezkuntzan Iparraldean, baliabide gehiago eskatzeko
Alokabideren etxebizitza bateko bizilaguna etxegabetu dute Bilboko Atxuri auzoan
Istiluak Bartzelonan, etxebizitza eskubidearen aldeko manifestazio jendetsuaren ostean
Jon Agirre legazpiarraren belarri tortillak nazioarteko lehiaketa bat irabazi du
