Alberto Schommer Gasteizko argazkilaria hil da
Alberto Schommer argazkilaria Donostian hil da gaur, 87 urte zituela, minbiziak jota, El Pais egunkariak jakitera eman duenez. Bere ibilbidean zehar, besteak beste, egunkari horretan lan egin zuen Schommerek.
1928an jaio zen Gasteizen. Schommer argazkilari handia da. Lanik ezagunena 'Retratos psicologicos' du.
Erretratu horiekin erakusketa handi bat egin zuen Prado Museoan, 2014an, 'Mascaras' izenburupean. Schommerek Espainiako intelektualei egindako argazkiak erakutsi zituzten bertan. Besteak beste, Francisco Ayala, Rafael Alberti, Jose Hierro, Camilo Jose Cela eta Vicente Aleixandreri erretratua atera zien argazkilariak.
Argazkilaritza Sari Nazionala
Schommerek Alemanian eta Parisen ikasi zuen eta 60ko eta 70eko hamarkadetako joera berritzaileenei lotuta egon zen beti. 2013an Argazkilaritza Sari Nazionala irabazi zuen.
Erretratuan aditua zen eta argazkigintzaren psikologoa zela diote askok; izan ere, bere pertsonaiei “mozorroa” kentzen zien.
Irving Pennen eta William Kleinen lanak Schommerrengan eragina izan du beti. Gasteizko argazkilariaren erretratu-sortak argitaratu dituzte komunikabideek azken 40 urteetan. Botere, ekonomia eta kultura eszenaratu dituzte Schommerren argazkiek.
Andy Warhol, Roy Lichtenstein eta Susan Sontag
AEBetako gizartea ere islatu du bere erretratuetan. Andy Warhol, Roy Lichtenstein eta Susan Sontag AEBetako ikonoei argazkiak egin dizkie arabarrak.
Artistak herrialde askotan erakusketak egin ditu eta bere lanak nazioarteko aldizkari ospetsuenek argitaratu dituzte. 1996an San Fernandoko Arte Ederren Akademian sartu zen, eta Kultura Ministerioak Arte Ederren Urrezko Domina eman zion 2009an.
Hiletarik ez
Bestalde, Schommer datorren larunbatean erraustuko dute, Donostiako Recalde tanatorioan, goizeko 09:00etan.
Donostiako Vascongada Ehorztetxeak zehaztu duenez, familiak ez du hiletarik edo ekitaldi zibilik antolatuko, eta, era berean, hil-kaperarik ez jartzea erabaki dute.
Beilatokia Shommerrek Donostian duen etxean dago.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.