Etxerik gabeko 1.500 lagunek baino gehiagok egiten dute lo egunero kalean Euskadin, 2022an baino bi aldiz gehiagok
Horietako 10etik 7 hiru hiriburuetan bizi dira. Gainera, beste 2.700 etxegabe daude, baina gaueko harrera-zentroetan edo aterpetxeetan lo egiten dute. Gehienak gizonezkoak dira, eta atzerritarrak 10etik 8tan. Erdiak dio dirua edo ondasunak lapurtu dizkiotela, 10etik 4k irainak edo mehatxuak jasan dituela, eta 10etik 3k fisikoki eraso egin dietela.
Etxerik gabeko 1.500 pertsonak baino gehiagok kale edo eraikin abandonatuetan, txaboletan edo ibilgailuetan lo egiten dute gauero Euskadin, 2022an baino bi aldiz gehiago. Gaua kalean igarotzen duten etxerik gabeko pertsona horiek hiru hiriburuetan pilatzen dira nagusiki. Errealitate horren kopuruak gora egiten du urtetik urtera, eta horren atzean ezkutatzen dira migratzaileen drama, arazo ekonomikoak, diskriminazioa, familia eta gizarte isolamendua eta osasun mentaleko arazoak, besteak beste.
EAEn kalean dauden 1556 pertsona horietatik, 10etik 7 Bilbon, Donostian eta Gasteizen bizi dira gehienbat. Gainera, beste 2.700 etxerik gabe daude, baina gaueko harrera-zentroetan edo aterpetxeetan lo egiten dute.
Gizarte Informazio eta Ikerketako Zerbitzuaren zifren arabera, iazko urrian egindako zenbaketan oinarrituta, gehienak gizonak dira ( % 4 baino ez dira emakumeak), eta atzerritarrak, 10etik 8 kasutan, batez ere Afrika iparraldekoak.
Egoera horretara arazo ekonomikoengatik edo lan-arazoengatik iritsi direla diote. Eta 10etik 8k aitortzen dute bizi diren udalerrian geratzeko borondatea dutela. Gehienek diote diskriminatuta sentitu direla etxerik ez dutelako. Erdiek diote diru edo ondasun lapurretak jasan dituztela, 10etik 4k irainak edo mehatxuak, eta 10etik 3k eraso fisikoak. Sexu-eraso bat jasan dutenak ere badaude (emakumeak, kasu honetan). Pertsona asko, gainera, erabat isolatuta daude: bakarrik igarotzen dute eguna, eta ez dute harremanik familiekin.
Baliabideei dagokienez, 10etik 4k adierazi dute ez dutela inolako diru-sarrerarik. Hala dutenen artean, heren batek, gutxi gorabehera, laguntza publikoa jasotzen du, eta beste heren batek diru-sarrerak lortu ditu iturri pribatuetatik, dela laguntzarako sare sozial batetik, dela jarduera ekonomiko batetik, hala nola, txatarra bildu eta saltzetik eta eraikuntzatik. Deigarria da, era berean, erdiek baino gehiagok DSBEaren berri izan arren, % 9k soilik kobratzen duela.
Zure interesekoa izan daiteke
Hiru etxebizitza hustu behar izan dituzte Gazolazen, Oltza Zendean piztutako sute batengatik
Sutea piztu da arratsaldean Oltza Zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea estabilizatzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan 0 bat atera duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin eta, irakasleekin batera, egoerari irtenbidea emateko eskatu dute gaur Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.
Zubietako espetxearen inaugurazio ofizialak gizarteratzearekiko konpromisoa finkatu du, Martuteneko ereduaren aurrean
Pertsona erdigunean jartzen duen espetxe sistema propioa aldarrikatu du bertan Imanol Pradales lehendakariak, eta ETAk hil zituen espetxe funtzionarioei aitortza egiteko baliatu dute ekitaldia Pradalesek eta Fernando Grande-Marlaska ministroak.
EHUk gogorarazi du gauerdian amaituko dela USaPeko azterketak berrikusteko eskaria egiteko epea
Iritsi da EHUren oharra, Euskarari dagokion azterketan dozenaka ikasleri "0" jarri zien akats informatikoaren ondotik. Unibertsitateak akatsa konpondu zuela adierazi arren, egoerak egonezina sortu du kaltetutako ikasle eta familien artean, eta gaur goizean San Mamesko Ingeniaritza Fakultatearen aurrean elkarretaratzea egin dute.
Etxebizitzaren arazoak handitzen jarraitzen du, eta EAEko herritarren % 60 kezkatzen ditu dagoeneko
Politikaren arloan, herritarren % 25ek nahiago dute Pradales (EAJ) lehendakari izatea; % 11k, berriz, Otxandianoren (EH Bildu) alde egin dute. Hala jasotzen da Eusko Jaurlaritzak egindako azken soziometroaren datuetan.
Pedrosak iragarri du beroari aurre egiteko hainbat neurri ezarriko dituztela lau ikastetxetan, pilotu gisa
Begoña Pedrosa Hezkuntza sailburuak iragarri du ikastetxeak muturreko bero-boladetara egokitzeko plan bat jarriko dutela martxan. Proiektua uda honetan abian jartzea aurreikusten da, Euskal Autonomia Erkidegoko lau ikastetxetan, proba pilotu gisa, familien protestei erantzunez. Izan ere, Bilboko hainbat ikasgelatan 35 graduko tenperaturak erregistratu dira eta ikasle batzuek bero-kolpeak izan dituzte.
Milaka pertsona elkartu dira Amurrion, Araba Euskaraz jaiaz gozatzeko
"Taupadak berpiztu!" lelopean, Aresketa Ikastolak antolatu du musikaz, kulturaz eta adin guztientzako jarduerez beteriko jai jendetsua. Eguzkia eta beroa ere protagonista izan dira Arabako ikastolen festan.
Euskal Herriko lehenengo “Gazta Rolling” lehiaketa antolatu dute Urnietan
Azkorteko ermita alboko maldaren goialdean partehartzaileak kokatu ostean, hasi da ikuskizuna. 30 bat lehiakide abiatu dira gaztaren atzetik, eta Xabik ireki du lehiaketa honetako garaileen zerrenda.