Eutsi Berrituz kristau-taldeak Munillaren lana kritikatu du
EUTSI BERRITUZ Gipuzkoako kristau-taldea arduratuta agertu da Jose Ignacio Munilla gotzainak azken bost urteetan izan duen eginkizun pastoralarekin. Taldearen aburuz, “azken urteetan giro gaixoti, arraro eta etena garatu da eta bi sentiberatasun pastoral guztiz ezberdin sortu dira”. “Gotzainaren ekintzak eta pentsamendua Francisco aita santuaren ikuspegitik urrun daude”, gaineratu du.
Oharra kaleratu du taldeak goizean eta Jose Ignacio Munillak azken bost urteetan Donostiako gotzain moduan egindako lana hizpide izan du. Munillaren izendapena bera ere kritikatu du kristau-taldeak. “Espainiako Elizako arduradunek uste zuen Gipuzkoako elizbarrutia politizatuegia zegoela eta arrunt nazionalista zela”, adierazi dute.
EUTSI BERRITUZek dionez, “Munillaren jarduera eliz ikuspegi piramidal eta autoritario baten ondorio da”. “Gure elizbarrutiaren jabe bakarra bailitzan jokatzen du”, dio oharrak.
Adibide moduan jarri dute berarekin kritiko diren apaizekiko, erlijiosoekiko eta laikoekiko gotzainak hartuta jarrera.
Munillaren “gotzain-irakaspen pobrea” ere salatu dute eta “gure herriaren kultura eta sentierarekin sintoniarik ez duela” uste dute. Kritiken artean jaso dute baita ere “programa pastoralak burutzeko eta gauzatzeko izan duen modu esklusiboa”. Azkenik, Gipuzkoan elizbarrutiarekin batera modu partekatuan egiten ari zen Eraberritze Pastoralaren inguruan ezer egin ez izana leporatu diote Munillari.
Egoeraren aurrean EUTSI BERRITUZ elkarteak “Francisco aita santuak hasi duen eta eragiten ari den eliz erreforma Gipuzkoako elizbarrutira heltzea” espero du. “Orduan berreskuratuko baita sintoniaren eta elkartasunaren giroa”, amaitu du.
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.