LOMCEren kontrako mobilizazioak, Donostia, Bilbo, Gasteiz eta Iruñean
LOMCE Espainiako Hezkuntzaren Kalitatea Hobetzeko Legearen aurka egiteko milaka herritarrek euskal hiriburuetako kaleak hartu dituzte berriro arratsalde honetan. Gainera, Euskadirako hezkuntza-eredu propioa aldarrikatu dute.
Hezkuntza Plataformen Topaguneak deituta, Bilbon, Gasteizen, Iruñean eta Donostian izandako manifestazioetan parte hartu dute irakaslek, gurasok eta ikaslek. Gainera, EH Bilduk eta ELA sindikatuak ere mobilizazioak babestu dituzte.
Bilbo
Bilbon ehunka lagun bildu dira, Zabalburu plazatik abiatuta, 17:00etatik, Bilboko Udaletxeraino. Geroago, Arriaga Antzokiaren aurrealdean bukatu dute martxa. Partehartzaileen artean, Ikastolen Federazioaren presidente Koldo Tellitu dago.
Bertan bildutakoek Lomceren "inposaketa" salatu dute berriro, eta Euskadirako hezkuntza-eredu propioa aldarrikatu dute.
Bilboko manifestazioaren argazkia. Iturria: EFE
Gasteiz
Gasteizen, berriz, mobilizazioa hiru zutabetan banatu da: zutabe horiek hiriko hainbat puntutatik abiatu dira, eta 17:30ean bat egin dute Foru plazan.
Lomce Euskadin ezarri ez dadin eskatu dute partehartzaileek, eta zeramatzaten karteletan honako lelo hauek izan dira irakurgai: "Gure hezkuntza, gure esku", "Atzera goaz", "Zure hezkuntza sistema eraiki dezagun", "Heziberriri ez". 2020. urteraino doan Eusko Jaurlaritzaren plana da Heziberri eta, hainbat sindikatuk salatu dutenez, Lomce Euskadiko hezkuntza-sisteman sartzeko tresna da.
Haurrek kartelak eraman eta txistuak bota dituzte. Abestu batzuekin amaiera eman diote mobilizazioari.
Gasteizko mobilizazioa, Foru plazan. Argazkia: EFE
Donostia
Bestalde, jai-giroa nagusitu da Donostiako manifestazioan. Boulevardetik abiatu dira, 17:00etan, eta familiak, irakasleak, ikasleak eta hezkuntza-komunitateko ordezkariak bildu ditu martxak.
Iruñea
Iruñean, asanblada irekia eta elkarretaratzea egin dituzte 10:00etatik aurrera Biurdana Institutuan.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.