Bardean zauritutako lagunarengatik elkarretaratzea egin dute Tuteran
Joan den ostegunean Bardean tiroz zauritutako lagun baten jazoeraren aurka protestatzeko elkarretaratzea deitu du igande arratsalde honetarako Tuteran Poligonoaren Aurkako Batzarrak. Horren harira, 50 bat lagun bildu dira Bardeako Elkargoaren egoitzaren aurrean.
Ostegunean izandako ezbehar horretan, Bardeako tiro eremuatik kanpo zegoela, pertsona batek tiro bat jaso zuen, hortik gertu maniobra militarrak egiten ari zirela. Aire-koarteleko osasun zerbitzuek artatu zuten zauritua. Zaurituak ezkerreko homoplatoaren erdialdean ebaki arin bat zuen.
Auzi horren inguruan eskainitako azalpen falta salatu nahi du Poligonoaren Aurkako Batzarrak. Halaber, nafarrak defendatzea eta tiro eremua eraistea eskatu die Nafarroako Foru Gobernuari eta Tuterako Udalari.
Batzarrak azpimarratu duenez, aurten tiro eremu inguruan gertatzen den bigarren jazoera "oso larria" da; izan ere, martxoan bi lagunek bi jaurtigai erortzen ikusi zuten.
"Bardeako herritarren eta turisten bizitza eta segurtasuna zenbatezina da", esan du Milagros Rubios Batzarraren bozeramaileak, "herritarren segurtasuna eta lasaitasuna eskatzen dugu Bardeako Parke Naturalean, Biosferako Natura-Erreserban, alegia".
Bestalde, 'Bardenas Orain!' Militarren Aurkako Batzorde-Ekimenak salatu duenez, "azpiegitura horiek tokiko herritarrentzat arriskutsuak dira, azken jazoerek erakutsi dutenez". "Gure lurraldeetan poligono militar horren presentziaren inguruko erabakia gure herriak hartzeko unea heldu da", gaineratu du. "Bardeko tiro-poligonoaren itxiera eskatzen dugu berriro", azpimarratu du talde horrek ohar baten bidez.
Osteguneko ezbeharrak Nafarroako Gobernu berriaren erreakzioa eragin zuen, eta bere kezka azaldu zuen "jazoera oso larrien aurrean". Halaber, PSNk eta Amaiurrek parlamentu-ekimenak iragarri zituzten bai Nafarroan baita Madrilgo Parlamentuan ere.
Albiste gehiago gizartea
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, lan eskaintza publikoetan euskara maila jaisteagatik
Udalak %70etik %40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu du baldintza hori.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.
Erretzea debekatuta, Iparraldeko parke eta hondartza publikoetan
Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.