Lagun bat zauritu da Luiaondon (Araba), motokultore batek harrapatuta

54 urteko gizonezko batek zauri larriak egin ditu gaur goizean Luiaondon (Araba) motokultore bat erabiltzen ari zela izandako istripu baten ondorioz.

Gizona ortuan lanean ari zela, motokultoreak hankak harrapatu dizkio, Segurtasun Sailak azaldu duenez.

Ezbeharra 11:30ean jazo da, eta istripua izan eta berehala bertaratu dira Aiarako suhiltzaileak eta anbulantzia bat.

Gizona Osakidetzaren helikopteroan eraman dute Gurutzetako Ospitalera, zauri larriak baitzituen.