Pertsona bat arin zauritu da tiroz Bardean
Pertsona bat arin zauritu zen tiroz ostegunean Bardeako tiro eremuaren inguruan, Nafarroako Gobernuak gaur jakitera eman duenez. Gertaera, maniobra militarrak egiten ari ziren bitartean izan zen.
Foruzaingoak jasotako datuen arabera, Nafarroako Larrialdi zerbitzuek dei bai jaso zuten atzo eguerdian, 12:15 aldera. Deia egin zuenak zioenez, tiro bat jaso zuen Bardeako tiro eremuaren inguruan autoarekin zebilen bitartean.
Aire-koarteleko osasun zerbitzuek artatu zuten zauritua. Ezkerreko homoplatoaren erdialdean ebaki arin bat zuen.
Foruzaingoak ikerketa ireki du gertatutako argitzeko.
Lehendakaritza, Funtzio Publiko, Barne eta Finantza Politika saila arduratuta agertu da "jazotako gertaera larriaren aurrean". Era berean, beharrezko laguntza eskaini dio zaurituari.
Bardeako tiro eremuaren inguruan jazotako gertaera "larriari" buruzko "informazio xehe eta zehatza" eskatu dio Sabino Cuadra Amaiurreko diputatuak Espainiako gobernuari. Diputatuak ohar bat kaleratu du eta bertan gertaeraren inguruan dagoen "isiltasuna" salatzeaz gain, tiro eremua eraisteko eskatu du.
Aireko Armada jaurtigaiaren jatorria ikertzen ari da
Espainiako Aireko Armadak eta Nafarroako Foruzaingoak ikerketa zabaldu dute pertsona bati zauriak eragin zizkion jaurtigaiaren jatorria zein izan zen argitzeko.
Defentsa Ministerioaren Komunikazio bulegoak berri eman duenez, kalibre txikiko jaurtigaia zen eta gertaeraren unean maniobra batzuk egiten ari zen helikoptero bateko metrailadore batetik atera zen.
Oraindik argitzeke dauden arrazoiak tarteko, jaurtigaiak -hainbat kilometroko bidea egin ostean- ibilgailu baten kontra talka egin zuen eta barruan zihoan lagunetako bat zauritu zuen.
Espainiako Defentsa Ministerioak "harridura" agertu du gertatukoaren aurrean eta adierazi du, seguru asko, zerbaiten kontra jo ostean atera zela jaurtigaia tiro eremutik.
Nafarrak defendatzea eskatu dio Tiro eremuaren aurkako asanbladak Foru Gobernuari
Nafarrak defendatzea, Bardeako tiro eremuan ostegunean gertatutakoa argitzea eta tiro eremua eraistea eskatu die Bardeako tiro eremuaren kontrako asanbladak Nafarroako Foru Gobernuari eta Tuterako Udalari.
Asanbladak azpimarratu du aurten tiro eremu inguruan gertatzen den bigarren jazoera "oso larria" dela; izan ere, martxoan bi lagunek bi jaurtigai erortzen ikusi zituzten.
Zure interesekoa izan daiteke
Euskal Udalekuak elkarteak bere proiektua mehatxatzen duten erabaki politikoak salatu ditu, eta ekitaldi handi bat deitu du abuztuaren 29rako, Bernedon
Proiektuaren jarraipena arriskuan jartzen duten erabaki politikoak salatu dituzte. Egoera horren aurrean, euren ekimena defendatzeko eskura dituzten "baliabide guztiak" erabiliko dituztela adierazi dute, eta ekitaldi handi bat deitu dute abuztuaren 29rako Arabako udalerrian. Aldi berean, haur eta gazteei zuzendutako udako kanpaina berri bat prestatzen jarraitzen dute.
Baso-sute handi bat piztu da Ezkabarten
Suak zuhaizti bati eragiten dio, eta kea Iruñetik ikus daiteke.
Mattin Aiestaran:"Baskoiek, iberiarrek eta Erdi Aroko euskaldunek abar hitza konpartitzen zuten"
Javier Velaza katedradunak eta Mattin Aiestaran adituak Irulegiko indusketetan "abar" hitzaren aurkikuntzaren garrantzia azaldu dute. Hizkuntza iberikoak, baskoiak eta euskaraz zaharrak (Erdi Arokoak) hiztegia konpartitzen zutela ondorioztatu dute.
28 urteko gazte bat itota hil da Arga ibaian, Uharten
Nafarroako Gobernuak jakinarazi duenez, istripuz uretara erori eta Dorraburuko presaren inguruan desagertu da.
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost lagun atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotza da; emakumeen eta nesken trafikoak gizakion duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.