Bardeako tiro eremua ixtea eskatu dute ehunka lagunek
Ehunka lagunek parte hartu dute, Bardeako Tiro Eremuaren Aurkako Batzarrak eta Ejeako eta herrietako Gerraren Kontrako Plataformak antolatuta, Bardeako azpiegitura militarraren itxiera eskatzeko gaurko deitu duten martxan.
"Gastu militarrik ez, gastu sozialak bai" lelopean egin dute Los Aguilares eta Bardeako tiro eremuaren arteko bidea manifestariek. Halaber, bidean "Tiro eremua itxi", "Bakea Bardearentzat" eta "Bardeak parke naturala" zioten kartelak erakutsi dituzte herritarrek.
Bardeako Tiro Eremuaren Aurkako Batzarrak azpimarratu du Espainiako Defentsa Ministerioak Bardeako azpiegitura militarra mantentzeko eta maniobra militarrak egiteko erabiltzen duen dirua Erribera berrindustrializatzeko eta inguruan lanpostuak sortzeko erabiliko balu, Erribera ez litzatekeela langabeziak gehien kolpatutako Nafarroako eremua izango.
Bestalde, Batzarrak salatu du herritarrak arriskuan jartzen dituela azpiegitura militar horrek eta Nafarroako erakundeek ez dutela ezer egiten herritarren segurtasuna bermatzeko.
Ildo horretan, Bardeako Tiro Eremuaren Aurkako Batzarrak azpimarratu du pilotuak hil direla tiro eremuan eta zibilak ere arriskuan jartzen dituela; izan ere, "aparatu militarren arteko istripuak jazo dira eta material militarra ere jausi da".
Horrez gain, hegazkin militarrek soinuaren hesia gainditzean sortzen diren eragozpenak eta soinuak salatu dituzte.
Zure interesekoa izan daiteke
Honela geratu da La Guaira, 7,2 eta 7,5 graduko lurrikaren ostean
Tragediaren isla dira eroritako eraikinak, kalteak jasan dituzten azpiegiturak eta milaka biktima. Larrialdi-taldeek eremu kaltetuenetan lanean jarraitzen dute, kalteak neurtzen eta biktimak erreskatatzen.
Euskal Udalekuak elkarteak bere proiektua mehatxatzen duten erabaki politikoak salatu ditu, eta ekitaldi handi bat deitu du abuztuaren 29rako, Bernedon
Proiektuaren jarraipena arriskuan jartzen duten erabaki politikoak salatu dituzte. Egoera horren aurrean, euren ekimena defendatzeko eskura dituzten "baliabide guztiak" erabiliko dituztela adierazi dute, eta ekitaldi handi bat deitu dute abuztuaren 29rako Arabako udalerrian. Aldi berean, haur eta gazteei zuzendutako udako kanpaina berri bat prestatzen jarraitzen dute.
Navatz, Usi eta Anotz hustu dituzte, Ezkabarten piztu den suteren ondorioz
SOS Nafarroak jakinarazi duenez, Atarrabiako kiroldegia ari dira egokitzen, etxetik atera dituzten herritarrak hartzeko. Zabaldutako informazioaren arabera, ez dago zauriturik.
Mattin Aiestaran:"Baskoiek, iberiarrek eta Erdi Aroko euskaldunek abar hitza konpartitzen zuten"
Javier Velaza katedradunak eta Mattin Aiestaran adituak Irulegiko indusketetan "abar" hitzaren aurkikuntzaren garrantzia azaldu dute. Hizkuntza iberikoak, baskoiak eta euskaraz zaharrak (Erdi Arokoak) hiztegia konpartitzen zutela ondorioztatu dute.
28 urteko gazte bat itota hil da Arga ibaian, Uharten
Nafarroako Gobernuak jakinarazi duenez, istripuz uretara erori eta Dorraburuko presaren inguruan desagertu da.
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost lagun atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotza da; emakumeen eta nesken trafikoak gizakion duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.